Biblica® Open Sorani Kurdish Book of Life
دووەم سالۆنیکی 1
له پۆڵسو سیلوانسو تیمۆساوسه‌وه بۆ كۆمه‌ڵه‌ی باوه‌ڕدارانی ته‌سالۆنیكی له‌خودای باوكو عیسای مه‌سیحی خوداوه‌ندمان. با بهرهكهتو ئاشتی خودای باوكو عیسای مه‌سیحی خوداوه‌ند له‌گه‌ڵتان بێ.
سوپاسو نوێژكردن
ئه‌ی برایان پێویسته هه‌موو كاتێ له‌پێناوی ئێوه‌دا سوپاسی خودا بكه‌ین، هـه‌روه‌ك پێویسته، چونكه باوه‌ڕتان زۆر لهپهرهسهندندایه، هه‌روه‌ها خۆشه‌ویستیتان له‌گه‌ڵ یه‌كــتری له‌زیاد بوون دایه، ته‌نانه‌ت ئێمه خۆشمان، له كۆمه‌ڵه‌كــانی خـودا شانازی ده‌كه‌ین به‌باوه‌ڕو بهخۆراگرتنتان به‌رامبه‌ر به‌و چه‌وسانه‌وه‌و ناخــۆشیانه‌ی به‌رگــه‌ی ده‌گـرن.
ئه‌مه نیشانه‌یه بۆ حوكمی دادپه‌روه‌رانه‌ی خودا، كه ئێوه شیاوی پادشاهێتی ئه‌ون. ئه‌وه‌ی له‌پێناویدا تووشی ئازاردان بوون. لای خودا شتێكی دادپه‌روه‌رانه‌یه، ئازاری ئه‌وانه بدات كه ئازارتان ده‌ده‌ن، له‌گه‌ڵ ئێمه حه‌سانه‌وه به‌ئێوه‌ش ببه‌خشی كه ئێستا لهناخۆشیدان، كاتێ عیسای خوداوه‌ند له‌ئاسمان ئاشكرا ده‌كرێ له‌گه‌ڵ فریشته به‌تواناكانی لهئاگرێكی گڕدار، سزای تۆڵه ده‌دات به‌سه‌ر هه‌موو ئه‌وانه‌ی خودا ناناسنو گوێڕایه‌ڵی مزگێنی عیسای خوداوه‌ند نابن، سزای ئه‌وانه له‌ناوچوونی هه‌تاهه‌تاییه، ده‌ركردنیانه له‌به‌ر ڕووی خوداوه‌ندو بێ‌به‌ش بوونه لهشكۆو توانای ئه‌و. كاتێ عیسا ده‌گه‌ڕێته‌وه، له‌و ڕۆژه‌دا ستایشی ده‌كرێ له‌لایه‌ن خوشكو برا پیرۆزه‌كانی، ده‌بێته مایه‌ی سه‌رسوڕمان له‌لای ئه‌وانه‌ی باوه‌ڕیان هێناوه، چونكه شایه‌تیمان لای ئێوه باوه‌ڕپێكراو ده‌بێت. بۆیه هه‌مـوو كــاتێك نوێژتان بــۆ دهكـهینو داوا لهخــودا ده‌كه‌ین تا شـایسته بن بۆ بانگـهوازهكهیو چی ئاره‌زووی چاكو كـردارێكتان هــه‌یــه كــه له‌بــاوه‌ڕ سه‌رچاوه ده‌گرێ بـه‌تـواناوه جێ‌به‌جێی بكات. تا ناوی عیسای خــوداوه‌ند له‌ناوتان شكۆدار بێتو ئێوه‌ش شكۆداربن له‌ئه‌و به‌گوێره‌ی به‌ره‌كـه‌تی خودامانو عیسای مه‌سیحی خوداوه‌ند.
ڕۆڵه‌ی یاخیبوو
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.