Biblica® Open Sorani Kurdish Book of Life
دووەم پەترۆس 1
له‌شه‌معون په‌ترۆسه‌وه، به‌نده‌و نێرراوی عیسای مه‌سیح، بۆ ئه‌وانه‌ی به‌هۆی ڕاستودروستی خوداو ڕزگاركه‌رمان عیسای مه‌سیح باوه‌ڕێكی به‌نرخی وه‌ك باوه‌ڕی ئێمه‌یان ده‌سكه‌وتووه. بابهرهكهتو ئاشتی زیاد بێت بۆتان، به‌ناسینی خوداو عیسای خوداوه‌ندمان.
ههڵبژاردنو بانگه‌وازی خودایی
هێزه خوداییه‌كه‌ی هه‌موو شتێكی سه‌باره‌ت بهژیانو خوداناسی به‌ئێمه به‌خشیوه، به‌هۆی ناسینی ئه‌وه‌ی بانگیكردین بۆ شكۆمه‌ندیو ڕهوشتبهرزی، ئه‌وه‌ی به‌هۆیه‌وه به‌ڵێنه بهنرخو مه‌زنه‌كانمان پێدرا، تا به‌هۆی ئه‌و به‌شداربین له‌سروشتی خوداییو ڕابكه‌ین له‌و گه‌نده‌ڵییه‌ی جیهان كه له‌ئاره‌زووی خراپدایه.
له‌به‌ر ئه‌وه‌شه زۆر چالاكانه ڕه‌نج ده‌ده‌ن تا له‌باوه‌ڕتان ڕهوشتبهرزی بكه‌وێته‌وه، لهڕهوشتبهرزی زانیاری، له‌زانیاری خۆڕاگری، له‌خۆڕاگری دانبهخۆگرتن، لهدانبهخۆگرتن خواناسی، له‌خواناسی ههستوسۆزی برایانه، لهههستوسۆزی برایانه خۆشه‌ویستی. چونكه گه‌ر ئه‌وانه‌تان تیادا بێتو زیاد بكات، ئه‌وا ده‌تانپارێزێت له‌وه‌ی تهمبهڵو بێ به‌رووبووم بن له‌ناسینی خوداوه‌ندمان عیسای مه‌سیح. چونكه ئه‌وه‌ی ئه‌و شتانه‌ی تیادا نه‌بێ ئه‌وا كوێرو كهمبینه، هه‌روه‌ها له‌یادی چووه له‌گوناهه كۆنه‌كانی پاكبێتهوه.
بۆیه بـرایــان زیــاتـر دڵگه‌رم بن بۆ چــه‌ســپانــدنــی هـهڵـبژاردنو بانگه‌وازیه‌كه‌تان، چونكه گه‌ر ئه‌وه‌تان كرد ئه‌وا هه‌رگیز ناكه‌ون، هه‌روه‌ها پێشوازییه‌كی گه‌رمتان لێ ده‌كرێ بۆ چوونه ناوه‌وه‌ی پادشاهێتی نه‌مری خوداوه‌ندو ڕزگاركه‌رمان عیسای مه‌سیح.
بۆیه به‌رده‌وام ده‌مه‌وێ به‌بیرتان بێنمه‌وه سه‌باره‌ت به‌و شتانه، هه‌رچه‌نده ئێوه ئێستا دهیانناسنو چه‌سپاون له‌سه‌ر ئه‌و ڕاستیه‌ی لاتانه. من به‌ڕاستی ده‌زانم، تا له چادری ئه‌م له‌شه‌دابم، هۆشیارتان بكه‌مه‌وه به وه‌بیرهاتنه‌وه، چونكه ده‌زانم داكه‌ندنی ئه‌م چادره‌م [مردنم] نزیكبووهتهوه، هه‌روه‌ك خوداوه‌ندمان عیسای مه‌سیح بۆی ده‌رخستم. هه‌روه‌ها هه‌وڵده‌ده‌م تا دوای ڕۆیشتنم هه‌موو ئه‌و شتانه‌تان وه‌بیربێته‌وه.
شایه‌تی نه‌گۆڕی نێرراوان
چونكه ئێمه دوای ئه‌فسانه‌ی دروستكراو نه‌كه‌وتین، كاتێ هاتنی خوداوه‌ندمان عیسای مهسیحو هێزه‌كه‌یمان پێ‌ناساندن، به‌ڵكو به‌چاو شایه‌تی مه‌زنی توانای ئه‌وین. له‌به‌رئه‌وه‌ی كاتێ ئه‌و ڕێزو شكۆمه‌ندی له‌خودای باوك وه‌رگرت، ده‌نگێك له‌خودای شكۆداری مه‌زنه‌وه بۆی هاتو ووتی: )ئه‌مه‌یه ڕۆڵه‌ی خۆشه‌ویستم، ئه‌وه‌ی زۆر پێی دڵشادم)، ئێمه‌ش گوێمان له‌م ده‌نگه‌بوو كه له‌ئاسمانه‌وه هات، كاتێ له‌شاخی پیرۆز له‌گه‌ڵی بووین. هه‌روه‌ها ووشه‌ی پێغه‌مبه‌رانمان هه‌یه‌و زیاتر جێگای متمانه‌یه. چاك ده‌كه‌ن گه‌ر ئاگاداریبنو سه‌رنج بۆ ئه‌وه بده‌ن وه‌ك بۆ چرایه‌كی گه‌شاوه له‌شوێنێكی تاریك، تا ڕۆژ ههڵدێتو ئه‌ستێره‌ی به‌یانی له‌دڵتان ده‌رده‌كه‌وێ. له‌پێش هه‌موو شتێك پێویسته ئه‌وه تێبگه‌ن، كه هه‌موو ووشه‌یه‌كی كتێبی پیرۆز به‌لێكدانه‌وه‌یه‌كی تایبه‌تی یه‌كێك ڕووننابێتهوه، چونكه هه‌رگیز هیچ ووشه‌یه‌ك به‌خواستی مرۆڤ نه‌هاتووه، به‌ڵكو خه‌ڵكی له‌سه‌ر ده‌ستی ڕۆحی پیرۆز قسه‌ی خودایان كردووه.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.