Biblica® Open Sorani Kurdish Book of Life
دووەم کۆرنسۆس 6
وه‌ك ئیشكه‌رێك له‌گه‌ڵ خودا داواتان لـێ‌ده‌كه‌ین، به‌ره‌كه‌تی خودا بێ سوود وه‌رمه‌گرن. چونكه خودا ده‌ڵێ: [[ئه‌و كاته‌ی جێی ڕه‌زامه‌ندیم بوویت، گوێم بۆ گرتویت، له ڕۆژی ڕزگاری یارمه‌تیم دایت.]] جا سه‌یركه ئه‌وه‌تا ئێستایه كاتی ڕهزامهندیو ئێستایه ڕۆژی ڕزگاری. نامانه‌وێ لههیچ شتێك ببین به كۆسپ له‌ڕێگای كه‌س، بۆ ئه‌وه‌ی ڕه‌خنه لهخزمهتمان نه‌گیرێ، به‌ڵكو وه‌ك خزمه‌تكاری خودا لهههموو شتێك خۆمان ده‌رده‌خه‌ین: به ئارامگرتنی مه‌زنمان له‌كاتی ته‌نگانه‌و ناخۆشیو لێقه‌ومان، لـێدانو گرتنو شڵه‌ژان، ماندووییو شهونوخونیو برسێتیدا، بهپاكیو زانیاریو دانبهخۆگرتنو زمان شیرینی، هه‌روه‌ها بهڕۆحی پیرۆزو خۆشه‌ویستی پاك، به‌قسه‌ی ڕاستو هێزی خوداو چه‌كه‌كانی ڕاستودروستی بۆ ده‌ستی ڕاستو چه‌پ، له‌ستایش كردنمانو سووكایه‌تی پی كردنمان، ناوبانگی باشو ناوبانگی خراپ، هه‌ڵخه‌ڵه‌تێنه‌ر له‌كاتێك ڕاستگۆین، نه‌ناسراو له‌كاتێك باش ناسراوین، مردوو له‌كاتێك زیندووین، سزادراو له‌كاتێك نه‌كوژراوین، غه‌مبار له‌كاتێك هه‌رده‌م دڵشادین، هه‌ژار له‌كاتێك زۆر كه‌س ده‌وڵه‌مه‌ند ده‌كه‌ین. وه‌ك یه‌كێك هیچی نه‌بێ، هه‌رچه‌نده هه‌موو شتێكمان هه‌یه. ئه‌ی دانیشتوانی كۆرنسۆس، ده‌ممان كراوه‌یه‌و دڵمان فراوانه. بێ‌گومان ئێوه شوێنی خۆتان گرتووه لهدڵمان، هه‌رچه‌نده ئێوه ئه‌وه‌نده شوێنتان نییه بۆمان. وه‌ك منداڵی خۆم له‌گه‌ڵتان ده‌دوێم، كه‌واته ئێوه‌ش دڵتان بكه‌نه‌وه بۆمان.
په‌رستگای خودای زیندوو
له‌گه‌ڵ بێ‌باوه‌ڕان تێكه‌ڵاو مه‌بن، چونكه ڕاستودروستیو خراپه چ په‌یوه‌ندییه‌كیان بهیهكهوه هه‌یه؟ هه‌روه‌ها ڕووناكی چ هاوبه‌شییه‌كی له‌گه‌ڵ تاریكی هه‌یه؟ یان چ ته‌باییه‌ك له‌نێوان مهسیحو به‌لیعال [[[شه‌یتان]]] هه‌یه؟ یان چ شتێك هه‌یه باوه‌ڕدارێك به بێ‌باوه‌ڕێكه‌وه ببه‌ستێته‌وه؟ هه‌روه‌ها په‌رستگای خودا چ ڕێككه‌وتنێكی له‌گه‌ڵ بته‌كان هه‌یه؟ ئێمه په‌رستگای زیندووی خوداین، به‌پێی ئه‌وه‌ی خودا ووتویه‌تی: [[له‌نێوانیان نیشته‌جێ دهبمو له‌گه‌ڵیان ده‌ڕۆم، ده‌مه‌وێ ببم به خودایانو ئه‌وانیش ببن به گه‌لـم]]، [[له‌به‌رئه‌وه له‌ناویان بڕۆنه ده‌ره‌وه‌و به‌جێیان بهێڵن، چی گڵاوه ده‌ستی بۆ مه‌به‌ن، خوداوه‌ند ده‌ڵێ، ئینجا به‌خێرهاتنتان ده‌كه‌م]]و [[ده‌بم به باوكتان، ئه‌وسا ئێوه‌ش ده‌بن به كوڕو كچم، ئه‌مه خوداوه‌ندی توانادار ده‌یڵێ.]]
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.