Biblica® Open Sorani Kurdish Book of Life
یەکەم تیمۆساوس 4
فێركه‌رانی دووڕوو و درۆزن
ڕۆحی پیرۆز بهڕوونو ئاشكرا پێمان ده‌ڵێ، له كۆتایی زه‌مانه هه‌ندێ كه‌س لهباوهڕیان ههڵدهگهڕێنهوه، شوێنی ڕۆحی چه‌واشه‌و فێركرده‌كانی شه‌یتان ده‌كه‌ون، هی ئه‌وانه‌ی دووڕوو و درۆزنن، ویژدانیان داخكراوهو مردووه، ئه‌وانه ڕێگای ژنهێنانو شووكردن له‌خه‌ڵكی ده‌گرن، هه‌روه‌ها جۆره‌ها خواردن كه خودا دروستی كردووه تا به‌سوپاسه‌وه له‌گه‌ڵ باوهڕدارانو ئه‌وانه‌ی ڕاستییان ناسیووه بخورێ، ئه‌وانه قه‌ده‌غه‌ی ده‌كه‌ن. هه‌موو ئه‌و شتانه‌ی خودا دروستیكردووه چاكه، هیچی خراپی تێدا نییه گه‌ر مرۆڤ به‌سوپاسه‌وه وه‌ریگرێت، چونكه هه‌موو ئه‌و شتانه به‌هۆی ووشه‌ی خوداو نوێژه‌وه پیرۆز ده‌بێت.
خزمه‌تكاری باشی مه‌سیح
گه‌ر تۆ ئه‌م شتانه وا به‌بیری خوشكو برایان بخه‌یته‌وه، ئه‌وا ده‌بیت بهخزمهتكارێكی باشی عیسای مه‌سیح، له‌سه‌ر ووشه‌ی باوه‌ڕو فێركردنی ڕاست ده‌ڕۆیت، ئه‌وه‌ی تۆ شوێنی كه‌وتووی. خۆت دووربخه‌وه لهخوانهناسو ئه‌فسانه‌ی هیچو پووچ، خۆت ڕابهێنه له‌سه‌ر خواترسی. وه‌رزشی له‌ش بۆ هه‌ندێ شت باشه، به‌ڵام خواترسی بۆ هه‌موو شتێك باشه، چونكه به‌ڵێنی ژیانی ئێستاو داهاتووی تێدایه.
ئه‌م ووته‌یه ڕاسته‌و شایانی قبوڵ كردنی ته‌واوه. ئێمه بۆ ئه‌وه ماندوو دهبینو تێده‌كۆشین، چونكه هیوامان به خودای زیندووه، ئه‌وه‌ی ڕزگاركه‌ری هه‌موو خه‌ڵكه به‌تایبه‌تی باوه‌ڕداران.
به‌م شتانه خه‌ڵكی فێر بكه‌و ڕایانسپێره. ڕێگا بهكهس مه‌ده گاڵته بهگهنجێتیت بكات، به‌ڵكو ببه بهنموونه بۆ باوه‌ڕداران لهقسهو هه‌ڵسوكه‌وت، لهخۆشهویستیو باوه‌ڕو پاكیت. تا كاتی هاتنم له‌سه‌ر خوێندنه‌وه‌ی كتێبی پیرۆز بهردهوامبه، هه‌روه‌ها له‌سه‌ر ووتاردانو فێركردنیان. ئه‌و به‌هره‌یه‌ی هه‌ته پشتگوێی مه‌خه، ئه‌وه‌ی به وه‌حی وهرتگرتووه كاتێ پیران ده‌ستیان خسته سه‌رت.
بایه‌خ به‌م شته بده، هه‌موو توانای خۆتی تیادا به‌كار بهێنه تا پێشكه‌وتنت ده‌ربكه‌وێ له‌هه‌موو شتێك بۆ هه‌موو خه‌ڵكی. باش ئاگاداری خۆتو فێركردنتبه، بهردهوامبه له‌سه‌ر ئه‌وه، چونكه گه‌ر ئهمهتكرد خۆتو گوێگرانیشت ڕزگاریان ده‌بێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.