Biblica® Open Sorani Kurdish Book of Life
یەکەم سالۆنیکی 3
ناردنی تیمۆساوس بۆ ته‌سالۆنیكی
كاتێ زانیمان له‌دووریتان ناتوانین دانبگرین بهخۆمان، ئیتر به باشترمان زانی بهتهنها خۆمان لهئهسینا بمێنینه‌وه، تیمۆساوسی برامان نارد بۆ لاتان ئه‌وه‌ی له‌گه‌ڵ خودا كار ده‌كات له‌بڵاوكردنه‌وه‌ی مزگێنی مه‌سیح، تا ووره‌تان به‌رز بكاته‌وه‌و باوه‌ڕتان بچه‌سپێنێ، تا باوه‌ڕتان لاواز نه‌بێ لهكاتی ناخۆشی. ئێوه ده‌زانن ئه‌م ناخۆشییه به‌شی ئێمه‌یه، چونكه كاتێ لاتان بووین، له‌پێشا پێمان ووتن تووشی ناخۆشی ده‌بین، ئه‌مه‌ش به‌ڕاستی ڕوویدا هه‌روه‌ك ده‌زانن، له‌به‌رئه‌وه كاتێ نه‌متوانی زیاتر دانبگرم به‌خــۆم، تیمۆسـاوم نارد تا هه‌واڵی باوه‌ڕتانم بۆ بهێنێ، نه‌وه‌ك تاقیكه‌ره‌وه [شه‌یتان] هاتبێو تاقیكردبنه‌وه ئه‌وسا هه‌وڵمان به‌فیڕۆ بڕوات. ئێستا تیمۆساوس لای ئێوه گه‌ڕایه‌وه بۆ لامان، مزگێنی باوه‌ڕو خۆشه‌ویستی ئێوه‌ی داپێمان، هه‌روه‌ها پێیووتین ئێوه هه‌موو كات یادمان دهكهنو ئاره‌زووی بینینمان ده‌كه‌ن، هه‌روه‌ك ئێمه ئاره‌زووی بینینی ئێوه ده‌كه‌ین. ئه‌ی برایان باوه‌ڕتان به‌و شێوه‌یه ووره‌ی ئێمه‌ی به‌رزكرده‌وه، له كاتی ته‌نگانه‌و ناخۆشیمان. ئێستا ئێمه ده‌ژین، چونكه باوه‌ڕتان به خوداوه‌ند چه‌سپاوه. چۆن بتوانین سوپاسی خودا بكه‌ین، چونكه به‌هۆی ئێوه‌وه ئه‌وه‌نده دڵخۆش بووین له‌به‌رده‌م خودامان؟ ئێمه شه‌و و ڕۆژ لهخودا ده‌پاڕیێنه‌وه تا بتانبینینو یارمه‌تیتان بده‌ین بۆ پڕكردنه‌وه‌ی كهموكوڕی باوه‌ڕتان.
داواكارین لهخودای باوكمانو عیسای مه‌سیحی خوداوه‌ندمان ڕێگای هاتنمان بۆ لاتان ئاسان بكات، هه‌روه‌ها داواكارین خوداوه‌ند خۆشه‌ویستیتان زیادو تێرو پڕ بكات له‌ناو یهكو له‌گه‌ڵ هه‌موو خه‌ڵكی به قه‌ده‌ر خۆشه‌ویستی ئێمه بۆتان. تاوه‌كو دڵتان به‌هێز بێتو بێ كهموكوڕی بێت لهپاكوپیرۆزیدا، لهلای خودای باوكمان ڕۆژی گه‌ڕانه‌وه‌ی عیسای خوداوه‌ند له‌گه‌ڵ هه‌موو خوشكو برا پیروِزه‌كانی.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.