Biblica® Open Sorani Kurdish Book of Life
یەکەم پەترۆس 1
له‌په‌ترۆس، نێرراوی عیسای مه‌سیح، بۆ نامۆكانو ده‌ربه‌ده‌ره‌كان لهپۆنتسو غه‌ڵاتیه‌و كه‌پدۆكیه‌و ئاسیاو بیسینیه، ئه‌وانه‌ی هه‌ڵبژێرراون به‌گوێره‌ی زانینی پێشووی خودای باوكو به‌ڕۆحی خۆی پاكوپیرۆزیكردن بۆ گوێڕایه‌ڵیو پرژاندنی خوێنی عیسای مه‌سیح به‌سه‌ریان. بهرهكهتو ئاشتیتان به‌سه‌ردا بڕژێ.
ستایشی خوا بۆ هیوای زیندوو
پیرۆزه خودا باوكی خوداوه‌ندمان عیسای مه‌سیح! كه له‌سایه‌ی به‌زه‌ییه مه‌زنه‌كه‌ی ئه‌و ئێمه سه‌ر له‌نوێ له‌دایك بووینه‌وه بۆ هیوایه‌كی زیندوو به‌هه‌ستانه‌وه‌ی عیسای مه‌سیح له‌نێو مردووان، بۆ میراتێك بنبڕ نابێ‌و گڵاو نابێ‌و كۆتایی بۆ نییه‌و بۆ ئێوه له‌ئاسمان هه‌ڵگیراوه، ئێوه به‌هێزی خودا پارێزراون به‌باوه‌ڕ، بۆ ئه‌و ڕزگارییه‌ی ئاماده‌یه له‌كۆتایی زه‌مانه ڕابگه‌ینرێ. ئه‌وه‌ی پێی دڵخۆش ده‌بن، هه‌رچه‌نده بۆ ماوه‌یه‌كی كه‌م ئازار ده‌چێژن به‌ده‌ست تاقیكردنه‌وه جۆراوجۆره‌كان، تا ڕاستی باوه‌ڕتان ده‌ركه‌وێ، كه له‌زێڕی له‌ناوچوو به‌نرختره‌و به‌ئاگر تاقی ده‌كرێته‌وه، ئه‌مه‌ش ده‌بێته هۆی شكۆمه‌ندیو ستایشو ڕێز له‌كاتی ڕاگه‌یاندنی عیسای مه‌سیح. ئه‌وه‌ی نه‌تانبینیوه خۆشتان ده‌وێ، هه‌رچه‌نده ئه‌وه‌ی ئێستا نایبینن باوه‌ڕی پێدهكهنو دڵخۆش ده‌بن به‌شێوه‌یه‌ك زمان ناتوانێ باسی بكات، خۆشییه‌كی مه‌زن، چونكه له‌ئه‌نجامی باوه‌ڕتان ڕزگاری ده‌روونتان به‌ده‌ست ده‌هێنن.
ئه‌و ڕزگارییه‌ی پێغه‌مبه‌ران به‌دوایدا دهگهڕانو پێشبینیان ده‌كرد سه‌باره‌ت به‌و به‌ره‌كه‌ته‌ی بۆ ئێوه‌یه، ده‌گه‌ڕان چ بارودۆخێك یاچ كاتێك بوو ڕۆحی مه‌سیح دیاری كردووه لای ئه‌وان، كاتێ له‌زووه‌وه باسی ئه‌و ئازارانه‌ی مه‌سیحیان كردووه كه ده‌یچێژێ‌و ئه‌و شكۆمه‌ندیه‌ی دوای دێت. ئه‌وانه خودا بۆی ئاشكراكردن خزمه‌تی خۆیان نه‌ده‌كرد، به‌ڵكو خزمه‌تی ئێوه‌یان ده‌كرد، كاتێ ده‌رباره‌ی ئه‌و شتانه قسه‌یان كرد كه ئێستا پێتان ڕاگه‌ێنرا له‌لایه‌ن ئه‌وانه‌ی مزگێنی ڕاده‌گه‌ێنن به‌ڕۆحی پیرۆز، ئه‌وه‌ی له‌ئاسمانه‌وه نێرراوه، فریشته‌كانیش به په‌رۆشن بۆ بینینی.
بانگه‌واز بۆ پاكو پیرۆزی
بۆیه بامێشكتان له‌ئاماده‌باشی بێت، ووریا بنو هیوای خۆتان به‌ته‌واوی له‌سه‌ر ئه‌و به‌ره‌كه‌ته دابنێن كه له‌ڕاگه‌یاندنی عیسای مه‌سیحه‌وه دێت. وه‌ك منداڵی گوێڕایه‌ڵ بن، به‌دوای ئاره‌زووه كۆنه‌كانتان مه‌كه‌ون وه‌ك كاتی نه‌زانیتان، به‌ڵكو چۆن ئه‌وه‌ی بانگیكردوون پاكوپیرۆزه، ئێوه‌ش پاكو پیرۆز بن له‌هه‌موو هه‌ڵسوكه‌وتێك، چونكه له‌كتێبی پیرۆز نووسراوه: [[پاكوپیرۆز بن، چونكه من پاكوپیرۆزم.]] ئه‌گه‌ر به‌باوك بانگی بكه‌ن، ئه‌وه‌ی به‌بێ لایه‌نگیری حوكم ده‌دات، هه‌ر كه‌سێك به‌گوێره‌ی كرده‌وه‌كانی، كه‌واته بهترسهوه بژین له‌سه‌رده‌می نامۆییتان. ئێوه‌ش ده‌زانن چۆن كڕانه‌وه له‌و ڕێبازه پووچانه‌ی لهباوكو باپیرانتان بۆتان مابووه‌وه. ئه‌و كڕینه‌وه‌یه‌ش به‌شتی له‌ناوچوو نه‌بوو وه‌ك زێڕو زیو، به‌ڵكو به‌خوێنێكی گرانبه‌ها هه‌روه‌ك له‌به‌رخێكی بێكهموكوڕ، كه خوێنی مه‌سیحه. له‌پێش دروستكردنی جیهان هه‌ڵبژێررابوو، به‌ڵام له‌م سه‌رده‌مانه‌ی دوایی ده‌ركه‌وت كه له‌پێناوی ئێوه‌دا بوو. ئه‌وه‌ی به‌هۆیه‌وه باوه‌ڕتان به‌خودا كرد، ئه‌وه‌ی له‌نێو مردووان زیندووی كرده‌وه‌و شكۆمه‌ندی پێ‌به‌خشی، تا هیواو باوه‌ڕتان له‌خوداوه بێ.
ده‌روونتان پاك بكه‌نه‌وه به‌گوێڕایه‌ڵیتان بۆ ڕاستیو بۆ خۆشه‌ویستیه‌كی ڕاسته‌قینه‌ی برایانه، به‌په‌رۆشه‌وه یه‌كتریتان خۆش بوێ له‌دڵه‌وه. ئێوه سه‌ر له‌نوێ لهدایكبوونهوه، نه‌ك به‌تۆوێكی له‌ناوچوو، به‌ڵكو به‌تۆوێكی نه‌مر، به‌ووشه‌ی چه‌سپاو و زیندووی خودا. چونكه له‌كتێبی پیرۆز نووسراوه: [[هه‌موو مرۆڤێك وه‌ك گژوگیا وایه‌و هه‌موو شكۆمه‌ندیه‌كه‌ی وه‌ك گوڵی باخ وایه. گژوگیا ووشك ده‌بێ‌و گوڵ هه‌ڵده‌وه‌رێ، به‌ڵام ووشه‌ی خوداوه‌ند تاهه‌تایه ده‌مێنێ.]] ئه‌وه‌ش ئه‌و ووشه‌یه‌یه كه مزگێنیتان پێدرا.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.