Biblica® Open Sorani Kurdish Book of Life
یەکەم یۆحەنا 4
تاقیكردنهوهی ڕۆح
خۆشه‌ویستان، بڕوا به‌هه‌موو ڕۆحێك مه‌كه‌ن، به‌ڵكو تاقییان بكه‌نه‌وه بزانن ئه‌وانه له‌لایه‌ن خوداوه‌ن، چونكه زۆر پێغه‌مبه‌ری درۆزن هاتوونه‌ته جیهان. ڕۆحی خودا به‌مه ده‌ناسنه‌وه: هه‌ر ڕۆحێك دان به‌وه بنێت كه عیسای مه‌سیح له له‌شه‌وه بۆ جیهان هاتووه، ئه‌و ڕۆحه له‌لایه‌ن خوداوه‌یه، هه‌ر ڕۆحێكیش دان به‌عیسا نه‌نێت له‌لایه‌ن خوداوه نییه. ئه‌و ڕۆحه دژه‌مه‌سیحه بیستوتانه دێتو ئێستا هاتووه‌ته جیهان.
ئێوه سه‌ر به‌خودان ئه‌ی ڕۆڵه بچووكه‌كان، ئێوه ئه‌و ڕۆحانه‌تان به‌زاندووه، چونكه ئه‌و ڕۆحه‌ی له‌ئێوه‌دایه مه‌زنتره له‌و ڕۆحه‌ی له‌جیهاندایه. ئه‌و ڕۆحانه سه‌ر به‌جیهانن، بۆیه ئه‌وه‌ی ده‌یڵێن سه‌ر به‌جیهانه‌و جیهان گوێیان لێدهگرێت. به‌ڵام ئێمه سه‌ر بهخوداینو ئه‌وه‌ی خودا بناسێت گوێمان لێدهگرێت، هه‌روه‌ها ئه‌وه‌ی له‌خودا نه‌بێت گوێمان لێناگرێت، به‌مه ڕۆحی ڕاستو ڕۆحی گومڕایی ده‌ناسین.
خودا خۆشه‌ویستییه
خۆشه‌ویستان، بایه‌كتریمان خۆش بوێت، چونكه خۆشه‌ویستی له‌خوداوه‌یه‌و ئه‌وه‌ی به‌رامبه‌ره‌كه‌ی خۆش بوێت خودا دهناسێتو له‌خودا بووه. ئه‌وه‌ش به‌رامبه‌ره‌كه‌ی خۆش نه‌وێت خودا ناناسێت، چونكه خودا خۆشه‌ویستییه. به‌م شێوه‌یه خۆشه‌ویستی خودا له‌نێوانمان ڕاگه‌ێنرا، كه ڕۆڵه تاقانه‌كه‌ی خۆی نارده جیهان تا به‌هۆیه‌وه بژین. خۆشه‌ویستی له‌مه دایه، نه‌ك له‌به‌رئه‌وه‌ی خودامان خۆشویستووه، به‌ڵكو ئه‌و خۆشیویستووینو ڕۆڵه‌كه‌ی خۆی نارد تا ببێته كه‌فاره‌تی گوناهه‌كانمان.
خۆشه‌ویستان گه‌ر خودا به‌م شێوه‌یه ئێمه‌ی خۆشویستبێت، پێویسته له‌سه‌رمان یه‌كتریمان خۆش بوێت. كه‌س هه‌رگیز خودای نه‌دیوه گه‌ر یه‌كتریمان خۆشبوێت خودا ده‌چه‌سپێت لهناومانو خۆشه‌ویستیه‌كه‌ی له‌ناومان ته‌واوه.
به‌م شێوه‌یه ده‌زانین ئێمه له‌خودا دهچهسپێینو ئه‌ویش له‌ئێمه، چونكه ئه‌و له‌ڕۆحی خۆی پێمانی داوه. ئێمه‌ش بینیمانو شایه‌تی ده‌ده‌ین باوكی ئاسمانی ڕۆڵه‌ی وه‌ك ڕزگاركه‌ری جیهان ناردووه. ئه‌وه‌ی دان بنێت عیسا ڕۆڵه‌ی خودایه، خودا له‌ئه‌ودا دهچهسپێتو ئه‌ویش له‌خودا. ئه‌و خۆشه‌ویستیه‌ی خودا كه تیاماندایه ناسیوومانه‌و باوه‌ڕمان پێیكردووه.
خودا خۆشه‌ویستییه‌و ئه‌وه‌ی له‌خۆشه‌ویستی بچه‌سپێت له‌خودا دهچهسپێتو خوداش له‌ئه‌ودا ده‌چه‌سپێت. خۆشه‌ویستی به‌م شێوه‌یه تیامان ته‌واوه، تا له‌ڕۆژی لێپرسینه‌وه باوه‌ڕمان به‌خۆمان هه‌بێت، چونكه ئه‌و چۆن بوو ئێمه وه‌ك ئه‌و له‌م جیهانه‌داین. خۆشه‌ویستی ترسی تیادا نییه، به‌ڵكو خۆشه‌ویستی ته‌واو ترس ده‌رده‌كاته ده‌ره‌وه، چونكه ترس له‌سزا دایه، به‌ڵام ئه‌وه‌ی بترسێت، له‌خۆشه‌ویستی ته‌واو نه‌بووه.
ئێمه خۆشه‌ویستیمان تیادایه، چونكه ئه‌و پێشتر خۆشیویستووین. گه‌ر بێتوو یه‌كێك بڵێت: (خودام خۆش ده‌وێت)و ڕقی له‌براكه‌ی بێته‌وه، ئه‌وه درۆزنه، چونكه گه‌ر یه‌كێك براكه‌ی خۆی خۆشنهوێت كه ده‌یبینێ، چۆن ده‌توانێ خودای خۆش بوێت كه نه‌یبینیوه. ئێمه له‌ئه‌وه‌وه ئه‌م ڕاسپارده‌یه‌مان پێ‌دراوه، ئه‌وه‌ی خودای خۆشبوێت پێویسته براكه‌ی خۆشبوێت.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.