Biblica® Open Sorani Kurdish Book of Life
یەکەم یۆحەنا 1
ئێمه ئه‌مه ڕاده‌گه‌ێنین سه‌باره‌ت به‌ووشه‌ی ژیان، ئه‌وه‌ی له‌سه‌ره‌تاوه بوو، ئه‌وه‌ی گـوێمان لێی بوو، ئه‌وه‌ی به‌چــاوی خـۆمان بینیمان، ئه‌وه‌ی ته‌مـاشـامـان كردو ده‌ستمان لێیدا، ئه‌م ژیانه ده‌ركـه‌وت، ئێمه بینیمانو شایه‌تی بۆ دهدهینو ژیانی هه‌تاهه‌تاییتان پێ ڕاده‌گه‌ێنین، ئه‌و ژیانه‌ی له‌لایه‌ن باوكی ئاسمانییه‌وه بۆ ئێمه ده‌ركه‌وت. ئه‌وه‌ی بینیمانو گوێمان لێیبوو پێتانی ڕاده‌گه‌ێنین، بۆ ئه‌وه‌ی ئێوه‌ش ژیانی هاوبه‌شیتان هه‌بێ له‌گه‌ڵمان، به‌ڵام ژیانی هاوبه‌شی ئێمه له‌گه‌ڵ باوكی ئاسمانیو ڕۆڵه‌كه‌ی، عیسای مه‌سیحه. ئێمه‌ش ئه‌م نامه‌یه‌تان بۆ ده‌نووسین تا خۆشییه‌كه‌مان پڕو ته‌واو بێت.
خودا ڕووناكییه
ئه‌مه ئه‌و هه‌واڵه‌یه كه له‌مه‌سیحه‌وه گوێمان لێ‌بوو و پێتانی ڕاده‌گه‌ێنین، ئه‌ویش ئه‌وه‌یه خودا ڕووناكییه‌و هه‌رگیز تاریكی تیادا نییه. گه‌ر بڵێین ژیانی هاوبه‌شمان له‌گه‌لێ هه‌یه‌و به‌تاریكیدا بڕۆین، ئه‌وا درۆ دهكهینو ڕاست ناكه‌ین، به‌ڵام ئه‌گه‌ر به‌ڕووناكیدا بڕۆین به‌و شێوه‌یه‌ی ئه‌و له‌ڕووناكیدایه، ئه‌وا له‌گه‌ڵ یه‌كتری ژیانی هاوبه‌شمان دهبێتو خوێنی عیسای ڕۆڵه‌كه‌ی له‌هه‌موو گوناهێك پاكمان ده‌كاته‌وه.
گه‌ر بڵێین گوناهمان نییه، ئه‌وه خۆمان ههڵدهخهڵهتێنینو ڕاستی له‌ئێمه‌دا نییه. به‌ڵام گه‌ر دانمان به‌گوناهه‌كانمان نا، ئه‌وا ئه‌و سهرڕاستو دادپه‌روه‌ره، له‌گوناهه‌كانمان خۆش دهبێتو له‌خراپه پاكمان ده‌كاته‌وه. گه‌ر بڵێین گوناهمان نه‌كردووه، ئه‌وا خودا به‌درۆزن دادهنێینو ووشه‌كه‌ی له‌ئێمه‌دا نییه.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.