Biblica® Open Sorani Kurdish Book of Life
یەکەم کۆرنسۆس 10
فێربوون له‌مێژووی ئیسرائیل
برایان ده‌مه‌وێ ئێوه بزانن، باوباپیرانمان هه‌موویان له‌ژێر هه‌وردا بوونو هه‌مووشیان ده‌ریای سووریان بڕی. جا هه‌موو ئه‌وانه‌ی لهدهریاو له‌ژێر هه‌وردا بوون وه‌ك قوتابیانی موسا له‌ئاوهه‌ڵكێشران، هه‌مووشیان یه‌ك جۆره خواردنی ڕۆحیان خواردو هه‌موویان یه‌ك جۆره ئاوی ڕۆحیان خوارده‌وه، چونكه له‌و به‌رده ڕۆحیه‌یان ده‌خوارده‌وه كه دوایان كه‌وتبوو، ئه‌و به‌رده‌ش مه‌سیح بوو. بــه‌ڵام خـودا له زۆربه‌یان ڕازی نه‌بوو، ئیتر ئه‌مه بووه هۆی فڕێدانیان لهبیابان. ئــه‌م شــتانه ڕوویدا تاكو ببێ به‌نموونه‌یه‌ك بۆمان، ئاره‌زووی كــاری خـراپ نه‌كه‌ین، هه‌روه‌ك ئه‌وان ئارهزوویانكرد، نابێ ئێمه ببین به بتپهرست وه‌ك هه‌ندێ له‌وان، چونكه له‌كتێبی پیرۆزدا نووسراوه: [[گه‌ل دانیشـتن بۆ خواردنو خواردنه‌وه، ئینجا هه‌ستانه‌وه‌و كه‌وتنه سه‌ماكردن.]] هه‌روه‌ها نابێ خۆمان بده‌ینه ده‌ست داوێنپیسی وه‌ك هه‌ندێكیان كردیان. لێره ئه‌مه بووه هۆی ئه‌وه‌ی له‌رۆژێكدا بیستوسێ هه‌زار كه‌سیان لـێ بمرێ. هه‌روه‌ها نابێ مه‌سیح تاقیبكه‌ینه‌وه وه‌ك هه‌ندێكیان كردیان، ئیتر هه‌موویان به‌مار له‌ناوچوون. بێزاری ده‌رمه‌بڕن وه‌ك هه‌ندێكیان كردیان، ئه‌وسا ئه‌وه‌بوو فریشته‌ی له‌ناوبه‌ر له‌ناوی بردن. ئه‌م شتانه هه‌مووی ده‌بێ به‌ئاگاداریه‌ك بۆ ئێمه، چونكه ئه‌مانه هه‌مووی بۆ ئامۆژگاریكردنه‌وه‌ی ئێمه نووسراوه، كه كۆتایی جیهان لێمان نزیك بووه‌ته‌وه. ئیتر ئه‌وه‌ی له‌و باوه‌ڕه‌دایه كـه‌وا خۆی ڕاگرتووه، بائاگای له‌خۆی بێ نه‌كه‌وێ. هه‌ر تاقیكردنه‌وه‌یه‌كتان تووش بێ ئه‌وه مرۆڤانه‌یه، به‌ڵام خودا پشتی پێ ده‌به‌سترێ‌و نایه‌ڵێ زیاتر له‌توانای خۆتان تاقیبكرێنه‌وه، به‌ڵكو لهكاتی تاقیكردنه‌وه‌دا ڕێگایه‌كتان بۆ ده‌كاته‌وه تاكو بتوانن به‌رگه بگرن. له‌به‌رئه‌وه، ئه‌ی خۆشه‌ویستانم، لهبتپهرستی دووركه‌ونه‌وه.
چۆن له‌گه‌ڵ تێگه‌یشتوان ده‌دوێم، ئاواش له‌گه‌ڵ ئێوه ده‌دوێم، جا ئێوه حوكمبدهن سه‌باره‌ت به‌وه‌ی ده‌یڵێم: ئایا ئه‌و جامه پیرۆزه‌ی پیرۆزی ده‌كه‌ین به‌شداری نییه له‌خوێنی مه‌سیح؟ یاخود ئه‌و نانه‌ی له‌تی ده‌كه‌ین به‌شداری نییه له له‌شی مه‌سیح؟ له‌به‌ر ئه‌وه‌ی یه‌ك نان هه‌یه، ئێمه له‌گه‌ڵ ئه‌وه‌ی زۆرین، یه‌ك له‌شین، چونكه هه‌موومان به‌شداری له‌یه‌ك نان ده‌كه‌ین. سه‌یری ئیسرائیل بكه‌ن له‌باره‌ی مرۆڤایه‌تیه‌وه: ئایا ئه‌وه‌ی قوربانی ده‌خوات لهقوربانگهدا به‌شدار نییه؟ كه‌واته مه‌به‌ستم چییه؟ ئایا ئه‌وه‌ی بۆ بت سه‌ربڕاوه به‌نرخه یاخود بته‌كه خۆی به‌نرخه؟ نه‌خێر، چونكه ئه‌وه‌ی بتپهرستهكان سه‌ریده‌بڕن بۆ ڕۆحه پیسه‌كان سه‌ریده‌بڕن نه‌ك بۆ خودا. نامه‌وێ ئێوه به‌شداریتان هه‌بێ له‌گه‌ڵ ڕۆحه پیسه‌كان. ئێوه ناتوانن له‌یه‌ك كاتدا له‌جامی خوداوه‌ندو له‌جامی ڕۆحه پیسه‌كان بخۆنه‌وه، هه‌روه‌ها ناتوانن له‌یه‌ك كاتدا به‌شداری خوانی خوداوه‌ندو خوانی شه‌یتان بكه‌ن، یاخود ده‌مانه‌وێ توڕه‌ییخوداوه‌ند هه‌ستێنین؟ ئایا ئێمه له‌و به‌هێزترین؟
هه‌موو شتێك بۆ شكۆی خودایه
ئێوه ده‌ڵێن (هه‌موو شتێك دروسته) به‌ڵام هه‌موو شتێك سوود به‌خش نییه، ده‌ڵێن (هه‌موو شتێك دروسته) به‌ڵام هه‌موو شتێك بنیادنه‌ر نییه. با كه‌ستان به‌دوای به‌رژه‌وه‌ندی خۆی نه‌گه‌ڕێ، به‌ڵكو به‌دوای به‌رژه‌وه‌ندی نزیكه‌كه‌ی بگه‌ڕێ. ئه‌و گۆشته‌ی له‌بازار ده‌فرۆشرێ بیخۆن، ئه‌وه‌نده پرسیار مه‌كه‌ن له‌پێناوی ویژدانتان. چونكه زهویو هه‌موو ئه‌و شتانه‌ی له‌سه‌ریه‌تی هی خوداوه‌نده. گه‌ر هاتوو بێ‌باوه‌ڕێك داوهتیكردنو ئێوه‌ش ڕازیبوون بڕۆن، ئه‌وسا هه‌رچیه‌كتان پێشكه‌ش ده‌كات بیخۆن، بێ پرسیاركردن، له‌به‌ر ویژدان. به‌ڵام گه‌ر هاتوو یه‌كێك پێی ووتن: (ئه‌م خواردنه له قوربانی پێشكهشكراوی بته.) ئه‌وسا لێیمه‌خۆن، له‌به‌ر ئه‌و كه‌سه‌و ڕازی كردنی ویژدان، مه‌به‌ستم له‌ویژدانی ئێوه نییه، به‌ڵكو ویژدانی ئه‌وی دیكه، جا بۆچی سه‌ربه‌ستی له‌لایه‌ن یه‌كێكیتر حوكمی به‌سه‌ر بدرێ؟ گه‌ر خواردنێكم خواردو سوپاسی خودام له‌سه‌ری كرد، ئیتر بۆچی یه‌كێكی دیكه به‌خراپه باسم بكات له‌سه‌ر شتێك سوپاسی خودای له‌سه‌ر ده‌كه‌م؟ گه‌ر خواردتانو خواردتانه‌وه یان هه‌ر شتێكتانكرد، با هه‌موو شتێكتان له‌پێناوی شكۆمه‌ندی خودا بێ. مه‌بن به‌كۆسپ له‌ڕێگای جووله‌كه یا یۆنانی یاخود كۆمه‌ڵه‌ی باوه‌ڕدارانی خودا. به‌هه‌مان شێوه منیش هه‌وڵی ڕازیكردنی هه‌مووان ده‌ده‌م له‌هه‌موو شتێك، بایه‌خ ناده‌م به به‌رژه‌وه‌ندی تایبه‌تی خۆم، به‌ڵكو بایه‌خ به به‌رژه‌وه‌ندی زۆربه‌ی خه‌ڵكی تر ده‌ده‌م، تاكو ڕزگاریان بێ.
Biblica® Open Sorani Kurdish Book of Life. Copyright © Biblica, Inc. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.