ଉପଦେଶକ

ରାଜା ଶଲମନ୍‌ ଲେକ୍‌ତାଦ୍‌

ଉପଦେଶ୍‌କ ବଇ

ଉପଦେଶକତେ ପରିଚୟ

ଉପଦେଶକ ଅଣ୍ଡୟ ବହି ବେନ୍‌ ଜିଉନ୍‌ତେ ମାଇଦିଙ୍କ୍‌ ଜ୍ଞାନ୍‌ତେ ଶିକ୍ଷା ଇଦୁତେ । ଇ ବହିତେ ମାଇଦିଙ୍କ୍‌ ହିବ୍ରୁ ଆକ୍ୟାତେ ଅର୍ତ ଆଦୁତେ “ବେନ ନାରୁଡ଼୍‌କ୍‌ ଗୁଡ଼୍‌ପୁତଣ୍ଡ୍ ।” ବେସ୍କ୍‌ତଡ଼୍‌ ଜ୍ଞାନିଡ଼୍‌ ବିଶ୍ୱାସ୍‌ ମାଡ଼ୁତଡ଼୍‌ ଜେ ରାଜାଲ୍‌ ଶଲମନ ଉପଦେଶ୍‌ତେ ପୁସ୍ତକ୍‌ ଲେକ୍‌ତେନଣ୍ଡ୍‌ ମାତ୍‌ତଣ୍ଡ୍‌, ବାତେଙ୍କ୍‌ଇତ୍କେ ୱେର୍‌ତଡ଼୍‌ ଇଦିନାଗେ ଇଚ୍ଛା ଆୟଡ଼୍‌ । ଜଦି ଶଲମନ କେ ଇ ବହି ଲେକି ମାତ୍‌ତଣ୍ଡ୍‌, ବାତେଙ୍କ୍‌ଇତ୍କେ ଇଦ୍‌ ଆସ୍‌ମାନ୍ତେ ୯୭୦-୯୩୧ କ୍ରିଷ୍ଟପୁର୍ବ ବେନ୍‌ ସମୟ୍‌ତେ ଅଣ୍ଡ୍‌ ଗେଲ୍‌ସି ମାତ୍‌ତଣ୍ଡ୍‌। ୱେର୍‌ ଜ୍ଞାନିଡ଼୍‌ ବିଶ୍ୱାସ୍‌ ମାଡ଼ୁତଡ଼୍‌ ଜେ ଇଦ୍‌ ୱେର୍‌ ବେନ ଲେକିମିନ୍ଦେଣ୍ଡ୍‌, ବାତେଇତ୍କେ ବେସୁଙ୍କ୍‌ ବେସୁଙ୍କ୍‌ ଇଣ୍ଡ୍‌ ୱେରଣ୍ଡ୍‌ ରାଜାନ୍‌ ବାଦୁଲ୍‌ତେ ସେବା ମାଡ଼ାନଡ଼୍‌ ଗଟ୍‌ ବେବାର୍‌ ମାଡ଼ିତଣ୍ଡ୍‌ ଉପଦେଶକ ୫:୮-୯ । ଆ ଜ୍ଞାନିଡ଼୍‌ ଆଲ୍‌ସିତଡ଼୍‌ ଜେ ଉପଦେଶକ ବହି ଶଲୋମନ୍‌ତେ ସମୟ୍‌କଞ୍ଚ୍‌ ନାର୍ଗେ ଡେରିତେ ଲେକା ଆସ୍‌ମାତ୍ତେ, ଆସ୍‌ମାନ୍ତେ ୪୦୦ କଞ୍ଚ୍‌ ୨୦୦ କ୍ରିଷ୍ଟପୁର୍ବ ଲପେ । ଉପଦେଶକ ଆରାମ୍‌ ମାଡ଼ି କେସ୍‌ ମାତ୍‌ତଣ୍ଡ୍‌ ଜେ ପୁରା ଅଣ୍ଡୟ ନେସ୍କାନ୍‌ ଲେକାମ୍‌ ବାତେ ସିଟ୍‌ପାଟେ ମାୟିତେ ୧:୨ । ଇଦିନ୍‌ ଅର୍ତ ଆଦୁତେ ଜେ ମାନାଦ୍‌ ଜିଉନ୍‌ ନୁ ମାନାଦ୍‌ ପାଡ଼ିୟ୍‌ କଟ ଆୟ ନୁ ବୁଜେମ୍‌ ଆଦାନାଦ୍‌ କଷ୍ଟ । ସୁଦୁର୍‌ ସମୟ୍‌ତେ ପେର୍କେ ଇଦିନାଦ୍‌ ବେସ୍କ ଦୁଡ଼ା ମାର୍ଙ୍ଗିତି । ଇଦିନାଦ୍‌ ବେସ୍କ ଦୁଡ଼ା ମାନ୍‌ ଚାଲିଚଲନ୍‌ତେ ବାୟ୍‌ଦେ । ବେଲା ମିନ୍ଦେ ଆଦେ ପୁଟୁଙ୍କ୍‌ ଗ୍ରହଣ ମାଡ଼ିକା ନୁ ନିୟାଗେ ବାତା ମିନ୍ଦେ ଆଗାଙ୍କେ ସୁକାମ୍‌ ପାହେମ୍‌ ଆଦାନାଦ୍‌ ସାୟେ ୯:୯ । ଜିଉନ୍‌ତେ ସାରେ କଷ୍ଟ ନୁ ସାର୍ଦେତିଙ୍କ୍‌ ବିଚାର୍‌ ମାଡ଼ିକା, ବହିତେ ଉପସଂହାର ଆଦୁତେ ଇଶ୍ୱର୍‌ତିଙ୍କ୍‌ ୱେର୍‌ନା, ନୁ ଅନାଦ୍‌ ଆଦେଶ୍‌ ପାଲନ ମାଡ଼ିକା ୧୨:୧୩ । ଆଦ୍‌ ଆଦୁତେ ସାରେକେ ଦର୍‌କାର୍‌ ଆଦାନ୍‌ ବିଷୟ୍‌ ।

ଉପଦେଶକତେ ରୁପରେକା:

୧. ଉପଦେଶକ ଅଦ୍ୟାୟ୍‌ ୧ ତେ ୧ କଞ୍ଚ୍‌ ୧୧ ପଦସାରେ ପୁସ୍ତକ୍‌ ଲେକ୍‌ତେନଣ୍ଡ୍‌ ନୁ ଅନାଦ୍‌ ସୁଦୁର୍‌ ଜିଉନ୍‌ତେ ଅନୁବୁତି ତଡ଼୍‌ ପରିଚୟ ମାଡ଼ୁତଣ୍ଡ୍‌ ।

୨. ଅଦ୍ୟାୟ ୧:୧୨ କଞ୍ଚ୍‌ ୬:୯ ଏୱ୍‌ନା ଜିଉନ୍‌ତେ ଅର୍ତ ଆଦେଶ୍‌ ବିଷୟ୍‌ତେ ଆଲଚନା ମାଡ଼ୁତ୍‌ ।

୩. ଅଦ୍ୟାୟ ୬:୧୦ କଞ୍ଚ୍‌ ୧୨:୮ ଏୱ୍‌ନା ମେସ୍ତେରିଡ଼୍‌ ପରାମର୍ଶ ଇଦୁତ୍‌ ।

୪. ମାରେଙ୍କ୍‌ତେ, ଅଦ୍ୟାୟ ୧୨:୯ ପଦ କଞ୍ଚ୍‌ ୧୪ ବଇତିଙ୍କ୍‌ ତେର୍‌ସ୍ପି କେସ୍‌ମିନ୍ଦେ ଜେ ଜିଉନ୍‌ତେ ପୁରା ଆଦେଶ୍‌ ଆଦୁତେ ଇଶ୍ୱର୍‌ତିଙ୍କ୍‌ ୱେର୍‌ଦାନାଦ୍‌ ନୁ ଅନ୍‌ ଆଦେଶ୍‌ ପାଲନ୍‌ ମାଡ଼ାନାଦ୍‌ ।