ଦାନିୟେଲ
Daniel
Introduction from this edition
ଦାନିୟେଲ ବଭିଷ୍ୟଦ୍ବକ୍ତାଙ୍କ ପୁସ୍ତକ
ଦାନିୟେଲ
ପାର୍ତୁମ୍ ବଇ ବିସୟ୍ତାନ୍ ଏସ ମାଟା
ରାସ୍ତିକାନ୍ ମାରି ତାରିକ୍
କ୍ରିସ୍ତ ଜନମ୍ ଆତି ଆଗ୍ଡ଼ିରି ସୋଅସ୍ ବାର୍ସେକ୍ତୁ ଦାନିୟେଲ ଇୟା ବଇ ରାସ୍ତା ମାର୍ହାନ୍ । ଇକା ଦାନିୟେଲତି ଜିବନ୍ତି ଗଟ୍ନା ମାରି ୬୦୫ ବି.ସି ୫୩୬ ବି.ସି ସାନ୍ଧି, ରାଜା ସାଇରସତି ତିନି ବାର୍ସୁ ୧୦:୧
ବିସୟ୍
ବଇଦି ମୁକିୟ ବିସୟ୍ ଆଜିନାତ୍ ଇତିଆସ୍, ଦେସ୍ ମାରି ରାଜାରି ମୁସ୍କୁ ମାପୁରୁଦି ସାଲାକିନିକା ୨:୨୧; ୪:୩୪-୩୭ । ଇୟା ଦୁନିଆଦି ୱିଜୁ ଦେସ୍କୁ ନାସ୍ଟୁ ଆନେ ମାରି ପ୍ରବୁଦି ରାଜି ମାଣାନ୍ ଆକା ବାଦେଲେ ଆନାତ୍, ଆମାକା ଏସ୍କାଙ୍ଗ୍ବା ଆକ ଆଏତ୍ ୨:୪୪; ୭:୨୭ । ମାରିବା ପରିକା ମାରି ଅସୁବିଦା ମାପୁରୁଦି ଲୋକା ଉଣ୍ତିଙ୍ଗ୍ ସାରାସାରି ସାନ୍ଧି ତେବାନାତ୍, ଏମେକାର୍ ବିସ୍ବାସ୍ତାନ୍ ମାନାର୍ ଆୟାକାର୍ ଇୟା ସାରାସାରି ରାଜିଦୁ ଗୌରବ୍, ସନ୍ମାନ୍ ମାରି ଏସ୍କାଙ୍ଗ୍ୱିଜ୍ଇ ଜିବନ୍ ଉଣ୍ତିଙ୍ଗ୍ ନିଙ୍ଗିଁନାର୍ ୧୨:୧-୩ ।
ପେରି ବିସୟ୍
୧. ପୁଜାପାଟ୍ ବେସି କିଜି ତେବାନି ୱାଲେ ଉଡ୍ରି ବିସ୍ବାସ୍ ଜିବନ୍ ଜିନିକା ଆନାତ୍, ଜଦି ଅରେନ୍ ପ୍ରବୁଙ୍ଗ୍ ଜିବନ୍ତାନ୍ ସେବା କିନିନାନ୍ ୧ ।
୨. ମାପୁରୁ ୱାନି ବିସ୍ବାସ୍ତାନ୍ ସେବାକିନି ୱାରିଙ୍ଗ୍ ସାକ୍ତି ସିଦେଙ୍ଗ୍ ଆଟ୍ନାନ୍ ଆମାକା ଅବିସ୍ବାସ୍ ଲୋକାଙ୍ଗ୍ ବା ପ୍ରସଂସା କିନାନ୍ (୨; ୩; ୬) । ବିସ୍ବାସ୍ସିରି ଏତ୍ କିନିକା ନେଗେତ୍ ସିଲେ ଜେ ମାପୁରୁ ୱାରିଙ୍ଗ୍ ୱିଜୁଦିନ୍ ନାସ୍ଟୁଦାନ୍ ରକିୟା କିନାନ୍ ୩:୧୬-୧୮ ।
୩. ମାପୁରୁ ଗର୍ବକିନିୱାରିଙ୍ଗ୍ ସାନ୍ତି କିନାନ୍ ମାରି ସାନ୍ତିଦି ଲୋକାଙ୍ଗ୍ ନିକ୍ନାନ୍ । ଇୟାୱାଜା କି ପେରି ରାଜାରି ଜିବନ୍ ବା ୱାନି ଅଦିକାର୍ତୁ ମାନାତ୍ (୪; ୫) ।
୪. ଇୟା ଦୁନିଆ ମାପୁରୁଦି ଲୋକା ଉଣ୍ତିଙ୍ଗ୍ କାସ୍ଟୁସିନି ବାଡି ଆନାତ୍, ନେଗେନ୍ ମାରି ପେରାନି ବାଦ୍ଲୁ କାରାପ୍ ଆଦେଙ୍ଗ୍ ଆସ୍ନାତ୍ (୨; ୭) । ପ୍ରବୁ ଇୟା ଦୁନିଆଦି ଦେସ୍କୁ ବିସାର୍ କିନାନ୍ ମାରି ୱାରିଙ୍ଗ୍ ୱିସ୍ନାନ୍, ୱାରିଙ୍ଗ୍ ନିଜେଦି ରାଜିଦି ୱାଲେ ବାଦେଲ୍ କିନାନ୍ ଆମାକା ଏସ୍କାଙ୍ଗ୍ ୱିଜ୍ଏତ୍ । ଇୟା ରାଜି “ମନୁସ୍ୟପୁତ୍ର ୱାଜା” ସାଲାନାନ୍ ଏନ୍ “ବାଦଡ଼୍ତି ୱାଲେ” ଏନ୍ ୱାନାନ୍ ଲୋକ୍ ମାରି ମାପୁରୁଦି ଗୁଣୁକୁ ଉଣ୍ତା କିନାନ୍ ୭:୧୩ ।
୫. ଇତିଆସ୍ ଇସାବ୍ତାନ୍ ମାପୁରୁ ୱିଜେରି ଅଦିକାରି, ଏମେକାର୍ ୱାନି ବିରୁଦ୍ ଜୁଦ୍ କିନାର୍ ମାରି ୱାନି ଲୋକାଙ୍ଗ୍ ସାପିସ୍ କିଦେଙ୍ଗ୍ ଅଡ଼୍ବିନାର୍ ୱାରି ମୁସ୍କୁ (୮) ।
୬. ବାବିଲତୁ ତରାଜି ସୋନିକା ଇସ୍ରାଏଲତି ଜୁଦ୍ ମାରି ବିସାର୍ତି ଇତିଆସ୍ ୱିଜ୍ଏତ୍ । ବବିସତ୍ଦୁ, ଇସ୍ରାଏଲ ପ୍ରବୁଦି ବିରୁଦ୍ତାନ୍ ପାପ୍ କିଜି ତେବାନାର୍ ମାରି ଜିରୁସାଲମତିଙ୍ଗ୍ ୱାନି ସାତ୍ରୁରିଙ୍ଗ୍ ସର୍ପେ କିନାନ୍, ଏନ୍ ୱାନି ମନ୍ଦିର୍ତିଙ୍ଗ୍ ନାସ୍ଟୁ କିନାନ୍ ମାରି ଆଇଆଇ ତାଗ୍ଇ ପାଣିଙ୍ଗ୍ କିନାନ୍ (୮; ୯; ୧୨) । ସାରାସାରି, ମାରିବା, ଅଦିକାର୍ ପୋୟ୍ତି ସାସନ୍ କିନିକାନ୍ ମାପୁରୁଦି ଲୋକାଙ୍ଗ୍ ୱାରି ପାପ୍ତାନ୍ ରକିୟା କିଦେଙ୍ଗ୍ ୱାନାନ୍ ୯:୨୪-୨୭ ।
୭. ଇୟା ଦୁନିଆଦି ଗଟ୍ନେଙ୍ଗ୍ ୱିଜୁ ନେଗେନ୍ ମାରି ତାଗ୍ଇ ଦୁତ୍ ସାକ୍ତି ଲୋଇ ଉଡ୍ରି ପେରି ଜାଟିଜଗଡ଼ାଦିକା ଆନାତ୍ । ଆୟା ବାଦାଦୁ ପାର୍ତନା ଉଡ୍ରି ଦିୟାନ୍ତି ବିସୟ୍ ୯:୨୩ ।
୮. ଇୟା ୱିଜୁ ବାଦା ମାରି ଗଟ୍ନାଦି ମୁସ୍କୁ ମାପୁରୁ ସାସନ୍ କିନାନ୍, ୱାନ୍ କିତିମାନି ନାସ୍ଟୁଦିଙ୍ଗ୍ ଉଣା କିନାନ୍, ମାରି ୱାନି ଲୋକା କାସ୍ଟୁଦି ୱିସ୍ନି ଉଣ୍ତିଙ୍ଗ୍ ୱାନି ଉଡ୍ରି ଟିକ୍ ବେଡ଼ା ମାନାତ୍ । ଆୟାବେଡ଼ାଦୁ ୱାନ୍ ନିଜେଦି ଲୋକାଙ୍ଗ୍ ନେଗେନ୍ କିନିକା ମାରି ବାଟା କିଦେଙ୍ଗ୍ ଇଜି ସାରାସାରି ୱାନି କିୟୁ ପେର୍ନାନ୍ (୧୨) ।
୯. ସବୁୱାଲେ ବିସ୍ବାସ୍ସିରି ଉଡ୍ରି ସାତ୍ରୁ ଦୁନିଆଦୁ ସାସ୍ ଆସ୍ନିକା ମାରି ବିସ୍ବାସ୍ ତେବାନି ଦର୍କାର୍, କେବଲ୍ ରକିୟାଦି ଉଣ୍ତିଙ୍ଗ୍ ପ୍ରବୁଦି ତରିନ୍ ଆସା ଇଟ୍ତାମାନାର୍ ୧୧:୩୩-୩୫ ।
ଇୟା ବଇଦୁ ମାନି ମୁକିୟ୍ ବିସୟ୍
ଦାନିୟେଲତି ବଇ ରୁଣ୍ତି ବାଗ୍ତିଙ୍ଗ୍ ଅସି ତିଆର୍ ଆତାମାନାତ୍, ଆମାତାନି ନିଜେଦି ବାସାଦି ରକମ୍ ମାନାତ୍ । ପାର୍ତୁମ୍ ଅଦା ବାଗ୍ତୁ ଦାନିୟେଲ ମାରି ମୁଏର୍ ତୋଡ଼୍କୁ ଶଦ୍ରକ୍, ମସେକ୍ ମାରି ଅବେନ୍ନଗୋଦି ଜିବନ୍ତି କାତା ମାନାତ୍ । ୱାର୍ ୱେର୍ତା ମାନାର୍ ଜେ ମାପୁରୁଦି ଲୋକୁ ଏଣ୍ତେସ୍ ଦୁନିଆ ବାସା କିନିକା ମାନାତ୍ ଆମାକା ୱାରି ଇଲୁ ସିଲେ ( ଜିରିମିୟ ୨୯:୫-୭; ଏବ୍ରୀ ୧୩:୧୪ ) ବଇଦି ମାରିଉଣ୍ଡ୍ରି ବାଗ୍ତୁ (ଦାନିୟେଲ ୭-୧୨) ଆପୋକ୍ଲିପିଟିକ୍ ୱେର୍ନାନ୍ । ୱାର୍ ମାପୁରୁଦି ଲୋକାଙ୍ଗ୍ ସାସ୍ ସିଦେଙ୍ଗ୍ ସିନ୍ତା କିଜିନାର୍ ଜେ ଇଲେଇତି କାସ୍ଟୁ ମାରି ବାଦା ସତ୍ ମାପୁରୁଦି ଅଦିକାର୍ତାନ୍ ମାନାତ୍ ମାରି ସାରାସାରି ଜିଣାନାନ୍ ।
୧. ବାବିଲ କୋର୍ଟଦୁ ଦାନିୟେଲ ମାରି ମୁଏର୍ ତୋଡ଼୍କୁ ୧:୧ - ୬:୨୮
୨. ଦାନିୟେଲତି ତରାନିକା ୭:୧ - ୧୨:୧୩ । ଦାନିୟେଲତି ପାଣି ପୋୟ୍ନିକା : ବାବିଲନ ଦେସ୍
୩. ୬୦୫ - ୫୩୬ ବି.ସି
ମାରିବା ୱାରି ଦେସ୍ ୱାରି ଆଗ୍ଡ଼ିରାନ୍ ଅସୁରିୟ ମାରି ୱାରି ୱେନ୍କା ପାରସ୍ୟରି ବାଦ୍ଲୁ ଉଣା ବେଡ଼ା ମାର୍ହାତ୍, ଦାନିୟେଲତି ଆରାମ୍ତାନ୍ ବାବିଲତି ଲୋକୁ ଲାକ୍ତୁରି ଆଗ୍ଡ଼ିରାନ୍ ୱିଙ୍ଗିଁତା ମାର୍ହାର୍ ମାରି ବାବିଲତୁ ୱାନିଙ୍ଗ୍ ତର୍ସ ଅନି ଉଣ୍ତିଙ୍ଗ୍ ୱାର୍ ଦାଇ ମାର୍ହାର୍ । ନିଜେ ଦାନିୟେଲ, ବାବିଲ ଦେସ୍ତିଙ୍ଗ୍ ଜିପିସ୍ କିଜି ଇଟ୍ତା ମାର୍ହାନ୍, ଆମାକା ବି.ସି ୫୩୮ ମସିହାଦୁ ପାରସ୍ୟରି ଲାକ୍ତୁ ଆର୍ତା ମାର୍ହାତ୍ । (୧୧୬୩ ପୁସ୍ଠାଦୁ ମାନି ମାନଚିତ୍ରଦିଙ୍ଗ୍ ବା ସୁଡ଼ୁଦୁ, “ଦାନିୟେଲତି ସୁଡ଼ୁତି ଦେସ୍ ପାରସ୍ୟ ) ।”
Konda Porja Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.