Rôma 14

1Pơnah nde, wă-rẵu cĕ cro lơbăn-lơñô nơ̆m jơno don, ơ̆ kơlôi trôh bră tơmcơlah lơ̆gay bră bơh nùs kơlôi dêh. 2Bulah du hôi cro găy gừn dî nùs don lơi sa kơp jơno, mơya cro lơbăn-lơñô gừn nư̆ng sa bièp bum. 3Cro sa bư̆ng khi-mờc cro ơ̆ sa, hôm cro ơ̆ sa bư̆ng cahrña cro sa. Bơh Yang Tơm Trồ sŏng wă-rẵu gô. 4Cro cahrña cro dê̆ nhòng hîh cro nde dê, amî la mơ̆t cro? Cro gư̆n ñă hala blă la gôtrê ma pơnhơm tơm mơ̆n dê. Mơya cro gư̆n rơp dî lơh jîng ñă kơđư̆ng, bơh Yang dî gơnoăr lơh amî gư̆n ñă kơđư̆ng. 5Bulah cro dô lăng jăt nge năy î nge tò, mơya cro nde gừn kơlôi kơp lơ̆gay nge la niem-lơhơn. Kơp hê cro don cĕ bơkhê nơ̆m tơngoh mơ̆n. 6Cro prăp jư nge la prăp jư bơh Yang, cro sa la sa bơh Yang, bơh cro rơ̆ ưnngai Yang Tơm Trồ, cro ơ̆ sa la ơ̆ sa bơh Yang, cro rơ̆ kŭng ưnngai Yang Tơm Trồ. 7Bơh ơ̆ cro găy nơ̆m ƀòn mơ̆n jîng bơh să tơm mơ̆n, gừn ơ̆ cro găy sơ̆t bơh să tơm mơ̆n. 8Bơh dilah tơm jơ ƀòn mơ̆n jîng, la jîng bơh Yang, gư̆m tơm jơ ƀòn mơ̆n sơ̆t, la sơ̆t bơh Yang. Tîgư̆n, dilah tơm jơ ƀòn mơ̆n jîng gư̆m tơm jơ ƀòn mơ̆n sơ̆t, gừn ƀòn mơ̆n kŭng gôtrê ma Yang. 9Bơh lơi bơlăm trôh jơno dô, Yang Dŏng-Klàs sŏng sơ̆t gư̆m sŏng jîng wăl, lơi Kơnràñ lơh Yang ăt-bồ gư̆m cro sơ̆t dê, gư̆m cro jîng dê. 10Mơya amî dô, ngglơh amî cahrña oh mi mơ̆n? Hala amî năy, ngglơh amî jîng khi-mờc oh mi mơ̆n? Bơh jơh lơ̆gay ƀòn mơ̆n rơp ñă sơđàp sơban cahrña Yang Tơm Trồ dê. 11Bơh jơno sŏng dî cêh:

“Yang tơs lah: ‘Gư̆ptî Ăñ jîng miek, kơp lăm krô̆ng rơp cơdơn sơđàp Ăñ,

gừn kơp lơm-piet rơp tơs sơđah glài sơđàp Yang Tơm Trồ.’”

12Gư̆n-jîng, kơp cro nơ̆m ƀòn mơ̆n rơp tơs sơđah wăl bră bơh să tơm mơ̆n î Yang Tơm Trồ.

13Bơh gư̆n, ƀòn mơ̆n bư̆ng cahrña băl găp î te, tơblơ̆ wăl, lơh nên cĕ tîdô gừn niem rlo; ơ̆ ăn khô̆k lô̆ cơkhă wăl hala jơno sơmăm blă ma oh mi mơ̆n. 14Ăñ gư̆t gư̆m dî mơ̆ndơm nơ̆m Yang Jesu, lah ơ̆ tom jơno găy tài bơh să-jăn gô la sơmơ̆-sơmĭñ, rlo nư̆ng cro găy swì lăng jơno găy gư̆n la sơmơ̆-sơmĭñ, gừn gô la sơmơ̆-sơmĭñ gôtrê ma cro rơ̆. 15Bơh dilah oh mi mơ̆n kŏng sơmăm tìs tài bơh jơno sa, gừn oh mi rôh lŏ ơ̆ hôm lơbà swà jăt jơno kơñ-kơloh te ờ. Bư̆ng bơh jơno sa mơ̆n lơh roh-rùi cro oh mi gư̆n, rơ̆ la cro mà Yang Dŏng-Klàs sŏng sơ̆t ala. 16Tîgư̆n, bư̆ng lơi jơno lơbăn-niem oh mi rôh lŏ dê kŏng tơs bờk. 17Bơh lơgơ Yang Tơm Trồ dê ơ̆-iyŏ bơh nơ̆m jơno sa î jơno ñô, mơya la bơh jơno tơpăt-durư̆ng î lơngăp-lơnge, băl î jơno sơhờp-sờhơn nơ̆m Yang Hwîng Goh. 18Bơh cro găy duh bră Yang Dŏng-Klàs bơh î jơno dô gừn niem-nùs Yang Tơm Trồ î dî du nùs băl bơh kon-mơnùs. 19Gư̆n-jîng, ƀòn mơ̆n păl tơte jăt lơ̆gay jơno tơmrơm băl gư̆m lơ̆gay jơno băt bơtao ăn lơi ma găp. 20Bư̆ng phà tơngroh bră lơh Yang Tơm Trồ tài bơh jơno sa. Bulah lơ̆gay jini-jơno la sang lơhiê, mơya la tồi-glài gôtrê î cro sa jăt dubă lơh sơmăm tìs. 21Jơno lơbăn-niem la ơ̆ sa rlău, kŭng ơ̆ ñô alăk hala lơh kơp jơno găy mà bơh gư̆n lơh cro oh mi mơ̆n dê sơmăm blă, hala kŏng kađòng glài, hala gôjîng lơbăn-lơñô. 22Jơno don să tơm oh mi rôh lŏ dî tîgay, gừn păl prăp jư tơmơ̆t jăt să tơm mơ̆n sơđàp măt Yang Tơm Trồ. Lơnge ngăn la cro ơ̆ lơh dêh kơ̆p glài sătan mơ̆n nơ̆m jơno mơ̆n sơnăn la iyŏ. 23Mơya du hôi cro sŏng kŏng lơh nên glài dilah cro gư̆n sa lờt tơm jơ ndăng kơlôi giga, tài bơh ơ̆ tơlôh bơh jơno don. Pơnah nde, lơ̆gay bră mà ơ̆ tơlôh bơh jơno don gừn la glài.