Tơs Sơđah Jơno Ndăp 8

1Tơm tô̆ Belàt Kon pẵư tăp ƀăng-kì dơ̆ poh, tom jơno ăm rngăp cŭngsî trồ dî pơngăp nggùl jơ. 2Sŏng gư̆n ăñ tơmpơl poh hê cro gơndrơh, mà ƀòn gô ñă sơđàp măt Yang Tơm Trồ, gừn poh ƀĕ kơmbòt dî dờp ma ƀòn gô.

3Du hôi cro gơndrơh nde trôh, iyà sơlao su kơlhô lơh î màh, ñă ăm nơ̆m anẵu kaƀang duh-khoai, gư̆m Khăi kơlhô dî e ma cro gơndrơh gư̆n lơi digơlăn ăn băl î lơ̆gay jơno hôi-dăn kơp cro sang-goh cŭngsî kaƀang duh-khoai lơh î màh nơ̆m mađàp sơban. 4Phô̆ kơlhô, băl î jơno hôi-dăn lơ̆gay cro sang-goh dê, bơh nơ̆m tê cro gơndrơh pơ hao trôh sơđàp măt Yang Tơm Trồ. 5Cro gơndrơh dưñ sơlao su kơlhô, gừn prăp tơng bîng gô bơh î oềs kaƀang duh-khoai, sŏng gư̆n mbư̆ng nơ̆m ù, gừn tom lơ̆gay jơno ndrăm tơnàs, jơno ndrăm-ndròm, gơcrà klờp, băl î wăñ-lơnggơh ù.

6Sŏng gư̆n poh hê cro gơndrơh dî poh-lăm kơmbòt sơmơn ôh.

7Cro gơndrơh dơ̆ sơm ôh kơmbòt, gừn tom mih lô̆ î oềs rơ̆mpă băl î mham duh nteàh ù, sŏng gư̆n du pơnah păy ù kŏng oềs sa, du pơnah păy sî nha kŏng oềs sa, gư̆m jơh lơ̆gay khơ̆ pơ̆t kŏng oềs sa.

8Cro gơndrơh dơ̆ bea ôh kơmbòt, gừn jơno găy gư̆n gư̆ptî khô̆k yồ dơng brồng-rhăp nơ̆m oềs kŏng mbư̆ng nơ̆m dàlîng, sŏng gư̆n du pơnah păy dàlîng dê sơlôh gôjîng mham, 9du pơnah păy jơno wîn jîng tom jơno jîng nhòng dàlîng kŏng sơ̆t, î du pơnah păy ahẵu kŏng tơngroh lề.

10Sŏng gư̆n cro gơndrơh dơ̆ păy ôh kơmbòt, gừn du-lăm sơmăñ dơng ngăn, oềs sa brồng-rhăp gư̆ptî lơngkòt arẵu, duh nteàh bơh cŭngsî trồ, gừn gô duh nteàh cŭngsî du pơnah păy dà măy dơng î cŭngsî sơdieng dà. 11Sơnăn sơmăñ gư̆n dî sơnăn la Tơmbea Bơtăng. Du pơnah păy lơ̆gay sơnah dà sơlôh gôjîng tơmbea bơtăng, gừn khăi cro sơ̆t tài bơh dà dô bơh gô sŏng jîng bơtăng.

12Sŏng gư̆n cro gơndrơh dơ̆ puôn ôh kơmbòt, gừn du pơnah păy măttơnge kŏng pù lơh, băl î du pơnah păy mătkhe gư̆m du pơnah păy khà sơmăñ, lơi e du pơnah păy gô dê sơlôh kơnăm ñô̆ng, gư̆n-jîng brê tơnge du pơnah păy gô dê ơ̆ tom jơno ang, gư̆m brê tơmăng kŭng tîrơ̆.

13Sŏng gư̆n ăñ lăng, gừn kơnău du-lăm klang-bŭng ndăng pơ ăm nơ̆m nhòng trồ dơng dẵư dreo dơng: “Sơòs-gleh, sơòs-gleh, sơòs-gleh ma tơmpôl cro jîng nteàh ple-ù, tơm tô̆ hôm nhẵư jơno kơmbòt păy hê cro gơndrơh dê sơmơn ôh te.”