2 Tesalônika 3

1Dơ̆t-lŭi ma-ngkơi, ơ oh mi rôh lŏ, dăn hôi-dăn măư ma ƀòn hî, lơi jơno Yang dê sơmao lam kơp anẵu î dî jong-rơ, kŭng gư̆ptî sŏng dî tơmpơl anẵu oh mi rôh lŏ, 2î lơi ƀòn hî dî dŏng-tă bơh tơmpôl cro kơdăng nùs î bờk-mơsăk, bơh ơ̆-iyŏ lơ̆gay kơp cro kŭng dî jơno don. 3Mơya Yang, la Bơtao rơp lơh gôjîng pran-kơdăng î lăng jư oh mi rôh lŏ pleh bơh cro bờk-mơsăk, Kơnràñ la don-tơpăt. 4Ƀòn hî don nên-nôn ngăn nơ̆m anẵu Yang bơh oh mi rôh lŏ lah oh mi rôh lŏ ndăng lơh î rơp lơh lơ̆gay jơno ƀòn hî ƀăn mơntău. 5Dăn Yang tề-lăm nùs-nhơ̆m oh mi rôh lŏ blăc lêh ma jơno kơñ-kơloh Yang Tơm Trồ dê gư̆m trôh ma jơno ăt-ăl Yang Dŏng-Klàs dê.

6Mơya, ơ oh mi rôh lŏ, e sơnăn Yang ƀòn mơ̆n la Yang Dŏng-Klàs Jesu, ƀòn hî ƀăn pơđơ oh mi rôh lŏ, lơi oh mi rôh lŏ pleh wĭc bơh lơ̆gay cro ăm jîng ală-alai î ơ̆ lơh-jăt lơ̆gay jơno rai yo mà oh mi rôh lŏ sŏng dưñ bơh anẵu ƀòn hî. 7Bơh sătan oh mi rôh lŏ gư̆t la păl kơt jăt krơh ƀòn hî la mơmơh, bơh ƀòn hî sŏng ơ̆ jîng ală-alai nhòng oh mi rôh lŏ, 8ƀòn hî kŭng ơ̆ sa gời jơno bơh du hôi cro găy, mơya tơnge-tơmăng lơh bră nơ̆m jơno sơòs-sơngeh î gleh-glăr lơi ơ̆ lơh tơng-añ kơjơ̆ ma kơp cro găy nơ̆m oh mi rôh lŏ, 9ơ̆-iyŏ bơh ƀòn hî ơ̆ dî gơnoăr, mà lơi ƀòn hî digơlăn ăn dêh mơ̆n gư̆ptî du-lăm krơh ma oh mi rôh lŏ lơi tơngkơt jăt ƀòn hî. 10Bơh trôh dî jơ ƀòn hî hôm ăm î oh mi rôh lŏ, ƀòn hî ờs sŏng bơtău pơđơ oh mi rôh lŏ jơno dô, lah: “Dilah cro găy ơ̆ kơñ lơh bră gừn cro gư̆n kŭng bư̆ng sa.” 11Bơh ƀòn hî kơnău tơs nhòng tĕdơ oh mi rôh lŏ tom du pơnah cro jîng ală-alai, ơ̆ lơh bră mà thăư srẵu nơ̆m bră ơ̆-iyŏ bră mơ̆n dê. 12Mơya nơ̆m Yang, la Yang Dŏng-Klàs Jesu, ƀòn hî ƀăn pơđơ gư̆m bơtău tơngkah lơ̆gay cro gư̆p tîgư̆n, lơi e ƀòn gô digơlăn ngui jơno sa mơ̆n dê tơm tô̆ lơh bră băl î jơno ăm-ƀơt. 13Hôm oh mi rôh lŏ, oh mi rôh lŏ bư̆ng alah sơòs-gleh tơm tô̆ lơh jơno niem. 14Tơblơ̆ wăl, dilah cro găy ơ̆ don jăt jơno ƀòn hî kơnơm bơh sră dô, gừn gư̆t cĕ cro gư̆n — lơi ơ̆ tơngkơt jăt î ƀòn gư̆n, lơi ma ƀòn gư̆n gư̆t ƀasmăt dêh. 15Bư̆ng lăng ƀòn gư̆n gư̆ptî cro tơmdră, mà tơngkah cĕ gư̆ptî du hôi cro oh mi rôh lŏ.

16Dăn să tơm Yang lơngăp-lơnge e ma oh mi rôh lŏ jơno lơngăp-lơnge bơh jơh kơp bră nơ̆m jơh lơ̆gay jơno. Dăn Yang ăm băl î jơh lơ̆gay oh mi rôh lŏ. 17Jơno còp-să dô bơh tê sătan ăñ, Pol, gư̆n la jơno cêh nơ̆m lơ̆gay sră pơyoa. Ăñ ờs cêh tîgư̆n. 18Dăn jơno sơmah Yang ƀòn mơ̆n, la Yang Dŏng-Klàs Jesu, ăm băl î jơh lơ̆gay oh mi rôh lŏ.