1 Tesalônika 3

1Bơh gư̆n, tơm tô̆ ơ̆ ăm cang jŏ dî te, ƀòn hî kơlôi niem rlo la kŏng ăm dêh wăl nư̆ng du hôi nơ̆m Athen, 2gừn ƀòn hî sŏng pơđơ Timôthe, cro oh mi ƀòn hî dê î cro dê̆-gơna Yang Tơm Trồ nơ̆m Jơno Niem Yang Dŏng-Klàs, lơi lơh kơđư̆ng-bơkhê î mơ̆ndơm-mơ̆nieng oh mi rôh lŏ gôtrê bơh jơno don mơ̆n dê, 3lơi ơ̆ cro găy kŏng wăñ-lơnggơh nhòng lơ̆gay jơno sơòs-sơngeh dô. Bơh sătan oh mi rôh lŏ gư̆t lah ƀòn mơ̆n dî rcăng lai păl tơmtom bră gư̆p tîgư̆n. 4Tien gơs tơm tô̆ ƀòn hî hôm ăm î oh mi rôh lŏ, ƀòn hî sŏng tơs lai ma oh mi rôh lŏ lah ƀòn mơ̆n rơp kŏng jơno sơòs-sơngeh, î bră tơmtom jăt gư̆ptî oh mi rôh lŏ sŏng gư̆t. 5Tài bơh jơno gư̆n, tơm tô̆ ơ̆ rgê ăt-ăl jŏ dî te, ăñ sŏng pơđơ cro swà lơi gư̆t jơno don oh mi rôh lŏ gư̆p tîgay, amơh gư̆t dî cro pơlum bơh jơno găy gư̆n sŏng blăc-pơlum oh mi rôh lŏ î jơno lơh bră sơòs-sơngeh ƀòn hî dê sơlôh jîng ơ̆ kwơ. 6Mơya ƀăt jơ dô, Timôthe, ma-ngkơi jơ swà bơh anẵu oh mi rôh lŏ trê î ƀòn hî, sŏng iyà ma ƀòn hî jơno sơhờp-sờhơn bơh jơno don gư̆m jơno kơñ-kơloh oh mi rôh lŏ dê, lah oh mi rôh lŏ prăp miek lơ̆gay jơno kah kơlôi jơno niem bơh ƀòn hî, kờp kơñ tơmtom ƀòn hî gư̆ptî ƀòn hî kơñ tơmtom oh mi rôh lŏ. 7Tài bơh jơno gư̆n, ơ oh mi rôh lŏ, ƀòn hî dî mơ̆ndơm-mơ̆nieng tài bơh oh mi rôh lŏ tơm tô̆ tơmtom lơ̆gay jơno sơ̆t-roh î sơòs-sơngeh mơ̆n dê, bơh jơno don oh mi rôh lŏ. 8Bơh tơm jơ dô, dilah să oh mi rôh lŏ ñă kơđư̆ng nơ̆m Yang, gừn ƀòn hî jîng. 9Ƀòn hî digơlăn ăn jơno ưnngai Yang Tơm Trồ jơno ưnngai tîgay bơh oh mi rôh lŏ kơnơm bơh jơh lơ̆gay jơno sơhờp-sờhơn mà tài bơh oh mi rôh lŏ, ƀòn hî sơhờp-sờhơn sơđàp măt Yang Tơm Trồ ƀòn hî, 10tơnge gư̆m tơmăng ƀòn hî jơh nùs hôi-dăn lơi dî tơmtom măt oh mi rôh lŏ gư̆m lơh bîng-tăl kờp jơno găy hôm prŏi nơ̆m jơno don oh mi rôh lŏ?

11Hôi-dăn să tơm Yang Tơm Trồ, Bàp ƀòn mơ̆n, î Yang Jesu, Yang ƀòn mơ̆n, bơlăm gung ƀòn hî trôh ma oh mi rôh lŏ. 12Dăn Yang e oh mi rôh lŏ bơtăl te î tơngkah-tơngkăñ nơ̆m jơno kơñ-kơloh gôtrê î găp gư̆m gôtrê î lơ̆gay cro, kŭng dubă gư̆ptî ƀòn hî lơh î oh mi rôh lŏ, 13lơi lơh ma nùs oh mi rôh lŏ kơđư̆ng-bơkhê, ơ̆ tom jơno găy păl ƀoah-đas nơ̆m jơno sang-goh sơđàp măt Yang Tơm Trồ, Bàp ƀòn mơ̆n, nơ̆m jơno sơđah trôh Yang ƀòn mơ̆n dê, la Yang Jesu, băl î jơh lơ̆gay cro sang-goh Kơnràñ. Amen!