1 Pier 5

1Gư̆n-jîng, ăñ — kŭng la cro kwăng kra gư̆m la cro lơh cư̆ng bơh lơ̆gay jơno jê-sồt Yang Dŏng-Klàs, kŭng la cro dî pơnah nơ̆m jơno gơklŏ mơñ dî rang sơđah — răc-dăn lơ̆gay cro kwăng kra nhòng tĕdơ oh mi rôh lŏ: 2Lăng jư cĕ mpôl belàt Yang Tơm Trồ dê nơ̆m nhòng oh mi, lơh gơnoăr bră rong-siem — ơ̆ lơh bơh î nùs rôn-bơklơ̆n, mà ăn să jăt nùs kơñ Yang Tơm Trồ — kŭng ơ̆ lơh bơh î nùs-nhơ̆m ham-kơñ bơh công nha mơya lơh dubă ngăc-ngăr sơhờp-sờhơn; 3gư̆m kŭng ơ̆ lơh gư̆ptî la cro pơnhơm ăt-bồ tơmpôl cro mà Yang Tơm Trồ sŏng jao, ala bơh gư̆n, la gôjîng lơh krơh ma mpôl belàt êt. 4Gừn ma-ngkơi jơ Bơtao Jư Belàt Dơng Rlo Lơ̆ dî rang sơđah, oh mi rơp dưñ-lăñ sơgơn-bơtao gơklŏ ơ̆ roh làt. 5Kŭng gư̆p tîgư̆n, ơ lơ̆gay cro pơnu să, păl kingam lơ̆gay cro kwăng kra. Jơh lơ̆gay păl cù dưñ jơno tơng-êt să gôtrê băl ma găp, bơh Yang Tơm Trồ tơmdră cro pơnhừ-să, mơya dờp jơno sơmah ma cro tơng-êt să. 6Gư̆n-jîng, păl tơng-êt să mơ̆n nteàh nơ̆m tê gơnăp-gơnoăr Yang Tơm Trồ dê lơi Kơnràñ yŏk tơngñă oh mi rôh lŏ cŭngsî nơ̆m nhăm tô̆ jơ, 7tơm tô̆ sŏng phi jao lơ̆gay jơno kơlôi-sơnư̆ng mơ̆n ma Kơnràñ, bơh Kơnràñ rong-siem oh mi rôh lŏ. 8Păl ngăc-măt, păl kah-rngăl. Cro tơmdră oh mi rôh lŏ, la càrak, gư̆ptî klîh-phơ̆m ngrư̆m pran-kơdăng, ndăng wang tĕdơ, jôi cro găy gư̆n lơi kăp lon sa. 9Păl tơmdră wăl gô, ñă kơđư̆ng nơ̆m jơno don, gư̆t lah lang bol cro don mơ̆n dê nơ̆m lơ̆gay kơp nơ̆m dunya kŭng păl kŏng băl lơ̆gay jơno jê-sồt gư̆p tîgư̆n. 10Mơya tơm tô̆ sŏng kŏng jơno sơòs-gleh du êt jŏ, Yang Tơm Trồ lơ̆gay jơno sơmah, Bơtao hôi-săc oh mi rôh lŏ trôh nơ̆m jơno gơklŏ miek miek Kơnràñ dê nơ̆m Yang Dŏng-Klàs, să tơm Kơnràñ rơp bơjîng mhơ̆ wăl, lơh kơđư̆ng-bơkhê, lơh jîng pran-kơdăng î bơkhê. 11Dăn gơnoăr ăt-bồ gôtrê mađah Kơnràñ trôh dî miek miek. Amen.

12Kơnơm bơh Silwan, la cro oh mi don-tơpăt jăt jơno ăñ lăng, ăñ sŏng cêh dư̆ng-iè jơno ma oh mi rôh lŏ, mơ̆ndơm-mơ̆nieng gư̆m lơh cư̆ng dô la jơno sơmah tơpăt-ngăn Yang Tơm Trồ dê. Păl kơđư̆ng-bơkhê nơ̆m jơno sơmah gư̆n. 13Hîh Jư̆m Goh nơ̆m Ƀaƀilôn, tơmpôl dî săc-rwơh gư̆ptî oh mi rôh lŏ, còp-să oh mi rôh lŏ. Mak, kon klo ăñ, kŭng gư̆p tîgư̆n. 14Còp-să cĕ bơh î jơno cư̆m kơñ-kơloh.

Dăn jơno lơngăp-lơnge ăm băl î jơh lơ̆gay oh mi rôh lŏ la tơmpôl cro ăm nơ̆m Yang Dŏng-Klàs.