1 Jăng 4:7

1Ơ̆ oh mi rôh lŏ kơñ-kơloh, bư̆ng don lơ̆gay hwîng, mơya păl lòng lơ̆gay hwîng lơi lăng ƀòn gô iyŏ ngăn la trôh bơh Yang Tơm Trồ, bơh khăi ngăn cro gơnoăr-hwơr mablăc sŏng swà kơp anẵu nơ̆m dunya. 2Kơnơm bơh jơno dô, oh mi rôh lŏ gư̆t đăl Hwîng Yang Tơm Trồ dê: hwîng găy mà sơnăn Yang Dŏng-Klàs Jesu trôh nơ̆m poăc-să, rơ̆ la trôh bơh Yang Tơm Trồ, 3hôm hwîng găy mà ơ̆ tơs e bơh sơnăn Yang Jesu gừn ơ̆-iyŏ trôh bơh Yang Tơm Trồ. Rơ̆ la hwîng cro tơmdră wăl î Yang Dŏng-Klàs mà oh mi rôh lŏ sŏng kơnău lah ndăng trôh, gừn jơ dô ăm nơ̆m nhòng dunya lờt 4Ơ ƀòn kon, ƀòn kon gôtrê ma Yang Tơm Trồ, î sŏng pha-lĭn rlo ƀòn gô, bơh Bơtao ăm nơ̆m ƀòn kon dơng rlo cro ăm nơ̆m dunya dô. 5Ƀòn gô trê ma dunya. Tài bơh jơno gư̆n, ƀòn gô tơs băl î dunya, gư̆m dunya iet ƀòn gô. 6Ƀòn hî gôtrê ma Yang Tơm Trồ. Cro găy gư̆t Yang Tơm Trồ gừn iet ƀòn hî. Cro găy ơ̆ gôtrê ma Yang Tơm Trồ gừn ơ̆ iet ƀòn hî. Kơnơm bơh jơno gư̆n, ƀòn mơ̆n gư̆t đăl hwîng jơno sŏng dê î hwîng jơno tìs-glài dê.

7Ơ oh mi rôh lŏ kơñ-kơloh, ƀòn mơ̆n păl kơñ-kơloh ma găp, bơh jơno kơloh trôh bơh Yang Tơm Trồ; dilah cro găy kơloh gừn dî tơlôh bơh Yang Tơm Trồ î gư̆t đăl Yang Tơm Trồ. 8Cro găy ơ̆ kơloh gừn ơ̆ gư̆t Yang Tơm Trồ, bơh Yang Tơm Trồ la jơno kơñ-kơloh. 9Jơno kơñ-kơloh Yang Tơm Trồ sŏng dî e sơđah nhòng ƀòn mơ̆n nơ̆m jơno dô, rơ̆ la Yang Tơm Trồ sŏng pơđơ Kon dul Kơnràñ trôh nơ̆m dunya lơi kơnơm bơh Kơnràñ mà ƀòn mơ̆n dî jîng. 10Jơno kơñ-kơloh ăm nơ̆m jơno dô, rơ̆ ơ̆-iyŏ ƀòn mơ̆n sŏng kơñ-kơloh Yang Tơm Trồ ờ, mơya rơ̆ la Kơnràñ sŏng kơñ-kơloh ƀòn mơ̆n, gư̆m pơđơ Kon Kơnràñ lơh jơno añ tơwai-glài tài bơh tồi-glài ƀòn mơ̆n dê. 11Ơ oh mi rôh lŏ kơñ-kơloh, dilah Yang Tơm Trồ sŏng kơñ-kơloh ƀòn mơ̆n tîgư̆n, gừn ƀòn mơ̆n kŭng păl kơñ-kơloh ma găp. 12Hôm dahrăư tom cro lăng tơmpơl Yang Tơm Trồ. Dilah ƀòn mơ̆n kơñ-kơloh găp, gừn Yang Tơm Trồ ăm nơ̆m ƀòn mơ̆n î jơno kơñ-kơloh Kơnràñ dî wêl-tăl ăm nơ̆m ƀòn mơ̆n. 13Kơnơm jơno dô ƀòn mơ̆n gư̆t lah mơ̆n hôm ăm nơ̆m Kơnràñ gư̆m Kơnràñ ăm nơ̆m ƀòn mơ̆n, rơ̆ la Kơnràñ sŏng e Yang Hwîng Goh Kơnràñ ma ƀòn mơ̆n. 14Rlo te, ƀòn hî sŏng tơmpơl gư̆m ndăng lơh cư̆ng lah Bàp sŏng pơđơ Kon lơh Yang Dŏng-Klàs dunya dê. 15Kơp cro găy e sơnăn lah Yang Jesu la Kon Yang Tơm Trồ, gừn Yang Tơm Trồ kư̆ ăm miek nơ̆m cro gư̆n, gư̆m cro gư̆n ăm nơ̆m Yang Tơm Trồ. 16Ƀòn mơ̆n sŏng gư̆t gư̆m don jơno kơñ-kơloh mà Yang Tơm Trồ ăn lơi ma ƀòn mơ̆n. Yang Tơm Trồ la jơno kơñ-kơloh, gừn cro găy kư̆ ăm nơ̆m jơno kơñ-kơloh gừn kư̆ ăm nơ̆m Yang Tơm Trồ, gư̆m Yang Tơm Trồ kŭng ăm nhòng cro gư̆n. 17Kơnơm bơh gư̆n, jơno kơñ-kơloh dî lơh wêl-tăl băl î ƀòn mơ̆n lơi e ƀòn mơ̆n dî jơno bơkhê nùs nơ̆m nge cahrña, tài bơh Kơnràñ la amơh gừn ƀòn mơ̆n kŭng la tîrơ̆ nơ̆m dunya dô. 18Jơno kơ̆mbrit ơ̆ tom ăm nơ̆m jơno kơñ-kơloh. Tơblơ̆ wăl, jơno kơñ-kơloh wêl-tăl mbăt jơno kơ̆mbrit mande, bơh jơno kơ̆mbrit tơmklăc-băl î jơno lơh nên glài. Hôm cro kơ̆mbrit gừn ơ̆ wêl-tăl nơ̆m jơno kơñ-kơloh. 19Ƀòn mơ̆n kơñ-kơloh bơh Yang Tơm Trồ sŏng kơñ-kơloh ƀòn mơ̆n lai. 20Dilah cro găy tơs lah: “Ăñ kơñ-kơloh Yang Tơm Trồ,” mà ngañ oh mi rôh lŏ mơ̆n, gừn rơ̆ la cro tơs blăc. Bơh cro ơ̆ kơñ-kơloh oh mi rôh lŏ mơ̆n la cro mơ̆n tơmpơl dî gừn cro rơ̆ ơ̆ rgê kơñ-kơloh Yang Tơm Trồ la Bơtao mơ̆n ơ̆ tơmpơl dî. 21Ngăn, ƀòn mơ̆n dưñ-lăñ jơno pơđơ bơlăm dô bơh anẵu Kơnràñ, rơ̆ la cro găy kơñ-kơloh Yang Tơm Trồ kŭng păl kơñ-kơloh oh mi mơ̆n.