Dao Ao Dai Literal Text
Ma-cô 4
Naih ah hâyđ, Zâu Yê-su yămz wa coiđ sinh quef coonz nzaox gâyf, naih ah peob munh hongđ nzongf taih căpx dlonf quib Nănh. Wâyc nâyx, Nănh songđ nzac ah saz đangđ ninyh stâyv yămz wa womz minc, năngx naih wax đomc songx munh six yămz wa coiđ sinh. Nănh nongc wac pây nzaox đuungx huungđ bux stiz, Nănh nzaox nyăngz săngx huđ, Nănh coong: “Mungv bex! Wex, naih ah lanh ayx njăngx munh setb ninyh hav nhlimb. Hav nhlimb Munh hav wax zanyf naih nâyx đomc dlayc setb, ah po nhlimb tuih nzac jau, nooc songđ taih nhlinc wax đomc nhlimb nzuf. Naih ah po nhlimb tuih nzac njăuz poz, wax cuib tinc max naih nib phănx huv, nhlimb songđ bêux căn, wâyc zuc plopx max đôz. Six tauv bah noib setb taih, njăngx zuc njic toc plaz, songđ zuc njeengh caođ nzuf, wâyc max naih đungh. Naih ah po tuih nzac nzim plungz, nzim lub taih nzimx nzuf songđ max hayh săngh tuz pyâu. Năngx naih ah po nhlimb tuih nzac nib gongx, wax đomc nhlimb songđ bêux nzuf lub taih nănh songđ săngh pyâu, ah po tuz stamx săpc, ah po tuz guc săpc, cloon ah po tuz ah pez.” Zâu Yê-su songđ coong: “Laiv lanh naih bah noomh nongc mungv, oix zuc mungv.”
Zâu Yê-su cănh lanyc ah lanh yămz wax zanyf, yămz Nănh cah sinh wax đomc munh cloon wa săpc nyâyc lanh stayb sây songđ naic Nănh wax đomc wac pây. Zâu Yê-su coong ănz stiz, coong: “Yămz Tênb-toongh côkz wax đomc pinyx nyăngz Zâu Tênb-Huungh phunz nyâuh pâyz nzof gôh, six cah sinh wax đomc munh, muif huungđ six cungb wac pây nzuf,
stiz hănđ mangc, lauf mangc max phătc,
stiz hănđ mungv, lauf mungv max numđ,
săngx đanyf, stiz saz tuz bix coi nyâuđ songđ tuz quanyf stoif.”
Zâu Yê-su coong ănz stiz: “Nyâuh max saz tuz nâyx đomc wac pây haz? Năngđ nâyx nyâuh laiv ayx laix hayh saz tuz nzuf muif huungđ wac pây heh? Hav nhlimb nyăngz munh six hav Cuđ Jenx. Zef nây six tuih zuc jau wax đomc munh, stiz mungv numđ Cuđ Jenx blătc wax zanyf, Sax-tanx lênh dlih taih zoz setb ninyh nzuf stiz numđ nyăngz Cuđ Jenx. Lauf tinyh năngđ, nây six tuih zuc njăuz poz wax đomc munh, six pây wax đomc munh stiz numđ Cuđ Jenx wax zanyf, yâuc coonx numđ nyađ stipx Cuđ Jenx, six stiz max naih đuungh yămz stiz nyăngz nyâuđ songđ zen max lauh. Six tauv wâyc Cuđ Jenx pongh zuc ayx huđ max six zâuđ nanc, stiz songđ setb taih. Ah phanx six wax đomc tuih nzac nzim plungz nyăngz munh. Nây six wax đomc munh numđ Cuđ jenx, six wâyc quenđ nyâuđ stâyv sangc nyăngz jau cloon nyâyh puf quâyx nyăngz jau, cloon mauh oix tuz muif huungđ nyăngz jau taih zanb, plongz cuđ jenx ayx tuz cuđ jenx max săngh pyâu. Zef nây six wax đomc munh yămz wa nib gongx tuz numđ Cuđ Jenx, six wax đomc munh numđ Cuđ Jenx yâuc zen, songđ săngh pyâu nyăuh, tuz stamx săpc, tuz guc săpc, yâuc tuz ah pez.”
Zâu Yê-su coong bux stiz: “Pu toongz max zâyf nongc tăpx ănz wa cah đi tongđ njaf max six zâuv đi toix max? Max zâyf nongc tăpx ănz wa toongz zax haz? Wâyc max naih laiv huungđ vâyv bix max zuc setb nzăngc, yâuc max naih laiv huungđ pinyx tuz vâyv bix max zuc zoz setb taih payb manyf. Năngđ coong laiv lanh naih bah noomh nongc mungv, oix zuc mungv.” Nănh songđ coong bux stiz: “Oix zuc năngx cayb bôngh nyâuh tuz numđ nyăngz dlayc. Nyâuh gaob buc laiv, nyâuh lauf tuz clao buc wa, nyâuh zef tuz pâu năngx đuungx têx timb. Wâyc laiv lanh naih nănh six tuz pâu, năngx naih laiv lanh max naih, max cun nănh naih laiv huungđ, six lauf zuc zoz ninyh gâyh Nănh.”
Zâu Yê-su coong: “Zâu Tênb-Huungh nyăngz côkz six nâyx: Cayx năngđ ah lanh munh ninyh hav nhlimb ănz wa njăngx, nănh mâyc njoomh max six điub, bah nzămc max six bah noib zax, nhlimb cănh bêux nyah lub taih ayx năngđ laix — nănh yâuc max pâyz. Nib cănh phunz bêux lub taih săngh pyâu âyz nănh nyăngz zux ix: tah yetx six miuh, tăng wa zef tauv blauh songz đongx phăngh, zef naih zub jăuh yămz wa blauh songz. Tauv blauh wăngh, wax lanh munh songđ coonx nzâyz bah tôz ninyh quănf, wâyc stâub zunb nyăngz săngx huđ tauv.”
Zâu Yê-su coong: “Pănh cayx pây Zâu Tênb-Huungh nyăngz côkz ayx năngđ laix, max six pănh cayx nongc laiv huungđ wac pây tuz setb wax nomz côkz? Pây năngđ ah nomz njayz jaix nhlimb, six wax nomz nhlimb tuz songx nzac nib ninyh, six năngx stăm quaix muif huungđ nhlimb yămz nây nib minc, tauv songx tuz blătc, nănh bêux staox taih săngh năngx lub têx muif huungđ njayz yămz wa lauđ winb, yâuc naih wax đomc quah lub, ayx tuz nooc năngx hayh ayx njauf ănz nănh nyăngz glomx.”
Zâu Yê-su nongc đuungx huungđ wac pây năngđ nây nâyx, nzaox gâyf phunz stiz, âyz stiz hayh saz tuz, Nănh max nzaox laiv huungđ phunz stiz bix max nongc wac pây, six yămz lanyc wax zanyf, Nănh pob manyf muif huungđ dlayc phunz Nănh wax đomc stayb sây.
Lauf wax noib, tauv guungh cayx nzămc, Zâu Yê-su coong ănz stayb sây buz: “Pănh zuc clăngv quaix wax nganđ leepz coiđ sinh ninyh.” Gâyh songx munh blătc, wâyc Zâu Yê-su six yămz wa đangđ. Stayb sây buz songđ ênz Nănh cloon stiz ninyh, yâuc naih ah đomc đangđ lêpc Nănh ninyh. Naih ah tâuc nzaox lub nzongf staox taih, sâyb womz phatb nzac đangđ ninyh ayx tuz đangđ womz cayx pong. Six Zâu Yê-su năngx jinh yămz wa đangđ tây, nzomx tungh nzomx mâyc njoomh. Stayb sây buz êu Nănh điub songđ coong ănz Nănh: “Stayb pha lex, pănh cayx tayc gôh nef mâyh max numđ stauh haz?” Zâu Yê-su songđ nyoongz quef taih, zăpx nzaox yâuc coong ănz coiđ womz: “Tingc gôh! Gâyf tongf gôh!” Năngđ nâyx, nzaox songđ tingc, sec dlakc têx nzuf. Zâu Yê-su coong ănz stiz: “Nyâuh Săngh laiv bix cumh nzav? Nyâuh lauf max zeengx naih zen stimz haz?” Stiz senz numđ cumh nzav nzongf stiz songđ lanh coong ănz lanh: “Nâyx lanh munh six mănv, njinh nzaox cloon womz lauf zuc mungv Nănh nyăngz wac.”
Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.