Skip to content
BibleKenya

Dao Ao Dai Literal Text

Hipđ-lu 2

Wâyc nây, pănh oix zuc cayb jămđ năngx gongx pănh tuz numđ quaix nyăngz wac, săngx đanyf pănh hayh ninyh gâyh stiz. Wâyc năngđ coong wax đomc stinz munh coong nyăngz wac six senz nyăngz, nzof ayx longđ nyăngz jau cloon max mungv wac nyăngz jau yâuc cănh zuc tingc stoif nzof, năngđ nâyx pănh laiv ayx laix hayh tiuv tuz đutb, năngđ coong pănh zef năngx mangc stam nây njâuv pôz lub năngđ nâyx? Nzof nâyx cuyb njâuv pôz yâuc năngx tuz Zâu nzônh bux quaix đangc, songđ tuz ayx zanyx manyf phunz pănh tăng wax đomc tuz numđ quaix nyăngz munh; wâyc Zâu Tênb-Huungh lauf cloon stiz songc ayx zanyx manyf nongc wax đomc njih hoouđ, cloon jix caox njingc nyăngz dlayc, naih đuungx huungđ jix caox njingc max tinyh năngđ, cloon Zâu Singx-Lingh sađ phunz nyăngz jau âyz Nănh nyăngz zux ix.

Wâyc zuc pănh jinh đangh coong tauv wax jaz guungh đi, six cah đangz phanx cayx taih wax jaz guungh đi, Zâu Tênb-Huungh six max zâyf nongc phunz buc wax đomc stinz munh. Nzof yâuc, naih munh ayx zanyx manyf yămz pitc đoif, coong:

“Bamh munh six luungđ, bix tuz Mâyh săngx tauv,

zef coong bamh munh six mănv, Mâyh bix năngx tex jămđ heh?

Mâyh ayx phunz Nănh yămz năngx hav tix cay wax đomc stinz munh;

Mâyh đongx tany phunz Nănh yâuc zanyb saix yămz gwăngz eeng cah njaf.

Mâyh phunz muif huungđ yămz Nănh nyăngz staux đi.”

Nzof ayx phunz muif huungđ zuc buc Zâu Yê-su wax zanyf, Zâu Tênb-Huungh yâuc max ayx phunz laiv huungđ bix max zuc buc Nănh. Six nâyx zanyf pănh lauf max zeengx phătc muif huungđ buc Nănh, six pănh phătc nâyx tauh Zâu Yê-su, Nănh tuz oonz ayx năngx hav tix cay wax đomc stinz munh ah dlapc max lauh, wâyc Nănh zuc tanyđ zâuđ zuc tayc, songđ tuz đongx gwăngz eeng nyăngz tany yâuc tuz zanyb saix, nây six wâyc Zâu Tênb-Huungh nyăngz pôz, Zâu Yê-su bix zuc tayc tayv phunz tinyh đoih. Wâyc muif huungđ six huungv staox Nănh ninyh yâuc wâyc Nănh bix naih muif huungđ, wâyc oix ênz đuungx lanh sây lauf tuz gwăngz eeng, songđ ayx phunz Nănh săngh tuz njâuv nyăngz coonz tay phunz wax đomc sây, păngc zuc tanyđ zâuđ bix tuz clăkx clunh nzuf. Wâyc zuc, njinh ayx phunz đăngb zeengh wax Tauh cloon tuz ayx đăngb zeengh wax đomc munh six tăng ah Tauh Pha taih nzuf, wâyc nây, Nănh songđ max numđ nyayz hipđ wax đomc munh ayx yâuf pez, Nănh coong:

“Yaz six nzônh Zâu nyăngz manyh phunz Yaz nyăngz yâuf pez;

Yaz yâuc yămz songx munh mungh tongx ayx nzungz tanv Mâyh.”

Zef coong:

“Yaz six zen caođ Zâu Tênb-Huungh.”

Nzof zef coong:

“Phanv mangc, yaz cloon Zâu Tênb-Huungh sađ phunz yaz wax đomc toonz sab.”

Năngđ nây, wâyc wax đomc toonz sab naih a naih samđ, wâyc nây Zâu Yê-su lauf naih a naih samđ năngđ stiz nâyx, păngc Nănh tayc ninyh Nănh bix hayh mêtc nzuf naih lanyf phunz munh zuc tayc wax tauh, six manđ nyăngz huungh, yâuc hayh pungx goib phunz wax đomc munh, senz cungb săngh bix numđ cumh nzav tayc wax đomc, six zuc yac ayx nâuh wax đomc. Wâyc zuc senz nyăngz, six max zâyf Nănh stăngc wax đomc stinz munh, six Nănh stăngc Apx-la-ham nyăngz sây stunz, năngđ nây, yămz manf dlayc Nănh songđ zuc ayx cayx năngđ Nănh nyăngz yâuf pez nâyx, phunz Nănh nzăngđ hayh tuz săngh stayb munh pyây, naih nyâuđ hâuđ lênh yâuc neetb stimz ayx Zâu Tênb-Huungh nyăngz cumh pâuz, nongc stav Nănh nyăngz pec stingx nyăngz stoif. Nănh zuc tanyđ quaix stâyv nyâuđ, phunz Nănh hayh stăngc pongh zuc stâyv nyâuđ wax đomc munh, wâyc Nănh cănh tuz pongh quaix wax đomc nzuf.

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.