Skip to content
BibleKenya

Dao Ao Dai Literal Text

2 Cô-lin-tô 3

Ha buz bix cayx cănh tanv buz mah? Max six cayx năngđ ah phanx munh nâyx, sămv zuc ja jenx pungx phunz nyâuh, nzof yâuc sămv zuc nyâuh nyăngz jenx heh? Nyâuh six cănh ayx buz nyăngz jenx, yâuc ja ănz buz nyăngz nyâuđ, tuz munh tinyh đoih pâyz yâuc toc, wâyc tuz hinđ manyf coong nyâuh six Zâu Jix-Tuz nyăngz jenx, tuz buz jămđ, max zâyf nongc măkc ja six nongc stâyv quâyx săngh wax Tauh Zâu Tênb-Huungh nyăngz Singx-Lingh ja, max zâyf ja ănz njăuz peen, six ja ănz munh nyăngz nyâuđ. Păngc Zâu Jix-Tuz, buz bix naih nyâuđ zen tingc Zâu Tênb-Huungh năngđ nâyx. Max zâyf coong buz bix cănh păngc buz nyăngz jab nyâyh ayx tuz setb laiv huungđ, cayx năngđ six cănh tăng buz taih nâyx. Plănc taih, buz six păngc tăng Zâu Tênb-Huungh nyăngz jab, Nzof nây six Nănh cănh sađ jab phunz buz nongc ayx săngb nhlengc wac nyăngz cumh pâuz, max zâyf cungb nongc đăngc cuungv, six nongc Singx-Lingh; wâyc đăngc six ayx phunz tayc, nzof Singx-Lingh six ayx phunz săngh. Nzof, năngđ coong tayc nyăngz cumh pâuz — tuz stuc săngh đăngc ănz wa njăuz peen — bix tuz hinđ setb yămz gwăngz eeng, ayx tuz I-sa-la-ên munh mangc Mô-sê nyăngz minb max tuz, wâyc hayh jac nyăngz gwăngz eeng yămz nănh nyăngz minb, ha max zâyf Singx-Lingh ayx nyăngz cumh pâuz, six zef hinđ yămz gwăngz eeng năngx nzongf têx haz? Wâyc năngđ coong zuc tingc stoif nyăngz cumh pâuz bix năngx tuz gwăngz eeng, têx peengh stimz nyăngz cumh pâuz six zef tuz gwăngz eeng năngx nzongf têx! Senz nyăngz, six nây tah yetx huungđ gwăngz eeng zuc jac ninyh, six wâyc tah nyâyc huungđ njăngb quaix nyăngz gwăngz eeng. Wâyc zuc hayh jac ninyh nyăngz jau bix năngx tuz gwăngz eeng nzof, stâyv quâyx yămz nyăngz jau six zef naih gwăngz eeng năngx lub têx!

Wâyc, naih njih mungc năngđ nâyx, buz nzăngđ tuz pungx stimz, yâuc max năngđ Mô-sê, nongc ah leepz buyx plongz ănz nănh nyăngz minb, phunz I-sa-la-ên munh max hayh mangc ayx tuz tauv gwăngz eeng jac nzuf. Six, stiz nyăngz nyâuđ lauf nhlengc, ayx tuz tauv nâyx yenh, laiv zanyf stiz toc lôx nhlengc wac, wax leepz buyx lauf năngx jinh tăng, wâyc max tuz coib phunz, nây six yămz Zâu Jix-Tuz cah njaf, wax leepz buyx nzăngđ tuz sâub ayx queengx. Six, ayx tuz tauv nâyx yenh, phanv laiv zanyf munh toc Mô-sê nyăngz gâyf njanh, wax leepz buyx lauf plongz stiz nyăngz nyâuđ, six năngđ coong naih laiv lanh coi nyâuđ lauf lov Zâu nyăngz săngx huđ, wax leepz buyx nzăngđ tuz sâub ayx queengx. Wâyc zuc, Zâu six Singx-Lingh, nzof Zâu nyăngz Singx-Lingh yămz laiv tix, yămz wax six tuz pungx goib. Pănh muif lanh, six coib minb, bix mangc Zâu nyăngz gwăngz eeng, yâuc jinh đangh tuz wav săngh ah nomz hanyh jangx, tăng gwăngz eeng ninyh tauv gwăngz eeng, cayx năngđ tăng Zâu, six Singx-Lingh nâyx.

Dao Ao Dai Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.