Wale Magar Kham
लुका 22
येसुलो उबिरोडलं जाल याडोव
मत्ती २६:१-५; मर्कुस १४:१-२; युहन्ना ११:४५-५३
खमिर माबराईसिव बरेलो पर्ब नजिकं केरिडे उलिज़्याव। आवलाई निस्तार पर्ब डोसिये। मुख्या सेवा डोने मीरं सोनो न्याम पैनेराई येसुलाई कैजैडे सैःने वार्डे मौका याखिम्ज़्याव, कडालेकं यहुडीरंकाम उरुका मीरंलाई रःङडे नोरं छेरंये।
येसुलाई सोक्योने यहुडा ओभनो
मत्ती २६:१४-१६; मर्कुस १४:१०-११
होकाम बारं उसिसरंलाम टोबो इस्करियोत याडोज़्याव यहुडालो उज्युङलं ज़्याः उपसिव। नोराई याकुइटं येसुलाई कैजैडे सोक्योने वार्डे मुख्या सेवा डोने मीरं सोनो कप्तानरं लेवङ नाडे नोये सल्ला ओडोनाव। नोरं बनै यारेङो, होकाम यहुडा इस्करियोतलाई रुप्या योने कबंल यानोयो। नो पनि आव रोःटं सामेल ओटाव। होकाम मीरं यामलेव मौकाटं येसुलाई नोराई याकुइटं सोक्योने वार्डे मौका खिम्डे ओबारिव।
येसुये निस्तार पर्बटा भोज ओझोयो
मत्ती २६:१७-३०; मर्कुस १४:१२-२१; युहन्ना १३:२१-३०
खमिर माबराईसिव बरे ज़्योने पर्ब ओराव, हो छ्याम निस्तार पर्बटा मार पल्ने लेव। येसुये पत्रुस सोनो युहन्नानिलाई ऐ वार्डे उपरिःङोनि, “नाडे गेलागिटं निस्तार पर्बटा भोज गझैनाचिनके।”
नोनि येसुलाई हैनेडोव, “गिन आव भोज काङ झैनेखेने?”
येसुये नोनिलाई हैओडोवनि, “जिन सहरलं जेकेव पान्त्रा टोबो घारीलं रीः घुरो मीये जिनलाई डैनेले। नो मी जो ज़ीःमलं पसिना होका समं नो मीलो उझिन उझिन नाचिन, होकाम जिन होज़ीःमलो ओर्गेलाई हैडाचिन, ‘गुरबाये नङलाई पजैसनज़्याव, ङा ङासिसरासं निस्तार पर्बटा भोज ज़्याने पाहुना कोठा काङ लिज़्या?’ नोये जिनलाई ओतर्टा तालटं सजैडे नैसिव घ्योव कोठा सतन्नेले, होकाम होलंज़ झैचिन।”
नोनि नेनाव होकाम येसुये हैओवारो मान्टिनावज़ नेडोयो, होकाम नोनि निस्तार पर्बटा भोज नलंज़ नेझोयो।
प्रभु भोज
मत्ती २६:२६-३०; मर्कुस १४:२-२६; १ कोरन्ठी ११:२३-२५
होकाम बेला ओटाव पान्त्रा प्रेरितरासं भोज ज़्याने उचुङो। येसुये नोरंलाई हैओडोवरं, “ङा डुखं डैने भन्डा ङाःडेज़ आव निस्तार पर्बटा भोज जेसं ज़्योने घ्योव ङाइछ्या लेव, कडालेकं ङा जेलाई हैङाडाच्यो, परमेस्वरलो ओराज्यलं आवलो ओमाने पुरा ओमटाया समं ङा आव भोज फरि ज़्योने ङाम्ले।”
होकाम कचौरा रैडे ढन्याबाड ओयोव पान्त्रा येसुये हैओडोवरं, “हाँ, आव जे भाडे ओँच्यो। कडालेकं ङा जेलाई हैङाडाच्योज़्या, परमेस्वरलो ओराज्य ओमराया समं आबो फरि अङ्गुरलो उरीः ओँने ङाम्ले।”
होकाम येसुये बरे रैडे नो बरे ओकेःव होकाम उसिसरंलाई ऐ वार्डे ओयोवरं, “जेलाई ङायाच्योज़्याव आव बरे ङाक्याङ ची। ङासम्झनालं आव ज़्योच्यो।” हैझैडे याज़्योव पान्त्रा येसुये कचौरा छेन्डे हैओडोवरं, “आव कचौरा जेलागिटं बगैसिव ङाक्याङटा झीला लेव साःरौ बाचा ची।
हैनि पनि ङालाई सोक्योःनेलो उकुइ ङासं टेबलटंज़ लिज़्या। कडालेकं मानवालो ओज़ा के हैवार्सिव अनंसार नानेज़ले, हैनि पनि घिनैच्यो नो मीलाई, जोये नोलाई ढोका योव।”
ऐटाव येःन डाने काङ्काखेने वार्डे नोरं या-याज़ यापाङो।
घ्योव काङ्का
होकाम नोरंलाम स्यान्टैराई भन्डा यासेःर काङ्का टाने वार्डे उसिसरं यायुसिव। येसुये नोरंलाई हैओडोवरं, “यहुडीरंकाम उरुका मीराई याराजाये नोराई याखार्ल राज डोवये, होकाम नोराई याखार्ल अडिकार चलैनेरंलाई चाव येःन डोने मीरं वार्डे हैडोरंये।” हैनि पनि जे नेटानाव टाटाच्यो। जेलाम जो घ्योव ले हो आलिज़ा ओटाकं। अगंवा टानेये उरुराई यासेवा ओडोवकं। होकाम घ्योव काङ्का? ज़्याव ज़्योने सै सेवा डोने? ज़्याव ज़्योने माङ्क डोरो? हैनि पनि ङा जेखार्ल सेवा डोने मी स्यानाव ङालिज़्या।
डुखं ङाडोयो बेलाकं जे ङासंज़ जेलेव। जो झैडे ङालाई ङाबाबुये राज्य डाने अडिकार याडेनैसोङो हैजैडे ङा पनि जेलाई ङायाच्यो, कडालेकं ङाराज्यलं जे ङाटेबलटं चुङडे ज़्याने ओँनेजेले, होकाम इस्राएलला बारं गोटा कुलराई यानिया डोड्यारंडे सिहासन यालं चुङसिनेजेले।
पत्रुसये ईन्कार ओडोने बारेलं येसुलो ओभबिस्यबानी
मत्ती २६:३१-३५; मर्कुस १४:२७-३१; युहन्ना १३:३६-३८
“सिमोन, ए सिमोन, नङलाई ज़्याःये पिमा मान्टि च्याप्ने आग्या निःडेनोयो, हैनि पनि ङा नबिस्वास पक्का गटाकं वार्डे नलागिटं प्रार्ठना ङाडोव, होकाम फरि नङ ङालेवडे नवोलो पान्त्रा नभाइरंलाई पनि बल्ल्या झैरं।”
होकाम पत्रुसये येसुलाई हैओडोव, “ए प्रभु, ङा नङसं झ्यालखानालं नाने सोनो नङसं सिने पनि तयार ङालिज़्या।”
होकाम येसुये हैओवारो, “पत्रुस ङा नङलाई हैङाडानज़्या, नङ ङालाई ङाम्सःरेसंन वार्डे सोङ्खेप हैनमवार्या समं आछिम भाले कोँने माले।”
ठैली, ज़ःन सोनो तरवाल
येसुये नोरंलाई हैओडोवरं, “ङा जेलाई बिना ठैली, बिना ज़ःन सोनो बिना पनै ङापरिःङच्योकं जेलाई कडि उम्डुमो?”
नोराई हैयावारो, “स्यान्टैज़ उडुमो।”
येसुये हैओडोवरं, “हैनि पनि आबो जोसं ठैली लिज़्या होये नो ओछेनोकं, ज़ःन लेवये उघुरोकं। होकाम जोसं तरवाल माले, होये ओक्वा येडे टोबो तरवाल ओलोःङोकं। ङा जेलाई हैङाडाच्योज़्या, ‘नो अपराडिरासं उगनिसिव’ वार्डे सर्सिव रोः ङाक्याङटं पुरा टावज़ परिये। हो, ङाबारेलं सर्सिव रोः पुराज़ टाज़्या।”
होकाम उसिसराई हैयावारो, “ए प्रभु गरःङके आकं नेबऱ्याङ तरवाल लिज़्या।”
येसुये हैओडोवरं, “नाढङ ओलेखिन् टा।”
जैतुन डान्डाटं येसुलो ओप्रार्ठना
मत्ती २६:६-४६; मर्कुस १४:३२-४२
पाखा पुलुडे उरु बेलाका मान्टि येसु जैतुन डान्डाटं ओनाव, होकाम उसिसरं पनि उछिन-उछिन यानाव। होटं याकेव पान्त्रा येसुये उसिसरंलाई हैओडोवरं, “जे प्रार्ठना डोवग्यान डाच्यो होसोनो परिछ्यालं टापरिच्यो।”
येसुये उसिसरं लेवकाम तीस मिटरया होसै नाडे उघुन्डा टिकिसिडे प्रार्ठना ओडोव, “ए बाबु, नइछ्या ओटाखिन आव कचौरा टङडे झाड्याङ। हैनि पनि ङाइछ्या माङ्क नइछ्या पुरा ओटाकं।” होकाम स्वर्गटाम टोबो कटंवालये नोलाई बल याने ओल लेवकं ओराव। चब्बनै डुखं मानिडे परमेस्वरलाई पुगारिडे प्रार्ठना ओडोव, होकाम ओक्याङटाम घ्यो-घ्योव ठोप्ला झी स्यानाव पसिना नामलं ओटेःव।
प्रार्ठना डाडे वोल्डे ओराकं येसुये उसिसरंलाई यासोगोये ठाकिडे ङःल्डे यालिज़्याव ओडैरिवरं। येसुये नोरंलाई हैओडोवरं, “जे कडाने ङःल्डे जिलिज़्याव? सोडे परिछ्या टाराकं वार्डे प्रार्ठना डोच्यो।”
येसुलाई याक्योःवो
मत्ती २६:४७-५६; मर्कुस १४:४३-५०; युहन्ना १८:३-११
येसु ओपाङज़्याकंज़ टघुईरं मीरं होकं याराव। बारं जना उसिसरंलाम टोबो यहुडा वार्ने नोराई याङा-याङा ओराव। येसुलाई म्वाइने वार्डे नो येसुलो ओछ्योकं ओनाव। होकाम येसुये नोलाई हैओडोव, “यहुडा, होकाम नङ मानवालो ओज़ालाई म्वाइडे ढोका याने नपान्ज़्याव रो?”
होकाम येसुलो ओछ्योयाला लेवराई होकं जो ओटारिज़्याव हो रःङडे येसुलाई हैयाडोव, “प्रभु गे तरवाल गेचलै रो?” नोरंलाम टोबोये सेवा डोनेराई यामुख्यालो ओनौकरलाई वोःरटा ओना च्वाट्ट पल्डेओयोव।
हैनि पनि येसुये हैओवारो, “याटा आबो ऐ टालेच्यो।” होकाम हो मीलो ओना छुडे नोलाई ओससोमो।
होकाम येसुलो उबिरोडलं राव मुख्या सेवा डोने मीरं, प्रार्ठना डोने ज़ीःमला कप्तानरं सोनो ढर्म गुररंलाई येसुये हैओडोवरं, “होकाम जे डाङ्कुलाई जेक्योरीका मान्टि तरवालरं, डेङ्नारं डाडे जेराज़्याव रो? ङा डिनकाज़ प्रार्ठना डोने ज़ीःमलं जेसं ङालेकं जे ङाबिरोडलं काङ्कायेज़ जिकुइ जेमझाये। हैनि पनि आबो जे जेसमय ची अन्ड्यारोलो ओसक्ति आवज़।”
पत्रुसये येसुलाई ङाम्सरे ओवारो
मत्ती २६:६९-७५; मर्कुस १४:६६-७२; युहन्ना १८:१५-१८; युहन्ना १८:२५-२७
नोराई येसुलाई क्योःडे यालाङो, होकाम सेवा डोनेराई यामुख्यालो उज़ीःमकं यारोयो। हैनि पनि पत्रुस टाडाङाम येसुलो उझिन-उझिन ओनाव। होकं ठारालं मेः सल्कैडे मीरं डुप्सिडे चुङसिडे यालिज़्याव। पत्रुस पनि नोरासंज़ उचुङसिव। पत्रुस होकं चुङसिडेउलिज़्याव बेलाकं मेःलो उज्यालोटं होला टोबो नौकर्नीये पत्रुसलाई रःङडे, चावसं पैलिडे हैओवारो, “आव मी पनि नोरासंज़ लेव।”
हैनि पनि पत्रुसये ऐ ओवारो, “ए मेमा ङा नोलाई ङाम्सरे।”
टढेसका छुटंये पत्रुसलाई रःङडे हैओडोव, “नङ पनि नोरासंकाज़।”
हैनि पनि पत्रुसये जबाफ ओयोव, “आव मीये कै ओवार्ज़्याव, ङा माङ्कची।”
टघन्टाका टोबो मीये ऐ वार्डे कस्सिडे कीःडे हैओवारो, “आव पक्काज़ नोरासं लिज़्यावज़ कडालेकं आव पनि गालीलीज़ ओलेवलेव।”
होकाम पत्रुसये ऐ ओवारो, “नङ, कै नवार्ज़्याव, ङा ङाम्सन।” पत्रुस ओपाङज़्याकज़ भाले ओकोव। होकाम प्रभुये पत्रुसलाई वोल्डे ओरोःङो। “आछिम भाले कोँने भन्डा ङाडे सोङखेप नङ ङालाई ङाम्सःरेसंन वार्नेनंले।” वार्डे हैओवारो प्रभुलो ओपाङ पत्रुसये ओचेटोयो। होकाम पत्रुस पाखाङ पुलुडे ढर-ढर ओघोरो।
येसुलो उबिज्याट
मत्ती २६:५९-६८; मर्कुस १४:६५
होकाम येसुलाई क्योःनेराई येसुलाई गिल्लैडे यापोःव, येसुलाई उमिलङ कपड्याडे यापजोयो, “नङलाई पोःने काङ्का? डे अगमबानी गपाङ्ङनके।” नोराई येसुलो उबिरोडलं उरु पनि हेलाहारी सप्डरं यापाङो।
येसु घ्योव कचरिलो ओङाःकं
मत्ती २६:५७-६८; मर्कुस १४:५३-६५; युहन्ना १८:१९-२४
उज्यालो ओटाव पान्त्रा होला डुप्सिव मीराई याअगवारं, मुख्या सेवा डोने मीरं सोनो न्याम पैने मीराई येसुलाई घ्योव कचरिलं यालाङो, होकाम येसुलाई हैयाडोव, “नङ ख्रीस्ट टावसं गेलाई हैगडासिके।”
येसुये नोरंलाई हैओडोवरं, “ङा हैङावार्नि पनि जे जिम्पति। ङा ङापजैच्योनि पनि जे जबाफ जेमयाङ। हैनि पनि आबो मानवालो ओज़ा स्यान्टैराई भन्डा ओसक्ति लेव परमेस्वरलो वोःर्डे चुङसिनेले।”
होकाम नोराई स्यानटैराई हैयाडोव, “होकाम मानि नङ परमेस्वरलो ओज़ा रो?”
येसुये नोरंलाई हैओडोवरं, “जेज़ हैजेवार्ज़्या ङा होज़।”
नोराई हैयावारो, “गेलाई आबो साचीलो कडि ओयेःन ओटावड? कडालेकं नोलो ओयाःलामज़ गेठैखे सानिडं।”
Wale Magar Kham. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.