Wale Magar Kham
युहन्ना 18
येसुलाई याक्योव
मत्ती २६:४७-५६; मर्कुस १४:४३-५०; लुका २२:४७-५३
आव रोः हैओवारो पाना येसु उसिसरासं किड्रोन खोल्सा होपंटं ओनाव। नटं टोबो बगैचा लेव। येसु उसिसरासं नो बगैचालं उपसिव। येसुलाई सक्योःने यहुडाये पनि नो पो टकंडे ओनैज़्याव, कडालेकं येसु उसिसरासं ङाडेखिन पनि नलं डुप्सिरंये होकाम भाङ, राङ्का सोनो हत्यार्र रोयो सिफाइँरं टपल्टन होसोनो मुख्या सेवा डोने मीरं सोनो फरिसीराई यापरिःङो चौकिडाररं रैडे यहुडा नलं पुलुडे याङाःकं ओराव। होकाम उज्युटं परिने स्यान्टै रोः ठा सन्डे येसु ङाःडे ओराव, होकाम नोरंलाई हैओडोवरं, “जे काङ्कालाई जिखिमज़्याव?”
नोराई येसुलाई हैयाडोव, “नासरतला येसुलाई।”
येसुये नोरंलाई हैओडोवरं, “ङा होज़।” येसुलाई सक्योःने यहुडा पनि नोरासंज़ च्याङसिडे उलिज़्याव। येसुये नोरंलाई “ङा हो ज़” ओडोवरं, होपाना नोरं याछिन्डे याखोर्सिव, होकाम नामलं यापाव। फरि येसुये नोरंलाई ओपजोयोरं, “जे काङ्कालाई जिखिम्ज़्याव?”
नोराई हैयावारो, “नासरतला येसुलाई।”
येसुये जबाफ ओयोवरं, “ङा जेलाई हैङाडाच्योडुखे, ङा होज़। हैजैडे जे ङालाई जेखिम्सङखे भने आव मीरंलाई राःच्योरं।”
“नङ ङालाई नयाङो मीरं टोबोलाई पनि ङा ङामसमैरंये” वार्डे येसुये हैओवारो बचन पुरा ओटाकं वार्डे आव ओटाव।
सिमोन पत्रुसये ओल्स लिज़्याव तरवाल हाइडे मुख्या सेवा डोने मीलो ओकमारालाई वोर्टा ओना च्वाट्टै पल्डे ओयोव। नो कमारालो उमिन माल्खस लेव। येसुये पत्रुसलाई हैओडोव, “तरवाल उसिपलं झा। कडा बाबुये ङालाई ओयाङो कटौरा ङा माओँने डोरो?”
येसु हन्नासलो ओङाःकं
हो पाना सिफाइँराई यापल्टन, नोराई यासेःरं, सोनो यहुडीराई याचौकिडारराई येसुलाई याक्योव, होकाम येसुलाई याकिव। ङाःडे येसुलाई हन्नास लेवकं यालाङो, नो आव सालला मुख्या सेवा डोने मीराई यासेःर कैयाफालो ओमामा लेव। आव नो कैयाफाज़, जोये “जनताराई यालागिटं टोबो मी सिनेज़ ठीकं टाये” वार्डे यहुडीरंलाई सल्ला ओयोवरं।
पत्रुसलो इन्कार
मत्ती २६:६९-७०; मर्कुस १४:६६-६८; लुका २२:५५-५७
सिमोन पत्रुस सोनो येसुलो टोबो उसिस येसुलो उछिनटं नेनाव। नो टोबो येसुलो उसिस, मुख्या सेवा डोने मीसं सरेःसिव लेवनि, होकाम येसुसं मुख्या सेवा डोने मीलो ओठारालं उपसिव। पत्रुस पाखाकं झला येमकं च्याङसिडे उलिज़्याव। येसुलो टोबो उसिस मुख्या सेवा डोने मीसं सरेःसिव लेव, नो पाखा पुलुडे झला येमका लेने चौकिडार्नी लुज़ालाई हैडाडे पत्रुसलाई ज़ीःमलं ओरोयो। होकाम झला येमका चौकिडार्नी लिज़्याव नो नौकर्नी लुज़ाये पत्रुसलाई हैओडोव, “कडा आव मीलो उसिसरंकाम टोबो नङ पनि रो?
पत्रुसये हैओवारो, ङा माङ्कची।”
नलं कमारारं सोनो चौकिडाररं च्याङसिडे मेःलो ओराहा यामुन्सिज़्याव। कडालेकं ज़ीःमो लेव। होकाम पत्रुस पनि नोरासं च्याङसिडे मेः उमुनसिव।
येसुलाई सेवा डोने मीराई यासेःरये रोः ओपजोयो
मत्ती २६:५९-६६; मर्कुस १४:५५-६४; लुका २२:६६-७१
आबो मुख्या सेवा डोने मीये येसुलो उसिसरं सोनो उसिछ्यालो ओबारेलं ओपजोयो। येसुये नोलाई जबाफ ओयोव, “ङा प्रिठीबीलं स्यान्टै मीराई याङाःकंज़ हैङावार्ज़्या। ङा एकसप्ड्याज़ यहुडीरं याडुप्सिने ज़ीःम सोनो प्रार्ठना डोने ज़ीःमलं सिछ्या याडेङानैरं, नलं स्यान्टै यहुडीरं डुप्सिरंये। ङा गुप्तलं कडिज़ हैङावारो माले। ङालाई कडाने नपजैसङज़्याव? ङा नोरंलाई कै ङाडोवरं हो ठैनेरंलाई ज़ पजैरं। ङा हैङावारो रोः आवरंलाई ठा ले।”
येसुये आव रोः हैओवार्ज़्याकं चौकिडारकाम टोबोये येसुलाई ऐवार्डे लपंटाये ओझाड्योव, “कडाने मुख्या सेवा डोने मीसं ऐजैडे नपाङज़्याव?”
येसुये नोलाई हैओडोव, “ङा गल्ति ङापाङखिन नोलो ओप्रमान गोयोके, ङा ठीकं ज़ ङापाङखिन ङालाई कडाने नपोसङज़्याव?”
होकाम हन्नासये येसुलाई किसिवज़ मुख्या सेवा डोने मी कैयाफा लेवकं उपरिःङो।
पत्रुसये येसुलाई फरि इन्कार ओडोव
मत्ती २६:७१-७५; मर्कुस १४:६९-७२; लुका २२:५८-६२
सिमोन पत्रुस च्याङसिडे मेः उमुनसिज़्याकं। नोराई नोलाई हैयाडोव, “कडा नोलो उसिसरंकाम टोबो नङ पनि माङ्क?”
नोये इन्कार डाडे हैओवारो, “ङा माङ्कची।”
मुख्या सेवा डोने मीलो ओकमारारंकाम टोबो, जोलो ओआफन्त मीलो ओना पत्रुसये ओपोलो, नोये ओपजोयो, “कडा ङा नङलाई नोसं बगैचालं ङामरःङसोनो डोरो?”
होकाम फरि पत्रुसये इन्कार ओडोव। होपानाज़ भाले ओकोवो।
पिलातसलो ओङाःकं येसु
मत्ती २७:१-२,११-१४; मर्कुस १५:१-५; लुका २३:१-५
होकाम नोराई येसुलाई कैयाफालो उज़ीःमलाम रोमीराई याहाकिमलो ओडरबारडे यालाङो। हो बेलाकं छकाल्ने टाडे उलिज़्याव। याचलन अनंसार चोखो माटाडे निस्तार पर्बला ज़्याने बस्त ज़्याव गेम्डै वार्ने याछ्यासैये यहुडी अगंवारं डरबार ज्युङलं मापसिरंये। हैजैडे नोराई लेवकं पाखाकं पुलुडे राडे पिलातसये हैओवारो, “आव मीलो उबिरोडलं जे कडि डोस जेलै?”
नोराई होलाई हैयाडोव, “आव मी अपराडी ओमटाखिन्के गे नङ लेवकं सुम्पिने गेम्लेव।”
पिलातसये नोरंलाई हैओडोवरं, “जे आवलाई लाङच्यो होकाम जे जेन्याम अनंसारज़ आवलो उनिया डाच्यो।”
यहुडीराई नोलाई हैयाडोव, “कोइ मीलाई सैःने अडिकार गेलाई माले।” येसुलो उसिने खैटाव किसिमये टानेले नोलो उचिन्न याडे येसुये हैओवारो बचन पुरा ओटाकं वार्डे एटाव ओटाव।1
पिलातस फरि ज़ीःमलं उपसिव, होकाम येसुलाई खुल्डे हैओडोव, “कडा नङ यहुडीराई याराजा रो?”
येसुये जबाफ ओयोव, “नङज़ हैनवार्ज़्या, सै ङाबारेलं नङलाई उरुका काङ्काये हैओडानो?”
पिलातसये जबाफ ओयोव, “कडा ङा यहुडी डोरो? नडेसलाराई सोनो मुख्या सेवा डोने मीराई नङलाई ङाकुइटं यासुम्पिसोनो। नङ कडि नझोयो?”
येसुये जबाफ ओयोव, “ङा ङाराज्य आव प्रिठीबीला माङ्कची। ङा ङाराज्य आव प्रिठीबीला ओटाखिन्के ङासेवा डानेरं ङालागिटं खप्सिने यालेव। होसोनो ङा यहुडीराई याकुइटं परिने ङाम्लेव। ङा ङाराज्य आव प्रिठीबीला माङ्कची।”
पिलातसये येसुलाई ओपजोयो, “कडा नङ राजाज़?”
येसुये जबाफ ओयोव, “ङा राजाज़ वार्डे नङज़ हैनवार्ज़्या। आवलो ओलागिटंज़ ङा ङाजर्मीव, होसोनो आवलो ओलागिटं सत्यलो ओगोहाइ याने ङा आव प्रिठीबीलं ङाराव ची। जो सत्य लेवडे झैसि, नोये ङा ङागा ठोयो।”
पिलातसये येसुलाई ओपजोयो,
येसुलाई यासोयो
मत्ती २७:१५-३१; मर्कुस १५:६-२०; लुका २३:१३-२५
“सत्य कडि?” आढङ हैवार्डे पिलातस यहुडीरं लेवडे पुलुडे ओनाव, होकाम नोरंलाई हैओडोवरं, “ङा आवलो कडि ओगल्तिज़ ङाम्डैये। निस्तार पर्बटं ङा जेलागिटं टोबो कैतीलाई राःड्याने चलन ले। होकाम कडा जे कडि जेपान, सै यहुडीराई याराजालाई ङाराड्याच्यो?”
नोरं फरि ऐवार्डे याकिःव, “आवलाई माङ्क, बारब्बालाई।” बारब्बा डाङ्कु लेव।
Source notes (1)
- Cross-reference युहन्ना ३:१४; १२:३२
Wale Magar Kham. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.