Katu Bible Literal Text
Pakah Đóng Lêi 15
Hayơq aku lêi mưi karnal gamak lơq chrih lââng dhiq pleng: tapól dhơn pleng dyơq jư tapól bhrê hư, nôôq rau xariêq paluch, taai garnhuh pagrâ ưng Yaang Pleng bâân liêm dyóp dhiq piđó.
Aku kung lêi hau rau-riq ađek thê kơi tala palơq xamil tabah bâân xrơu palơq óih. Nôôq đu đươk lơh akóón adhah, lơh a-ô kabhêi ađó, lơq lơh sôôq ưng achak ađó, dyơq dyương dhiq tala xamil tabah, kadhâng tambhreh haak ưng Yaang Pleng. Piđó babóóch guôp bhanóóch ưng Môôi-se, dhơn ratơơq ưng Yaang Pleng, lơq guôp bhanóóch ưng Trưưu Akóón, kơi ađô:
“Kakoh Chuôq nek Yaang Pleng, Yaang Bhơt Mataai, nôôq tarnêêng Amei alua gamak bhlơng lơq chrih liêm.
Kakoh Bhua ưng nôôq dyóp klaang,
kalơng katôôch Amei
nek bhơt liêm lơq kre dhalam.
Kakoh chuôq, ngaai kah bâân kakhin kapơn,
lơq e kah bhi haanh dhanóók Amei?
Taai chapiên mưi Amei nek tabah liêm?
Taai tabhơt nôôq katiêk e vôôiq lơq bhuôih haanh toom mat Amei,
taai nôôq tarnêêng bhơt liêm ưng Amei ơi bâân tapakah.”
Lơh nôôq tarnêêng ađek, aku chamet lêi, đong bhanuôih ưng pơơq raket bóóp m'piing pleng bâân talóng. Tapól dhơn pleng kadhâng tapól rau bhrê hư yuur gluh tââq đong bhanuôih, kalóóng chanam palơq bhaai lenh bhóók sek, brương cha-iil, lơq bâân xeet xaneet palơq vaang praang tadhưa. Hayơq mưi kalóóng puôn panong akóón adhah pađơơp đóng tapól dhơn pleng tapól jahương palơq vaang kađôôq bing rau pagrâ ưng Yaang Pleng, Yaang mamông patơk nh'chró, taluôn luôn. Đong bhanuôih puk pui gayươk taai cha-iil tabah ưng Yaang Pleng lơq taai mataai raman Ađó, kah ngaai ve chóóm mót kalóóng đong bhanuôih đóng tơk xók tapól rau bhrê hư ưng tapól chanak dhơn pleng bâân xong bhơt.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.