Ma-thi-ơ 28

1Xók achêk, xong tangêi Sa-baat, bhêêl yayóng marư rư tangêi laloom kalóóng tapól tangêi xók tơk, Ma-ri Ma-đơ-leen lơq mưi Ma-ri lââng vôôiq tham ping. 2Lêi tôôh, mưi garluh dha-ơr katiêk karơ ơi yuur vaaih, ơi mưi dhơn pleng ưng Chuôq, xong xók tââq pleng dhaluônh lơq tơk đan, ơi chir bhangôh dhơl hayơq tơơt dhiq ađek. 3Bhêêl achêk, moh mat ưng chanak achêk nek thê kơi achaach, hayơq aau ưng ađó nek bhóók kơi dhaluk. 4Kơi achêk hayơq, taai tââq braaih kakhin taai chanak achêk, kabhuh linh jư ping hayer papreh lơq val xar kơi manưih chêt. 5Bơơi xók pơơh bóóp, dhơn pleng praaq palơq nôôq manưih pađiil: “Nôôq pe óóq kakhin, ơi aku n'nal kơi nôôq pe chik-chêk Jê-su, Yaang ơi bâân tateeng đinh. 6Ađó kah tơơt dhiq ađô mơ, ơi Ađó bâân têêng ơi mamông lóóiq, dhalam kơi Ađó ơi praaq. Tơk nô leq, nek lêi dhiq hơq Ađó ơi bêch. 7Hayơq xong xók lóng pađâh yuur vôôiq, nek truuih leq nôôq môôn-đô Ađó kơi ađô: ‘Ađó ơi bâân têêng mamông lóóiq tââq kan chêt. Lơq lêi tôôh, Ađó xók vôôiq loom adhi anó tơk Ga-li-lê. Dhiq ađek, adhi anó e lum Ađó.’ Lêi nô, aku ve móón leq nôôq pe n'nal ơi ađek.” 8Lơq bhêêl lóng pađâh xooq tââq ping palơq braaih kakhin, lơq bhuui yayar bhlơng piđó ơi mut vôôiq buôn truuih móón leq nôôq môôn-đô ưng Ađó. 9Lêi nô, Chuôq Jê-su lum piđó, praaq: “Yayar đóng nôôq pe!” Hayơq xong xók tơk đan, piđó kuôr dyung Chuôq lơq bhuôih kakoh Ađó. 10Tââq ađek, Chuôq Jê-su praaq palơq piđó: “ÓÓq kakhin. Nek vôôiq truuih móón leq adhi anó ưng thêi buôn piđó ve chóóm yuur vôôiq tơk Ga-li-lê, lơq dhiq ađek, piđó e lum thêi.”

11Xók achêk, xók bhêêl piđó vôôiq kalơng, lêi nô, ve đu kalóóng nôôq kabhuh linh đương jư, xong xók mót kalóóng kanóón, ơi truuih lóóiq leq nôôq takóh kadhâng bhanuôih bhơt liêm dyóp tarnêêng ơi yuur vaaih. 12Lơq bhêêl ơi bâân nhoom karong nek palơq nôôq takóh bhươl, chadrươh yuur praaq xêi xong, piđó ơi đóng kabhuh linh masôôq jêên bơk bhlơng, 13móón kơi ađô: “Phaai praaq: ‘Xong xók tơk mót bhêêl hayum, nôôq môôn-đô ưng Ađó ơi tông xaak Ađó xók bhêêl nôôq yi dyơq bêch.’ 14Lơq la taruuih ađô bâân móón leq kuôn gamak, nôôq yi e praaq nhan ađó achêk lơq têêng đóng nôôq pe yươq lum hadhơơp.” 15Kơi achêk hayơq, xong xók đơơp jêên, kabhuh ađek têêng kơi ơi bâân pató kayua. Taruuih ađô bâân yuur tanđôôr tư xưưq dhiq dhanuôr Jo Thaaiq, patơk mơ tơk leq tangêi mađôk.

16Xók achêk, majêt muui môôn-đô ơi vôôiq tơk Ga-li-lê, tơk kachrooch bôôl hơq Chuôq Jê-su ơi chaleq đóng piđó. 17Lơq xók ơi lum Ađó, piđó bhuôih haanh Ađó, bơơi ve nak dyơq paangra. 18Xong xók ruul tơk đan, Chuôq Jê-su praaq chiên palơq piđó, kơi ađô: “Dyóp mataai raman dhiq pleng lơq dhiq katiêk ơi bâân pajaau leq thêi. 19Ơi kơi achêk, xók vôôiq, adhi anó nek paxar tabhơt dhanuôr xar môôn-đô, têêng bap-teem đóng piđó kalóóng dhanóók Ama, Akóón lơq Chuôq Yaang Liêm; 20pachóóm pató piđó buôn huuiq jư dyóp rau đu thêi ơi truuih leq adhi anó. Lơq lêi nô, Aku tơơt palơq adhi anó dyóp tangêi patơk leq marngi.”