Katu Bible Literal Text
Ma-thi-ơ 2
Xong xók Chuôq Jê-su ơi bâân n'niên dhiq Bêêt-lê-heem parah Ju-đê kalóóng đơơi bhua Hê-rôôt, nek phaai lêi tôôh, nôôq manưih đu tarbech tââq charhóóng mat blo tơk dhiq Jê-ru-sa-leem, tamóh kơi ađô: “Yaang ơi bâân yuur n'niên nek bhua dhanuôr Jo Thaaiq tơơt n'dhiq? Ơi nôôq yi ơi lêi chatur xamenh ưng Ađó dhiq charhóóng mat blo lơq tơk buôn bhuôih haanh Ađó.” Bơơi xong xók xâng rau achêk, bhua Hê-rôôt bâân karaang kakhin, lơq tabhơt kanóón Jê-ru-sa-leem kung kơi ađó. Hayơq xong xók kayua dhaloong tabhơt nôôq takóh kala kadhâng bhanuôih lơq nôôq manưih pachóóm gani kalóóng dhanuôr, ađó tho tamóh piđó: “Chuôq Paq bâân n'niên n'đó dhiq?” Piđó ââi palơq bhua: “Dhiq Bêêt-lê-heem parah Ju-đê, taai ơi bâân xaraq kơi achêk tââq manưih đââng taruuih,
‘Dyơq Bêêt-lê-heem, katiêk Ju-đa,
amei eh rau nek katưưiq kiêt kalóóng kabhuh têêng gamak ưng Ju-đa,
ơi tââq amei e gluh mưi Yaang têêng kala
nek Yaang e jư kađââng I-sơ-ra-êên, dhanuôr Aku.’”
Bhêêl ađek, xong xók kadrêi lalââp dhaloong nôôq manưih đu tarbech tơk, Hê-rôôt tho tamóh piđó ganah m'bhêêl yuur vaaih ưng chatur xamenh. Xók ơi lơơi piđó vôôiq tơk Bêêt-lê-heem, ađó pató: “Xong xók vôôiq, nôôq pe nek tho tamóh pagiit pagóói leq akóón paniên. Hayơq bhêêl nôôq pe ơi bâân lêi, nek móón đóng aku buôn aku kung tơk bhi kakoh Ađó.” Xong xók ơi xâng bhua, piđó bâân yuur vôôiq, lơq nek lêi tôôh, chatur xamenh hơq piđó ơi chalaang lêi tơơt hót mat blo vôôiq laloom piđó đóng tơk xók ơi bhral nek ađó kayơng parngau dhiq dham akóón paniên tơơt. Xók ơi ve lêi chatur xamenh, piđó yayar marhaal kalóóng rau bhuui lóng pabhlơng. Xong xók mót kalóóng đong, piđó lêi akóón paniên palơq Ma-ri, amêêq Ađó. Hayơq n'drươh ơi chakoh tarkól nek piđó bhuôih haanh Ađó, lơq xók ơi lương pagluh drươp karvaan ưng ađêi, piđó tapôông leq Ađó nôôq đô-bhanuôih: vaang, dhaak galơu lơq dyet thum. Lơq taai ơi bâân kamêch óóq palâh val lóóiq palơq Hê-rôôt kalóóng mưi parnó m'pó, piđó chô katiêk ađêi hót kalơng lââng.
Bhêêl piđó ơi yuur vôôiq, nek phaai lêi tôôh, mưi dhơn pleng ưng Chuôq tabhral pakah palơq Jô-seep dhiq mưi parnó m'pó, móón kơi ađô: “Xong xók yuur meh, nek đââng ting ađêi akóón paniên palơq amêêq akóón paniên achêk lơq paklôôn leq Ai Kơp, hayơq phaai tơơt lóóiq dhiq ađek đóng tơk nh'xók aku kayua amei, taai Hê-rôôt kanóq tabâân akóón paniên buôn leng vaq.” Hayơq xong xók yuur blââk, ađó ơi đââng akóón paniên palơq amêêq Ađó klôôn leq Ai Kơp kalóóng hayum, lơq ađó tơơt lóóiq dhiq ađek đóng tơk xók Hê-rôôt ơi chêt, achêk nek buôn bâân tajaap paraaq rau ơi bâân praaq tââq Chuôq dhiq manưih đââng taruuih, kơi ađô: “Aku ơi dhaloong akóón Aku gluh tââq Ai Kơp.”
Bhêêl achêk, xók lêi kơi ađêi ơi bâân nôôq manưih đu tabech bharlưưk kađiq, Hê-rôôt lóng môôp lóóm, xong xók đââng taruuih vôôiq, ađó leng chêt tabhơt nôôq paniên padruuih tââq bơơr tuôi leq chooh dhiq Bêêt-lê-heem lơq tabhơt kalóóng xưưq ưng parah ađek, ting kơi ganah bhêêl hơq ađó ađek tho tamóh tââq nôôq manưih đu tabech. Kơi achêk nek bâân tajaap paraaq rau ơi bâân praaq tââq Jê-rê-mi manưih đââng taruuih, kơi ađô:
“Mưi dhariêng dhaloong bâân xâng lêi kalóóng kanóón Ra-ma,
dhariêng chaxih kagôh lơq ta-óóh taxung karuôq lóóm, Ra-chêên nhiim đóng nôôq akóón ađêi,
lơq ađó kah đơơp bâân tabhơơl, taai piđó kah dyơq ve.”
Bhêêl achêk, xók Hê-rôôt ơi chêt, nek phaai lêi tôôh, mưi dhơn pleng ưng Chuôq tabhral palơq Jô-seep tââq mưi parnó m'pó dhiq Ai Kơp, móón kơi ađô: “Xók ơi taach mat yuur, phaai đââng ting ađêi akóón paniên palơq amêêq akóón paniên achêk lơq vôôiq tơk katiêk I-sơ-ra-êên, ơi nôôq đu tabâân leng parhââm ưng akóón paniên ơi chêt.” Hayơq xók ơi yuur blââk, ađó đââng ting ađêi akóón paniên palơq amêêq Ađó, lơq mót kalóóng katiêk I-sơ-ra-êên. Dhơ kơi ađek, xók xâng kơi A-chê-la-u xók têêng kala dhiq parah Ju-đê klóóih đóng Hê-rôôt, ama ađêi, ađó kakhin vôôiq tơk leq ađek. Bơơi xók ơi bâân kamêch dhiq parnó m'pó, ađó val chô parah Ga-li-lê, lơq xók ơi tơk ađek hayơq, ađó tơơt mamông kalóóng mưi kanóón bâân đóók nek Na-xa-reet, buôn bâân tajaap paraaq rau ơi bâân praaq dhiq nôôq manưih đââng taruuih, kơi Ađó e bâân đóók nek manưih Na-xa-reet.
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.