Ma-thi-ơ 1

1Bha-aar dhong nooi ưng Jê-su Chuôq Paq Manưih, akóón chachau Đa-viit, akóón chachau Ap-ra-haam: 2Ap-ra-haam n'niên I-saak; I-saak n'niên Ja-kôôp; Ja-kôôp n'niên Ju-đa lơq adhi anó ưng ađó; 3Ju-đa tââq Ta-ma n'niên Phê-rêêt lơq Sê-rech, Phê-rêêt n'niên Hêt-rôôn, Hêt-rôôn n'niên A-raam. 4A-raam n'niên A-mi-na-đaap, A-mi-na-đaap n'niên Na-et-soon, Na-et-soon n'niên Senh-môôn, 5Senh-môôn tââq Ra-haap n'niên Bô-ô, Bô-ô tââq Ru-tơ n'niên Ô-bêêt, Ô-bêêt n'niên Je-sê, 6Je-sê n'niên bhua Đa-viit, Đa-viit tââq kađiêl ưng U-ri n'niên Sa-lô-môôn,

7Sa-lô-môôn n'niên Rô-bô-aam, Rô-bô-aam n'niên A-bi-ja, A-bi-ja n'niên A-sa, 8A-sa n'niên Jô-sa-phaat, Jô-sa-phaat n'niên Jô-raam, Jô-raam n'niên Ô-xia. 9Ô-xia n'niên Jô-taam, Jô-taam n'niên A-cha, A-cha n'niên Ê-xê-chia, 10Ê-xê-chia n'niên Ma-na-se, Ma-na-se n'niên A-môôn, A-môôn n'niên Jô-si-a, 11Jô-si-a n'niên Jê-kô-nia lơq adhi anó ưng ađó mót galuh đââng têêng xól leq Ba-bi-lôôn,

12lơq xong galuh đââng têêng xól leq Ba-bi-lôôn, Jê-kô-nia n'niên Sa-la-thi-êên, Sa-la-thi-êên n'niên Xô-rô-ba-bêên, 13Xô-rô-ba-bêên n'niên A-bi-uut, A-bi-uut n'niên Ê-li-a-kiim, Ê-li-a-kiim n'niên A-xô, 14A-xô n'niên Sa-đôk, Sa-đôk n'niên A-chiim, A-chiim n'niên Ê-li-uut, 15Ê-li-uut n'niên Ê-lê-a-xa, Ê-lê-a-xa n'niên Ma-thaan, Ma-thaan n'niên Ja-kôôp, 16Ja-kôôp n'niên Jô-seep, kayiik ưng Ma-ri, hơq tââq ađó, Chuôq Jê-su, Yaang bâân đóók nek Chuôq Paq Manưih, bâân yuur n'niên. 17Kơi achêk, tabhơt nôôq klaang đơơi tââq Ap-ra-haam tơk Đa-viit nek majêt puôn klaang đơơi, tââq Đa-viit tơk galuh đââng têêng xól leq Ba-bi-lôôn nek majêt puôn klaang đơơi, lơq tââq galuh đââng têêng xól leq Ba-bi-lôôn tơk Chuôq Paq Manưih nek majêt puôn klaang đơơi.

18Rau dhaluônh n'niên ưng Jê-su Chuôq Paq Manưih nek kơi ađô: Xók Ma-ri, akan Ađó, ơi hươq đóng palơq Jô-seep, bơơi xók bhêêl nhiđó kah ơi cha tơơt palơq xóng nhiđó, ađó bâân n'nal ve đađââng nek tââq Chuôq Yaang Liêm. 19Dyơq Jô-seep, kayiik ađó, nek manưih bhơt liêm, lơq taai kah kiêng pakah đóng palââng n'nal ađó, Jô-seep kanóq lơơi lalââp Ma-ri. 20Bơơi xók ađó dyơq kanóq leq nôôq tarnêêng achêk, nek hơq lêi tôôh, dhơn pleng ưng Chuôq tabhral palơq ađó kalóng parnó m'pó, kayua: “Jô-seep, akóón chachau Đa-viit, amei óóq ka-chiit pei Ma-ri têêng kađiêl, taai akóón paniên bâân đađââng kalóóng ađó achêk nek ơi tââq Chuôq Yaang Liêm. 21Ađó achêk e n'niên mưi akóón padruuih, lơq amei e đóók achak akóón nek Jê-su, ơi akóón achêk e paq dhanuôr ađêi gluh tââq matu lơt piđó.” 22Dyóp tarnêêng ađô yuur vaaih buôn bâân têêng tajaap rau ơi bâân Chuôq praaq dhiq manưih đââng taruuih, kơi ađô:

23“Nek lêi tôôh, pađiil kamór e ve đađââng lơq n'niên mưi akóón padruuih, lơq palââng e đóók dhanóók Ađó nek Em-ma-nu-êên” — bâân lók nek “Yaang Pleng tơơt palơq nôôq he.”

24Hayơq xong xók bâân taach mat tââq bhanêch bêch, Jô-seep ơi têêng i kơi dhơn pleng ưng Chuôq ơi praaq pató lơq pei pađiil achêk têêng kađiêl ađêi. 25Bơơi ađó kah cha tơơt palơq pađiil achêk đóng tơk xók ađó n'niên mưi akóón padruuih. Hayơq ađó đóók achak akóón achêk nek Jê-su.