Ma-thi-ơ 13

1Kalóóng tangêi ađek, xong xók vôôiq gluh tââq đong, Chuôq Jê-su tơơt hót tóór taxiiq. 2Tanóói dhanuôr lóng bơk ơi karong lóóiq praang xirvir Ađó. Tơk mơ, xong xók jađaang dyók leq mưi beq bhuông, Ađó tơơt chok leq, hơq tabhơt tanóói dhanuôr nek dyương dhiq kakóóng. 3Hayơq Ađó praaq palơq piđó bơk rau palơq babi, kơi ađô: “Lêi nô, mưi chanak chóói m'ma vôôiq gluh buôn chóói. 4Bhêêl chóói m'ma, mưi phơn kaliêng ruuh tóór kalơng, nek achim pleng pơh lơq chóh bhơt piđó. 5Mưi phơn lââng ruuh dhiq katiêk dhơl dyriên, nek dhiq kah ve bơk katiêk liêm. N'drươh, kaliêng m'ma kavââng, taai tabuur katiêk kah ve lââp dhơuq. 6Bơơi xong xók mat tangêi yuur klaaq, ađó ơi bâân óch róh lơq xeu rang taai kah ve riêh. 7Hayơq mưi phơn lââng ruuh m'pơng nôôq tââm axông, nek nôôq tââm axông yuur gamak lơq dhuum garet piđó. 8Hơq phơn lââng dyơq ruuh dhiq katiêk liêm lơq ve bóóng pô pale, makaliêng nek mưi hariêng bơk lơh, makaliêng nek chapat jêt, makaliêng nek pe jêt. 9Ngaai ve katór, nek xâng.”

10Hayơq nôôq môôn-đô, xong xók tơk pađan, ơi móón palơq Ađó: “Ơi taai harau hơq thêi vil praaq palơq nôôq babi palơq manưih dhanuôr?” 11Kơi achêk nek, xók ââi paraaq, Ađó ơi praaq palơq piđó kơi ađô: “Nek palơq adhi anó nek ơi bâân jaau đóng buôn đơơp n'nal nôôq rau lalââp leq katiêk pleng, hayơq nek palơq nôôq đu ađek nek kah bâân ve đóng. 12Ơi ngaai đu ve, nek leq phơn manưih achêk e bâân đóng kơơq, lơq manưih achêk e bâân xưa raai. Bơơi ngaai đu kah ve, nek e bâân pei paxooq tââq ađó chênh bhơt rau manưih achêk xók ve. 13Ơi taai ađô, thêi praaq palơq piđó palơq babi; taai dhơ ve lêi, piđó kah đơơp chamet; lơq dhơ tameng katór, piđó kah chóóm xâng, kung kah chóóm n'nal. 14Lơq paraaq ưng Ê-saai manưih đââng taruuih nek bâân tajaap dhiq piđó, kơi ađô:

‘Nek palơq rau xâng, nôôq akóón e tameng katór, hơq dhakơi nôôq akóón e kah n'nal;

hayơq xók lêi, nôôq akóón e tangôôq lêi, hơq dhakơi nôôq akóón e kah chóóm n'nal.

15Ơi lóóm dhanuôr ađô ơi val kơi ngôôk ngaak;

taai piđó ơi xâng kơi kadhaap tavơr,

lơq piđó ơi kaxir mat ađêi,

vaaih e piđó ve chóóm lêi palơq mat,

tameng xâng palơq katór,

n'nal palơq lóóm

hayơq palâh val lóóiq,

lơq Aku e payươh piđó.’

16Bơơi phươk đóng nek mat ưng adhi anó, ơi chóóm lêi, lơq katór ưng adhi anó, ơi chóóm xââng. 17Alua, thêi praaq palơq adhi anó kơi, bơk manưih đââng taruuih lơq manưih bhơt liêm kiêng tabâân buôn lêi nôôq rau adhi anó lêi, hơq piđó ơi kah bâân lêi, lơq buôn xâng nôôq rau adhi anó xâng, hơq piđó ơi kah bâân xâng. 18Kơi achêk, adhi anó nek xâng babi leq manưih chóói m'ma. 19Dyóp ngaai xâng taruuih liêm ưng katiêk pleng hơq kah n'nal, nek abhưi abhóch tơk lơq pei n'drooih rau ơi bâân chóói kalóóng lóóm manưih ađek. Ađô nek kaliêng m'ma bâân chóói tóór kalơng. 20Hayơq kaliêng m'ma bâân chóói leq katiêk dhơl dyriên, ađek nek manưih xâng taruuih liêm lơq n'drươh pei đơơp taruuih liêm nek palơq lóóm bhuui yayar; 21hơq manưih ađek kah ve riêh kalóóng ađêi, bơơi nek kah chóóm đuôh đươnh; nek hayơq kadhaap jarnah môôiq m'bhiiq vei vaaih tơk ơi taai taruuih liêm, nek manưih ađek n'drươh bil lóóm huuiq. 22Hayơq kaliêng m'ma bâân chóói m'pơng nôôq tââm axông, ađôk nek manưih xâng taruuih liêm, hơq lóóm châq karaang leq đơơi ađô lơq ahươu kanóq ưng rau karvaan kabhôôq têêng đóng taruuih liêm achêk nhanhuk pabhlu lơq ađó val xar kah bóóng pale. 23Bơơi kaliêng m'ma bâân chóói dhiq katiêk liêm, ađek nek manưih xâng taruuih liêm lơq n'nal, manưih ađek lalua bóóng pale, lơq yuur vaaih mưi chaq mahariêng, mưi chaq chapat jêt, mưi chaq pe jêt.”

24Ađó pakah toom piđó mưi babi lââng, kơi ađô: “Katiêk pleng bâân babi kơi mưi chanak ơi chóói m'ma liêm kalóóng hare ađêi. 25Bơơi bhêêl palââng bêch, manưih brau ưng ađó achêk tơk lơq chóói bhơơi drươm kachóóq leq m'pơng aviq mi hayơq xooq lơh. 26Xók aviq yuur gamak lơq xrôh bhalooch, nek bhơơi drươm kung bâân yuur jaluôh. 27Xók achêk, nôôq dhơn ratơơq ưng manưih kala achêk, xong xók tơk, ơi móón palơq ađó: ‘Kala ơơi, eh dhơq amei ơi chóói kaliêng m'ma liêm kalóóng hare ađêi kah alua? Kơi achêk, bhơơi drươm tââq tiq hơq ve?’ 28Kơi achêk nek ađó ââi piđó: ‘Mưi chanak manưih brau ơi têêng tarnêêng ađô.’ Hayơq nôôq dhơn ratơơq móón palơq ađó: ‘Kơi achêk, abhươp ve kiêng xók gluh leq ađek, nôôq yi rôôq tabhơt piđó kah?’ 29Bơơi kala ââi: ‘Óóq, vaaih xók bhêêl rôôq bhơơi drươm, nôôq pe e rôôq tarluk pâng aviq madhiq palơq piđó. 30Bhiêk lơơi miq bơơr bâân mandrươh yuur gamak đóng patơk nil xóót peh, lơq mót bhêêl ganah xóót peh, aku e yua nôôq manưih xóót: Laloom kơ, nek karong bhơơi drươm lóóiq lơq choq piđó xar ting booq buôn óch piđó vóq, bơơi nek karong aviq leq kalóóng póóm jơơng ưng aku.’”

31Ađó yuur truuih toom piđó mưi babi lââng, kơi ađô: “Katiêk pleng nek thê kơi mưi kaliêng habhêi hơq xong xók pei, mưi chanak ơi chóói kalóóng hare ađêi; 32hơq kaliêng m'ma achêk dhơ nek katưưiq tââm kalóóng tabhơt nôôq dyóp rau kaliêng, bơơi xók ađó n'dhương gamak, ađó gamak lơh nôôq m'ma n'lóóng kalóóng bhươn lơq val xar mưi tââm n'lóóng, tơk mơ achim pleng tơk lơq têêng xaruh dhiq nôôq đóóng ưng ađó.” 33Ađó truuih leq palââng mưi babi đu lââng. “Katiêk pleng nek thê kơi piêng hơq xong xók pei, manưih pađiil ơi xrơu palơq pe jahương amun đóng tơk xók tabhơt nôôq amun yuur chơh.”

34Chuôq Jê-su ơi praaq dyóp rau ađek palơq tanóói dhanuôr palơq paraaq babi, lơq Ađó kah dhơ dharau praaq palơq piđó hơq kah palơq paraaq babi, 35ng'kơi đóng paraaq ơi bâân paraaq dhiq manưih đââng taruuih bâân tajaap, kơi ađô:

“Aku e pơơh bóóp Aku palơq nôôq praaq babi.

Aku e truuih karơ nôôq rau glêh takadrêi lââp tââq bhêêl têêng tavaaih pleng katiêk.”

36Xong ađek, xók ơi xooq tââq tanóói dhanuôr bơk, Ađó mót leq đong. Nôôq môôn-đô Ađó tơk đan Ađó, móón: “Nhan lók đóng nôôq yi paraaq babi leq bhơơi drươm dhiq kalóóng hare.” 37Xók achêk, xók ââi bóóp, Ađó praaq: “Manưih chóói m'ma liêm nek Akóón Manưih, 38hơq hare ruông nek talaang katiêk, hayơq kaliêng m'ma liêm — ađôk nek akóón anaaq ưng katiêk pleng. Palâh lóóiq, bhơơi drươm nek akóón anaaq ưng đu aak, 39lơq manưih brau, nek đu ơi chóói piđó, nek abhưi abhóch. Hayơq nil xóót nek tơk tangêi marngi, hơq nôôq manưih xóót nek nôôq dhơn pleng. 40Kơi chêk, ng'kơi hơq bhơơi drươm bâân kaboq lóóiq lơq bâân óch kalóóng óih, nek tarnêêng kung e yuur vaaih kơi chêk mót tơk tangêi marngi. 41Akóón Manưih e kayua nôôq dhơn pleng ưng ađêi, lơq piđó e karong pagluh tââq katiêk Ađó tabhơt nôôq đu têêng lơt môôp palơq nôôq đu têêng rau matu lơt. 42Lơq dhơn pleng e m'peq piđó leq bóng óih, nek dhiq e ve rau nhiim griit lơq takachrââq kaniêng. 43Bhêêl ađek, nôôq manưih bhơt liêm e brương cha-iil kơi mat tangêi kalóóng katiêk ưng Ama piđó. Ngaai ve katór, nek xâng.”

44“Katiêk pleng nek thê kơi mưi jơơng drươp bâân pađơp kadrêi kalóóng mưi dham hare, nek rau hơq mưi chanak ơi vôôiq kadrêi xong xók bâân lêi. Vaaih tââq lóóm rau bhuui sương ưng ađêi, manưih achêk yuur vôôiq, baan tabhơt pasek dyóp rau ađêi ve lơq kơl dham hare achêk. 45Hơq dyơq, katiêk pleng nek thê kơi mưi chanak, nek manưih kakơl, chêk tabâân ngok-traai đu kiiq. 46Kơi achêk hayơq, bhêêl ơi bâân lum mưi kaliêng ngok-traai mat jêên kah mơ móón, nek xong xók yuur vôôiq, ađó ơi baan tabhơt pasek dyóp rau đu ađêi ve lơq kơl ađó.

47Hayơq dyơq, katiêk pleng nek thê kơi mưi takei jươl bâân trah leq taxiiq lơq bâân yuur mơk dyóp rau n'dreh m'ma, 48hơq bhêêl jươl ơi bing, palââng galôôi leq kakóóng, lơq xong xók tơơt chok leq, piđó karong nôôq đu liêm leq kalóóng jong kađôôq, hayơq nôôq rau kah chóóm đươi, piđó m'peq leq nguôi. 49Dyóp rau e nek kơi achêk xók tơk bhêêl marngi: Nôôq dhơn pleng e vôôiq gluh, lơq e blah kabhuh đu aak tââq m'pơng nôôq manưih đu liêm, 50hayơq piđó e m'peq kabhuh ađek leq bóng óih, nek dhiq e ve đu nhiim griit lơq kachrââq kaniêng.

51Adhi anó ơi n'nal bhơt nôôq rau ađôk kah?” Piđó ââi palơq Ađó: “Ơơq.” 52Xók achêk, Ađó praaq palơq piđó: “Ơi taai rau ađô, dyóp manưih pachóóm gani ơi bâân chaleq pachóóm leq katiêk pleng nek thê kơi mưi manưih kala đong, nek manưih pei pagluh drươp ti palơq drươp tame tââq kalóóng jơơng ưng ađêi.” 53Tarnêêng yuur vaaih ađek nek xók Chuôq Jê-su luch xong nôôq paraaq babi ađô, Ađó ơi yuur vôôiq lơh tââq ađek.

54Xong xók chô tơk bhươl kanóón ađêi, Ađó ơi truuih pachóóm manưih dhanuôr kalóóng đong gươl ưng piđó, tơk mơ têêng palââng chrih xâng lơq móón: “Rau tabech galang achêk palơq nôôq mataai chrih tââq dhiq ađó ađô avaaih n'tââq tiq? 55Eh dhơq ađó ađô nek akóón padruuih abhươp thơơq kóóch chan alua? Eh dhơq akan ađó achêk ngi đóók nek Ma-ri, lơq nôôq adhi padruuih ưng ađó ađek nek Ja-kơ, Jô-seep, Si-môôn lơq Ju-đa eh? 56Eh dhơq tabhơt nôôq adhi pađiil ưng ađó ađek maar tơơt palơq nôôq he alua? Kơi achêk, dyóp rau ađô nek dhiq ađó achêk avaaih n'tââq?” 57Piđó bâân n'đóih kalơm dhiq Ađó. Bơơi Chuôq Jê-su praaq palơq piđó: “Manưih đââng taruuih yươq bâân takađiq, chapiên lơh dhiq bhươl kanóón ađêi lơq kalóóng parlóng đong ađêi.” 58Ađó ơi kah têêng bơk mataai chrih dhiq ađek taai lóóm kah huuiq ưng piđó.