Skip to content
BibleKenya

Katu Bible Literal Text

Ja-kơ 3

Nhan móón adhi anó ưng aku, óóq ve bơk ngaai kalóóng adhi anó têêng thêi, ơi n'nal kơi nôôq he e phaai pei đơơp rau praaq xêi gamak lơh. Taai nôôq he maar têêng lơt kalóóng bơk kơi. La ngaai manưih kah têêng lơt kalóóng bóóp praaq, hơq ađek nek manưih bhơt liêm, ve đuôh têêng kala bhơt plok achak. La nôôq he tabóq janoom leq buum axeh đóng têêng piđó bâân xâng bóóp kơi nôôq he, hơq nôôq he keh đââng tabhơt achak ưng ađó. Kung phaai lêi nôôq jatau ve dhanang gamak garóóq lơq bâân adhiiq karơ dhalươq kajêêq, bơơi dyóp beq jatau bâân kađââng yua tââq mưi benh gaai tagah katưưiq đóng tơk dhiq hơq tarnêêng ưng manưih gaai jatau kiêng vôôiq. Makơi kơi achêk, n'taak nek mưi rau katưưiq bơơi val pajơơr nôôq tarnêêng gamak. Phaai lêi mưi par-aang óih katưưiq n'đó kơi óch róh mưi parah booiq gamak ng'kơi! N'taak kung thê kơi óih, mưi talaang katiêk kah dhalam. N'taak bâân patơơt dhiq m'pơng nôôq kalóóng achak araang ưng nôôq he, têêng anhuq tabhơt achak lơq óch róh tabhơt klaang đơơi, hơq chênh ađó nek bâân óch róh kalóóng maraaih. Dyóp rau adhah booiq, lơq achim adyóór, agung adyeeng lơq kadhóóng adhah taxiiq maar đuôh têêng kala lơq ơi bâân akóón manưih têêng kala. Bơơi kah ngaai ve chóóm têêng kala dhiq n'taak, mưi rau têêng aak kah dhêi têêng panhôôn, bing chapââr tiêng chêt đok. Palơq ađó nôôq he babóóch bhi haanh Chuôq lơq Ama, kung palơq ađó, nôôq he tóh karuuh akóón manưih, nek dhong nooi ơi bâân tavaaih ting kơi a-ô ưng Yaang Pleng. Paraaq babóóch haanh lơq paraaq tóh karuuh gluh vaaih tââq kung mưi beq bóóp. Nhan móón adhi anó ưng aku, nôôq tarnêêng kơi ađek kah chóóm yuur vaaih. Mưi paloong tóm tââq kung mưi tóm dhơl kah chóóm hóói gluh đơơk baq palơq miq đơơk atang kah alua? Nhan móón adhi anó ưng aku, tââm tarung kah chóóm gluh bóóng pale ô-liiu? Môôiq tââm nho bóóng pale tarung, kah alua? Đơơk kariêq kung kah chóóm đóng gluh đơơk baq.

Ngaai manưih tabech galang lơq dyóp n'nal dhiq m'pơng adhi anó? Manưih achêk phaai pakah nôôq tarnêêng têêng ưng ađêi vaaih gluh tââq charnap mamông liêm kra kalóóng lóóm karnóq pakatưưiq ưng rau tabech galang. Bơơi la adhi anó ve lóóm makhinh ahaaq atang lơq n'thaam malóóch kalóóng lóóm ađêi, hơq óóq parlaach pajơơr lơq praaq galơơk chachââr tarjơl palơq paraaq dhalam. Ađô eh rau nek rau tabech galang dhaluônh leq tââq m'piing, bơơi nek rau chô leq hóng katiêk, manưih ti, abhưi abhóch. Taai rau kađiq makhinh lơq n'thaam malóóch dhiq tơơt, hơq rau nhôôn nhaauq lơq dyóp tarnêêng môôp lơt tơơt dhiq ađek. Palâh lóóiq, rau tabech galang tââq pleng laloom tââm nek sek tabah, tatun ađek nek malóóch kiêng tangêi bhuui khe yươq tarvei tarlak, moor dha-iiq, lóóm karnóq tarxâng bóóp, bing lóóm a-yô lơq nôôq pô pale liêm kra, kah paang-ra tadhơ lóóm, kah galơơk chachââr. Pô pale ưng rau bhơt liêm bâân chêh kalóóng tangêi bhuui khe tââq nôôq manưih têêng tavaaih tangêi bhuui khe.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.