Hê-bơ-rơ 2

1Taai kơi achêk, rau ađô kayua nôôq he phaai chamet lêi bơk lơh dyơq tơk nôôq rau ơi glêh bâân xâng, e vaaih nôôq he chóóm lóóng changaai lơh tââq piđó. 2Ơi la taruuih ơi bâân truuih đuui tââq nôôq dhơn pleng ơi vaaih xar rau lóng dhalam, lơq dyóp rau têêng lơt palơq rau kah xâng bóóp ơi đơơp pei janah đaang tââm, 3nek ng'kơi nôôq he e bâân gluh xók ơi karđiq rau paq jóói gamak kơi ađek? Hơq rau paq jóói achêk, lơh xók tââq đơơi Chuôq bâân praaq truuih móón laloom tââm, nek bâân pakah đóng nôôq he tââq nôôq manưih ơi xâng; 4taai Yaang Pleng kung pajoop truuih đuui palơq piđó palơq nôôq kanal chrih, mataai chrih, lơq bơk tarnêêng mataai gamak lââng n'tua kơi, palơq rau nh'xóóng đóng ưng Chuôq Yaang Liêm ting karnóq kiêng Ađó.

5Bơơi eh rau koom đóng nôôq dhơn pleng hơq Yaang Pleng kóóp patơơt hóng katiêk ravang tơk, nek hóng katiêk hơq nôôq he đu dyơq praaq tơk. 6Mat lââng, ve ngaai ơi truuih đuui ve dhiq ađek, kơi ađô:

“Akóón manưih nek harau, hơq Ađó phaai karaang leq piđó?

Môôiq akóón manưih nek hau, hơq Ađó gamang piđó?

7Ađó têêng manưih xruiq lơh palơq nôôq dhơn pleng kalóóng mưi ganah êêp;

Ađó tapơơng panơơng vaang đóng ngaai kalóóng rau cha-iil tabah lơq bhi chap.

8Ađó patơơt dyóp rau n'dreh m'ma raraal dyung ađó.”

Taai dhiq xók kóóp kayua dyóp rau n'dreh m'ma, Ađó đóng kah mưi marau marâ kah xâng bóóp ađó. Bơơi xók ađôk nôôq he kung kah lêi dyóp rau n'dreh m'ma xâng bóóp ađó, 9bơơi nôôq he lêi Chuôq Jê-su, nek Yaang bâân têêng đóng xruiq lơh nôôq dhơn pleng kalóóng mưi ganah êêp, ơi bâân tapơơng panơơng vaang kalóóng rau cha-iil tabah lơq bhi chap ơi taai rau jarnah xaryô dhiq rau akan chêt ưng Ađó, đóng tââq ơơn phươk liêm Yaang Pleng, Ađó ve chóóm bâân pei xâng rau akan chêt klóóih đóng dyóp ngaai. 10Taai Yaang Pleng, Yaang hơq taai Ađó dyóp rau ve mat lơq đươi tââq Ađó dyóp rau ve mat, đóng chơơng đââng bơk akóón tơk dhiq cha-iil tabah, nek ơi têêng kơi pâng bhlơng xók têêng Yaang Kadhâng Akoq rau paq jóói ưng piđó hayơq vaaih liêm kre kalóóng rau xaryô jarnah. 11Tââq lơq Yaang paxar palơq tabhơt nôôq manưih bâân yuur paxar vaaih tââq mưi kachuur. Ơi taai ađôk, Ađó kah kachiit hơq đóók piđó nek adhi anó, 12xók praaq:

“Akóón e truuih móón dhanóók Ađó đóng nôôq adhi anó ưng Akóón;

Akóón e babóóch haanh Ađó dhiq m'pơng bơk manưih huuiq.”

13Lơq mưi chu dyơq:

“Aku e huuiq ganơơm dhiq Yaang Pleng.”

Hayơq praaq dyơq:

“Lêi nô, aku lơq nôôq akóón paniên hơq Yaang Pleng ơi đóng leq aku.”

14Kơi ađek hayơq, taai nôôq akóón paniên ve phơn kalóóng m'bech lơq ahaam, hayơq Ađó kung ve phơn kalóóng palơq nôôq rau achêk thê kơi ađek đóng pâng rau akan chêt ađêi, Ađó ve chóóm leng kaxiêt ngaai kadhâng koq rau akan chêt, ađek nek abhưi, 15lơq ve chóóm pagluh nôôq manưih achêk, hơq nek dhơ dhangaai mamông maar tââq ganhuh kakhin akan chêt, nek mamông têêng xól takajuq. 16Taai alua, eh rau Ađó jư lêi nôôq dhơn pleng, palâh val Ađó jư lêi dhong nooi ưng Ap-ra-haam, 17taai kơi ađek Ađó kơng phaai bâân têêng vaaih xar thê adhi anó ađêi leq dyóp rau, buôn Ađó ve chóóm val xar takóh kadhâng bhanuôih gamak buôn kayô ka-er lơq bhơt lóóm ting kơi palơq nôôq tarnêêng malóóm leq Yaang Pleng palơq rau kiêng pakah ơơn phươk liêm dhiq matu lơt ưng dhanuôr Ađó. 18Xók ơi đơơp galơơk dharơơl, Ađó ve chóóm paq jóói ngaai nôôq bâân galơơk dharơơl, tââq chênh Ađó ơi kaxâng bhluuch rau ađek.