Tarnêêng Nôôq Sưưq-đô 9

1Bơơi Saau-lơ, ơi xók dyơq bhiêk praaq paraaq gaam lơq rau leng karchêt jơl palơq nôôq môôn-đô ưng Chuôq, xong xók tơk palơq takóh kadhâng bhanuôih bhơt liêm, 2nek nhan tââq dhiq ađó nôôq tala bha-aar pagơơi đóng leq nôôq đong nhoom dhiq Đa-met, đóng la ađó bâân chêk dhơ dhangaai ting kalơng Huuiq, luch padruuih lơq pađiil, nek ađó đââng piđó ơi xók bâân taklooiq đââng chô leq Jê-ru-sa-leem. 3Xók achêk, ơi xók vôôiq kalơng, tarnêêng val vaaih xók ađó đan tơk kanóón Đa-met, parmat brương tââq pleng dyóól dhiq ađó, 4hayơq, xong xók kalơm leq katiêk, ađó xâng mưi dhariêng móón praaq palơq ađêi: “Saau-lơ, Saau-lơ, hau amei chóóm kóóp róp aku?” 5Xók achêk, ađó tamóh: “Chuôq ơơi, Amei nek ngaai?” Chuôq praaq: “Aku nek Jê-su đu amei xók kóóp róp; 6dhơ kơi ađek, nek yuur dyương lơq vôôiq mót kalóóng kanóón, hayơq tarnêêng e bâân praaq palơq amei leq hau rau kiiq tââm đóng amei phaai têêng.” 7Bơơi nôôq manưih ting vôôiq palơq ađó nek dyương dhiq ađek kah chóóm praaq taklóng paraaq, xók xâng dhariêng hơq kah lêi ngaai. 8Xók achêk, Saau-lơ yuur dyương tââq katiêk, bơơi xók mat ưng ađó meh lêi, nek ađó kah chóóm lêi ve rau. Kơi ađek hayơq, xong xók kadhâng têi chơơng ađó vôôiq, piđó đââng ađó mót kanóón Đa-met. 9Bhluuch pe tangêi, ađó kah rau chóóm lêi, lơq ađó kah cha kung kah ơm.

10Xók ađek, dhiq kanóón Đa-met ve mưi môôn-đô achêk achak A-na-nia. Chuôq praaq palơq ađó dhiq mưi rau tapalêi: “A-na-nia ơơi!”. Hayơq ađó ââi: “Chuôq ơơi, nhan lêi ađô, nô akóón!” 11Xók achêk, Chuôq praaq lơq ađó: “Xong xók yuur dyương, nek vôôiq tơk kalơng đóók nek Dhalam Tapat, lơq phaai chêk kalóóng đong ưng Ju-đa mưi manưih achak Saau-lơ, tââq Taat-sơ, nek chamet lêi, ơi ađó ađô xók gavơh nhan, 12lơq kalóóng mưi rau tapalêi, ađó achêk ơi lêi mưi manưih achak A-na-nia vôôiq mót lơq lơơi têi dhiq ađêi đóng ađó achêk bâân brương mat lóóiq.” 13Bơơi A-na-nia ââi: “Chuôq ơơi, akóón ơi xâng tââq bơk ngaai leq ađó ađô, leq n'nal n'đơq rau môôp lơt ađó ađô ơi têêng đóng nôôq manưih tabah ưng Amei dhiq Jê-ru-sa-leem. 14Lơq dhiq ađek, ađó ve bâân pajaau mataai tââq nôôq takóh kadhâng bhanuôih bhơt liêm đóng kóóp jư dyóp nak dhaloong gavơh achak Amei.” 15Kơi ađek bơơi, Chuôq praaq palơq ađó: “Bhiêk vôôiq, ơi manưih ađô nek parvech ưng rau bâân chââih palơq Aku, đóng đââng achak Aku gluh leq toom nôôq dhanuôr katiêk lââng, xêi pabhơt nôôq bhua, nek palơq akóón anaaq I-sơ-ra-êên; 16ơi Aku e pakah đóng ađó achêk n'nal ađêi đơơp phaai xâng jarnah bơk ng'kơi taai achak Aku.” 17Kơi ađek hayơq, A-na-nia yuur vôôiq lơq vôôiq mót kalóóng đong ađek. Xong xók lơơi têi dhiq Saau-lơ, ađó praaq kơi ađô: “Anó Saau-lơ, Chuôq ơi kayua aku — chênh nek Chuôq Jê-su, Yaang ơi pakah palơq amei dhiq kalơng hơq amei vôôiq tơk ađôk — đóng amei ve chóóm bâân lêi lóóiq lơq bâân bing bhlaai Chuôq Yaang Liêm.” 18N'drươh, mưi rau đu thê kơi xiêl, piđó n'tôq tââq mat ưng Saau-lơ, n'drươh, ađó bâân brương mat lóóiq, lơq xong xók yuur dyương, ađó đơơp têêng bap-teem; 19xók ơi đơơp chana, ađó bâân chô lóóiq praan karơ. Xók achêk, ađó tơơt palơq nôôq môôn-đô dhiq Đa-met bơơr pe tangêi. 20N'drươh, ađó truuih pachóóm Chuôq Jê-su kalóóng nôôq đong nhoom, kơi Jê-su nek Akóón Yaang Pleng. 21Dyóp ngaai tameng xâng maar hêq xâng, móón: “Eh lua nôk chêq nek dhươm đu ơi leng nôôq manưih gavơh nhan achak ađô dhiq Jê-ru-sa-leem? Lơq eh alua ađó ơi tơk leq ađô taai rau ađek, đóng xong xók kóóp kađaai nek đââng chô piđó leq nôôq takóh kadhâng bhanuôih bhơt liêm ha lua?” 22Bơơi Saau-lơ bhiêk karơ lơh, lơq têêng paangra đóng nôôq manưih Jo Thaaiq mamông dhiq Đa-met palơq truuih pakah kơi Jê-su nek Chuôq Paq Manưih.

23Dhơ kơi ađek, xók bơk tangêi ơi lơh, manưih Jo Thaaiq tơơt pahoop madhiq tabâân leng ađó. 24Kơi ađek bơơi, mangê ưng piđó ơi bâân truuih đóng Saau-lơ n'nal. Kơi ađek hayơq, palââng tơk mơ jư góón nôôq palóng kariing kanóón tóóng tangêi lơq hayum đóng leng karchêt ađó. 25Xók achêk, xong xók đââng vôôiq kalóóng hayum, nôôq môôn-đô ưng ađó lơơi ađó padhaluônh hót nguôi jađơr kanóón, palơq tarnêêng xua ađó dhaluônh kalóóng mưi beq rađung.

26Bơơi xók ơi tơk dhiq Jê-ru-sa-leem, ađó tabhlơng tabâân đóng bâân ting mót palơq nôôq môôn-đô, hơq tabhơt piđó maar kakhin ađó, kah huuiq kơi ađó nek môôn-đô. 27Xók achêk, xong xók đââng ađó vôôiq, Ba-na-ba đââng ađó tơk lum nôôq sưưq-đô, hayơq xêi đóng piđó ng'kơi têêng hơq ađó ơi lêi n'nal Chuôq dhiq kalơng, kung kơi Chuôq ơi praaq palơq ađó, lơq ng'kơi dhiq Đa-met, ađó ơi garâ lóóm truuih đuui vơn achak Chuôq Jê-su. 28Kơi ađek nek, ađó tơơt palơq piđó xók vôôiq taval leq Jê-ru-sa-leem, garâ lóóm truuih đuui vơn achak Chuôq. 29Ađó n'drươh praaq chiên, n'drươh ta-ââi palơq nôôq manưih Jo Thaaiq praaq dhariêng Hi-laap, bơơi piđó tabâân leng ađó. 30Bơơi xók ơi n'nal kơi ađek, nôôq adhi anó đââng ađó dhuônh leq Sê-sa-rê, lơq đââng ađó vôôiq leq Taat-sơ.

31Kơi ađek, akóón dhơn Chuôq plok tabhơt xưưq Ju-đê, Ga-li-lê, lơq Sa-ma-ri ve rau yươq rau ha; ơi bâân tahayuur palơq bhadyaang vôôiq kalóóng rau bhi kakhin Chuôq lơq kalóóng rau tabhơơl lóóm ưng Chuôq Yaang Liêm, akóón dhơn Chuôq bâân n'dhương bâân vaaih bơk. 32Xók achêk, chiên val vaaih ađek nek xók Phi-e-rơ xók vôôiq plok luch xưưq, nek kung vôôiq dhuônh tơk dham nôôq manưih huuiq Chuôq tơơt mamông dhiq Li-đa. 33Hayơq dhiq ađek, ađó lum mưi manưih tôôh, achak Ê-nê, xók bêch dhuôr dhiq dharââng bhluuch takóól kamó, achêk nek manưih bâân ka-ai arươp. 34Phi-e-rơ praaq palơq ađó ađek: “Ê-nê ơơi, Chuôq Jê-su Paq Manưih payươh đóng amei. Nek yuur dyương lơq dhoon dharââng amei vôôiq,” lơq n'drươh ađek, ađó yuur dyương. 35Tabhơt nôôq ngaai mamông dhiq Li-đa lơq Sa-rôôn ơi lêi ađó, piđó maar val lóóiq palơq Chuôq.

36Xók achêk, dhiq Jôôp-bê ve mưi môôn-đô tôôh achak Ta-bi-tha, achak achêk, xók ơi bâân lók, nek kiêng móón “Đô-ka”. Pađiil biêh bing nôôq tarnêêng liêm palơq bơk tarnêêng poor đu pađiil ơi têêng. 37Chiên vil vaaih kalóóng nôôq tangêi ađek, achêk nek xong xók dhuôr ka-ai, ađó ơi chêt. Tatun ađek, xók ơi hóm raau đóng ađó xong, palââng tabêch ađó kalóóng buông dhiq gaak. 38Ơi Li-đa dhiq đan Jôôp-bê, hayơq nôôq môôn-đô xók xâng kơi Phi-e-rơ dyơq tơơt dhiq ađek, piđó kayua bơơr chanak manưih vôôiq lum Phi-e-rơ, gavơh nhan: “Nhan óóq pajih jalưa đóng tơk leq nôôq yi.” 39Kơi ađek nek, xong xók yuur dyương, Phi-e-rơ vôôiq mandrươh palơq nhiđó, nek nôôq manưih đu, xók ơi tơk dham, piđó đââng ađó dyók leq buông dhiq gaak, hayơq tabhơt pađiil kamaai tơk dyương tóór ađó nhiim, lơq chaleq đóng ađó lêi nôôq aau chaguôk palơq bơk chanam n'nal n'đơq đu Đô-ka ơi ih xók dyơq tơơt palơq piđó. 40Bơơi xók ơi kayua tabhơt gluh leq nguôi lơq chakoh takól leq katiêk, Phi-e-rơ gavơh nhan, hayơq xong xók palâh lóóm leq xaak, ađó praaq: “Ta-bi-tha, nek yuur aq.” Kơi ađek nek, pađiil meh mat ađêi, lơq xók lêi Phi-e-rơ, ađó yuur tơơt. 41Xong xók tađương têi leq pađiil, ađó tơq pađiil yuur dyương, hayơq xók ơi dhaloong nôôq manưih huuiq Chuôq lơq nôôq pađiil kamaai mót, ađó đóng lêi pađiil dyơq mamông. 42Xók achêk, tarnêêng ađô vaaih xar taruuih tanđôôr plok tabhơt Jôôp-bê lơq bơk manưih huuiq leq Chuôq. 43Chiên val vaaih tatun ađek nek ađó ơi tơơt lóóiq bơk tangêi dhiq Jôôp-bê palơq mưi manưih tôôh achak Si-môôn, nek thơơq ih ng'kar.