Katu Bible Literal Text
Tarnêêng Nôôq Sưưq-đô 25
Kơi ađek, xók ơi tơk đơơp tarnêêng kalóóng xưưq, nek lơh pe tangêi tatun, Phê-tu yuur vôôiq tââq Sê-sa-rê tơk Jê-ru-sa-leem. Chadrươh ađek, nôôq takóh kadhâng bhanuôih bhơt liêm lơq nôôq manưih têêng gamak kalóóng dhanuôr Jo Thaaiq pakah mat toom ađó jơl makhich Phaau-lô lơq piđó mââl nhan ađó, xók nhan mưi rau ơơn liêm makhich palơq Phaau-lô, ađek nek kuôn kadhâng xưưq ve chóóm đóng kayua dhaloong Phaau-lô đơk Jê-ru-sa-leem, dhiq xók ravang mangê đương góón buôn leng ađó chóók kalơng. Xong ađek, Phê-tu ââi lóóiq kơi ađô Phaau-lô nak dyơq takról dhiq Sê-sa-rê, dyơq chênh ađó kala nek ravang pađâh yuur vôôiq. Ađó praaq: “Taai kơi ađek, nôôq manưih têêng gamak dhiq m'pơng nôôq pe, xong xók ting dhaluônh leq ađek, la ve hau rau lơt dhiq manưih ađô, nek piđó phaai kaauq patu ađó ađek.”
Xók achêk, xók ơi tơơt palơq piđó óóq bơk lơh takóól hamôôiq majêt tangêi, ađó ađek vôôiq chok leq tơk Sê-sa-rê. Tangêi tatun ađek, xong xók tơơt leq tanơơt xêi xanêi, ađó ađek kayua đóng Phaau-lô bâân đââng pagluh. Kơi ađek hayơq, bhêêl ađó ơi bhral, nôôq manưih Jo Thaaiq biêh tââq Jê-ru-sa-leem dhaluônh ơi pei xavaang ađó, pakah bơk rau paraaq kaauq patu haleng hadhơơp hơq piđó kah rau chóóm pakah lêi, Dhiq xók Phaau-lô tư paq praaq ađêi kơi ađô: “Aku yươq têêng marau marâ rau matu lơt jơl lóóiq gani ưng manưih Jo Thaaiq, yươq jơl lóóiq đong bhanuôih, kung yươq jơl lóóiq Xê-xa.” Bơơi taai kiêng pei lóóm manưih Jo Thaaiq, Phê-tu ââi bóóp Phaau-lô kơi ađô: “Amei ve kiêng, la đơk leq Jê-ru-sa-leem, đóng đơơp xêi xanêi dhiq ađek toom mat aku leq nôôq tarnêêng ađô kah?” Dhơ kơi ađek, Phaau-lô ââi: “Aku dyơq dyương toom đong xanêi ưng Xê-xa, nek dhiq kiêng đươi đóng aku phaai đơơp xêi xanêi. Aku kah têêng hau rau mahaai leq manưih Jo Thaaiq, kơi amei kung n'nal giit bhlơng. Kơi ađek, la aku têêng mahaai lơq ơi têêng haurau chóóm chêt, nek aku kah nhan đóng yươq chêt. Bơơi la kah rau matu lơt lââng ve kalóóng nôôq rau dhơơm piđó kaauq patu aku, nek kah ngaai ve chóóm pajaau aku leq piđó. Aku kaauq xêi tơk leq Xê-xa.” Tatun ađek, xók ơi tapraaq xêi palơq kabhuh xêi xanêi pachóóm bóóp paraaq, Phê-tu ââi bóóp: “Amei ơi kaauq xêi leq Xê-xa. Amei e vôôiq tơk Xê-xa!”
Xók achêk, xong xók lơh bơơr pe tangêi, bhua Ak-riip-ba lơq amooq Bê-rê-niit ơi vôôiq dhaluônh tơk leq Sê-sa-rê, chap yayar Phê-tu. Hayơq dhiq xók nôôq manưih achêk tơơt dhiq ađek bơk tangêi, Phê-tu pakah đóng bhua nôôq rau dhơơm leq Phaau-lô, kơi ađô: “Manưih padruuih tôôh nek manưih tơơt đong kanam bâân Phê-liit lơơi lóóiq, hơq leq manưih ađô, nôôq takóh kadhâng bhanuôih bhơt liêm lơq nôôq takóh bhươl manưih Jo Thaaiq ơi truuih kaauq, xók aku tơơt dhiq Jê-ru-sa-leem, nhan xêi patu makhich palơq ađó ađek. Aku ơi ââi palơq piđó kơi kaxu ưng La Ma nek kah pajaau mak ngaai xók loom ađó bâân takaauq ve chóóm tajaap mat palơq nôôq manưih kaauq, chadrươh ađek bâân đơơp nek xók tư paq paraaq leq rau kaauq patu ađek. Taai kơi ađek, xók ơi tamôôiq xóng ađêi tơk leq ađô, kah têêng m'bưưiq m'bâ pajih pangaang rauriq, nek tangêi rayiiu, bhêêl xók tơơt leq tanơơt xêi xanêi xong, aku kayua đóng ađó ađek bâân đââng tamót, hơq tapâng tơk manưih ađô, xong xók nôôq manưih kaauq bâân đóng yuur dyương, piđó ơi kah pakah paraaq kaauq patu lââng kơi nôôq matu aak hơq aku karnóq. Klóóih leq ađek, piđó ve masôôq tarkaai palơq ađó ađek leq lóóm huuiq ưng ađêi lơq tơk Jê-su achêk ơi chêt hơq Phaau-lô praaq tamưng nek bhiêk dyơq mamông. Kơi ađek nek, taai kah n'nal dhalam rau tarkaai leq nôôq tarnêêng ađô, aku ơi tamóh ađó ađek ve lua kiêng vôôiq tơk leq Jê-ru-sa-leem đóng bâân xêi xanêi dhiq ađek leq nôôq tarnêêng achêk. Bơơi xók Phaau-lô gavơh nhan đóng ađêi bâân kóóp król đương rau praaq xêi ưng bhua, aku ơi praaq kayua đóng ađó ađek bâân jư lêi đóng patơk xók aku ve chóóm đââng ađó ađek leq Xê-xa.” Hayơq Ak-riip-ba móón palơq Phê-tu: “Chênh aku kung kiêng xâng manưih ađô.” Phê-tu ââi lóóiq: “Rayiiu bhua e bâân xâng ađó achêk.”
Kơi ađek, tơk tangêi rayiiu, xók Ak-riip-ba lơq Bê-rê-niit ơi tơk palơq dhale n'tót liêm bhlơng bhi chap lơq bhadyaang mót leq kalóóng đong palơq paluch nôôq takóh linh kadhâng koq, lơq nôôq manưih ting rau tarnêêng ưng kanóón manưih bơk, hayơq xók Phê-tu kayua parâng, nek Phaau-lô bâân đââng tamót. Phê-tu yuur papraaq: “Nhan móón bhua Ak-riip-ba lơq tabhơt nôôq pe ve mat palơq nôôq yi, nôôq pe xók bâân lêi manưih ađô, nek manưih hơq mưi ganơr manưih Jo Thaaiq ơi palơq xóng piđó mââl nhan aku, tabhơt dhiq Jê-ru-sa-leem lơq dhiq ađôk, lalơu nhan buôn óóq đóng ađó ađek mamông dyơq. Bơơi aku bâân n'nal ađó ađek ơi kah têêng hau rau phaai chêt. Dhơ kơi ađek, taai chênh achak manưih ađô ơi kaauq leq bhua, hayơq aku kayua đââng ađó ađek vôôiq, hơq tơk ađó ađek, aku kah ve rau lalua đóng xaraq bha-aar leq bhua. Taai kơi ađek, aku đââng ađó ađek pakah mat toom nôôq pe, lơq ơi tââm nek toom mat bhua, nhan móón bhua Ak-riip-ba, buôn xong xók vaar chamet lêi ađô ơi vaaih, aku ve haurau ađek hơq aku ve chóóm xaraq bha-aar. Taai palơq aku, xók klóóp đââng mưi manưih matu lơt hơq kah chaleq rau nôôq matu lơt jơl lóóiq ađó hơq alua nek lơt bhlơng.”
Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.