Skip to content
BibleKenya

Katu Bible Literal Text

Tarnêêng Nôôq Sưưq-đô 24

Xók achêk, tatun xââng tangêi, takóh kadhâng bhanuôih bhơt liêm A-na-nia, kung palơq nôôq takóh bhươl achêk, lơq manưih chóóm bóóp paraaq Teet-tu-lu tôôh ơi vôôiq dhaluônh, nek nôôq manưih tabhral đóng kaauq patu toom kuôn têêng kala jơl lóóiq Phaau-lô. Hayơq xók ađó ơi bâân dhaloong tơk, Teet-tu-lu tââp tanââp kaauq ađó, xók ââi: “Taai bâân đơơp rau khe liêm gamak tââq Amei, lơq ơi bơk tadhơ vaaih tơk đóng dhanuôr ađô tââq rau lêi changaai chamet bhươh ưng amei,

hayơq nhan móón kuôn Phê-liit bhi chap, Paluch kalóóng dyóp tarnêêng lơq plok dyóp dhiq, nôôq yi pơh đơơp nôôq tarnêêng gamak achêk palơq tabhơt lóóm n'nal ơơn. Bơơi đóng aku yươq têêng panhok amei grơơt bơk lơh, aku nhan amei, palơq rau lóóm jruôn ưng ađêi, xâng nôôq yi pakah praaq gađóq. Lalua, taai bâân lêi dhươm ađô kơi rau parluh, lơq nek dhươm đââng paxuq rau nhôôn nhaauq dhiq dyóp ngaai manưih Jo Thaaiq plok hóng katiêk, n'drươh ađek nek dhươm kadhâng koq kabhuh Na-xa-reet, nek ađó patơk mơ ơi toon têêng nhơơp xrơơm đong bhanuôih, kung nek manưih hơq nôôq yi ơi kóóp jư, lơq nôôq yi kiêng praaq xêi ting gani ưng nôôq yi. Bơơi takóh linh kadhâng koq Li-sia, xong xók tơk ađek, ơi pei jeng ađó tââq têi nôôq yi palơq praan karơ, pagluh praaq kayua leq nôôq manưih kaauq patu ađó phaai vôôiq toom amei, hơq tââq dhiq ađó, amei e ve chóóm chênh ađêi tamóh leq tabhơt nôôq tarnêêng ađô đóng bâân ting n'nal nôôq matu hơq nôôq yi xók kaauq patu ađó.” Kơi ađek hayơq, manưih Jo Thaaiq kung garu ting, đóng n'nal tarnêêng ađek nek kơi ađek.

Phaau-lô kung ơi ââi lóóiq, xong xók kuôn kadhâng xưưq pahêq đóng ađó praaq: “Taai n'nal amei ơi têêng kuôn xêi xanêi đóng dhanuôr ađô kalóóng bơk kamó, hayơq aku bhuui lóóm tư praaq paq leq nôôq tarnêêng tapâng tơk ađêi,

Taai Amei ve chóóm n'nal kơi tââq xók aku vôôiq đơk đóng bhuôih haanh dhiq Jê-ru-sa-leem nek kah lơh majêt bơơr tangêi, lơq piđó kah glêh lum aku tarkaai palơq ngaai kalóóng đong bhanuôih, kung kah yuur têêng rau nhôôn nhaauq dhiq manưih ganơr, ha môôiq kalóóng nôôq đong gươl, môôiq plok paluch kanóón manưih bơk, piđó kung kah ve đuôh pakah lêi rau đóng amei leq nôôq matu hơq piđó nôk xók kaauq patu aku. Bơơi aku praaq lalua palơq amei rau ađô, nek ting kơi Taruuih hơq piđó đóók nek kabhuh, hơq ting ađek aku têêng yaauq Yaang Pleng ưng nôôq abhươp avuôq, patơơt lóóm huuiq leq tabhơt rau dhơơm ting dhiq gani lơq nôôq paraaq bâân xaraq kalóóng nôôq bha-aar manưih đââng taruuih, ve lóóm rââm dhiq Yaang Pleng hơq chênh piđó kung xók đương rââm, xók kanóq nek e ve mamông lóóiq ưng paluch manưih bhơt liêm palơq manưih têêng aak. Taai kơi ađek, chênh aku kung tabhlơng praan đóng ve mưi lóóm kanóq kah dhiq jươm toom mat Yaang Pleng lơq akóón manưih kalóóng dyóp rau. Xók achêk, lơh bơk kamó, aku val chô, ting đââng jêên poor jóói đóng katiêk karuung ađêi, palơq nôôq bhanuôih, hơq tơk bhêêl ađek, piđó talum aku đơơp pasek pase kalóóng đong bhanuôih, kah mađó palơq ganơr manưih, kung kah mađó palơq talum nhôôn nhaauq. Bơơi nôôq manưih Jo Thaaiq tôôh tââq A-si, nek nôôq manưih kơi parpâng phaai tơk pakah mat toom amei hayơq kaauq patu, la piđó ve dhơ dharau tarnêêng makhich palơq aku. Hamôôiq nek chênh nôôq manưih dhiq ađôk phaai praaq pakah n'đó rau lơt môôp hơq piđó ơi bâân lêi dhiq aku xók aku dyương toom Kabhuh Xêi Xanêi ưng manưih Jo Thaaiq; ve alua nek leq mưi paraaq yuur praaq kơi ađô hơq aku ơi lalơu karơ bhêêl dyương dhiq m'pơng piđó, kơi ađô: ‘Aku xók đơơp xêi xanêi toom nôôq pe vaar ađôk tapâng tơk mamông lóóiq ưng manưih chêt.’”

Kơi ađek hayơq Phê-liit, ơi n'nal drêh dróói nôôq rau tarnêêng pâng tơk Taruuih, ơi kajơq praaq xêi dyóp hót, xók praaq: “N'đó bhêêl takóh linh kadhâng koq Li-sia ve chóóm vôôiq dhaluônh leq ađô, aku e xêi tarnêêng nôôq chiên tapâng tơk nôôq pe,” lơq praaq kayua đóng takóh linh têêng koq đương jư Phaau-lô, chadrươh ađek phaai đóng ađó ve bâân rathaai, lơq óóq jơl nôôq manưih parjơơk ưng ađó tơk poor jóói ađó.

Hayơq bơơr pe tangêi lơh ađek, Phê-liit, xók val lóóiq palơq Đơ-ru-si, kađiêl ađêi, nek mưi manưih pađiil Jo Thaaiq, nek ơi kayua dhaloong Phaau-lô tơk lơq xâng ađó praaq pakah tơk lóóm huuiq dhiq Jê-su Chuôq Paq Manưih. Bơơi xók ađó dyơq truuih đuui leq rau bhơt liêm lơq rau garđơq, palơq rau xêi xanêi e tơk, nek Phê-liit, taai vaaih kakhin, ơi ââi lóóiq: “Nôk xók nek róch aq, bơơi xók ve bhêêl hót, aku e đóng yua dhaloong amei tơk.” Palơq xók ađek, kung taai đương rââm kơi e ve m'bưưiq jêên baak bâân Phaau-lô tông đóng leq ađêi, hayơq tââq ađek, kuôn kadhâng xưưq bhiêk praaq chiên palơq ađó xók kayua dhaloong ađó tơk yayóóng. Bơơi xók lơh luch bơơr kamó, Phê-liit ve manưih klóóih tanơơt nek Bôôt-tiiu Phê-tu, chadrươh ađek ơi kiêng pei lóóm dhanuôr Jo Thaaiq, hayơq Phê-liit ơi lơơi Phaau-lô bâân takról.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.