Skip to content
BibleKenya

Katu Bible Literal Text

Tarnêêng Nôôq Sưưq-đô 14

Xók achêk, chiên ơi vaaih dhiq I-kô-ni ađek nek ting mandrươh nhiđó vôôiq mót leq kalóóng đong gươl ưng manưih Jo Thaaiq lơq paraaq pachóóm i kơi ađek patơk mơ bơk bhlơng manưih, luch Jo Thaaiq lơq Hi-laap, ơi huuiq. Bơơi nôôq manưih Jo Thaaiq kah huuiq ơi paxuq lơq têêng lóóm kanóq nôôq manưih katiêk lââng karnóq môôp jơl lóóiq nôôq adhi anó. Taai kơi ađek, nhiđó tơơt lóóiq dhiq ađek mưi ganah đươnh, truuih pachóóm kơi nhóól grâ leq Chuôq, nek Yaang pakah đóng taruuih ưng phươk liêm Ađó palơq tarnêêng đóng nôôq kanal chrih lơq tarnêêng mataai chrih ơi vaaih ting tââq têi nhiđó. Bơơi dhanuôr kalóóng kanóón bâân tablah, lơq masôôq nek ting manưih Jo Thaaiq, dyơq sôôq lââng ting nôôq sưưq-đô. Dhơ kơi ađek, xók mangê janah chanaaq ưng luch nôôq manưih katiêk lââng lơq manưih Jo Thaaiq, palơq kabhuh kadhâng koq ưng piđó, bâân vaaih đóng janah lơq glơm dhơl nhiđó, nek xong xók n'nal rau ađek, nhiđó xooq klôôn leq nôôq kanóón Li-kao-ni, Liit-trơ, Đeet-bơ, lơq kanóón parah ađek, hayơq dhiq ađek, nhiđó bhiêk truuih pachóóm Taruuih Liêm.

Dhiq Liit-trơ, mưi nak khuch ke achêk xók tơơt, palơq bơơr beq dyung rabóót tââq xók dyơq kalóóng luônh amêêq ađêi, hơq ađó ađek kah glêh bhadyaang vôôiq. Ađó ađô xâng Phaau-lô pachóóm, hơq ađó xók lêi li mrang leq ađó hayơq lêi kơi ađó ađô ve lóóm huuiq đóng bâân payươh. Ađó praaq pakarơ dhariêng kơi ađô: “Nek yuur dyương tapat tââq dyung ưng amei”, hayơq ađó yuur chaplóng lơq bhadyaang vôôiq. Lơq n'drươh, xók dhanuôr lêi rau đu Phaau-lô ơi têêng, piđó pei dhariêng, praaq palơq dhariêng Li-kao-ni ưng ađêi, kơi ađô: “Nôôq yaang, pei xơp chak araang akóón manưih, ơi vôôiq dhaluônh palơq nôôq he.” Piđó kung đóók Ba-na-ba nek “yaang Jơơt”, hơq Phaau-lô nek “yaang Heek-mê,” taai ađó nek manưih đương praaq. Maan drươh xók ađek, takóh kadhâng bhanuôih ưng yaang Jơơt, nek đong bhanuôih dhiq laloom kanóón, xong xók đââng karók lơq gavương pô tơk palóng kariing, ađó ađek kiêng tapôông bhanuôih palơq dhanuôr. Bơơi xók xâng kơi ađek, nek nôôq sưưq-đô, chênh nek Ba-na-ba lơq Phaau-lô, xong xók ơi heek aau ađêi, piđó haluông pađâh leq ganơr manưih, lalơu karơ lơq móón: “Nôôq pe ơơi, hau adhi anó têêng nôôq tarnêêng ađô? Nôôq yi kung nek nôôq manưih mađó chak araang kơi adhi anó, xók truuih Taruuih Liêm đóng adhi anó, đóng palâh adhi anó tââq nôôq rau kah malơơi ađô đóng palâh leq Yaang Pleng taluôn mamông, Yaang tavaaih pleng, katiêk lơq taxiiq, palơq dyóp rau kalóóng ađek, nek Yaang hơq kalóóng nôôq klaang đơơi ơi lơh, ơi lơơi đóng tabhơt nôôq dhanuôr bhadyaang vôôiq ting kơi kalơng n'tua ưng ađêi, bơơi dhơ kơi ađek, Ađó ơi kah lơơi đóng thiêuq pan-nal leq chênh Ađó, xók dyơq têêng phươk liêm đóng adhi anó, palơq tarnêêng đóng bó tââq pleng palơq nil xóót leh bóóng pale, têêng lóóm adhi anó kabhôôq dyóp palơq dhanah chana lơq rau bhuui.” Lơq xók ơi praaq nôôq rau ađô, nhiđó chapiên đuôh kajơq dhanuôr yươq tapôông bhanuôih đóng ađêi.

Kơi ađek bơơi, nôôq manưih Jo Thaaiq ơi tơk tââq An-ti-ôôt lơq I-kô-ni, xong xók pei lóóm dhanuôr hayơq glơm dhơl Phaau-lô, piđó gahóór ađó pagluh leq nguôi kanóón, taai ngóq ađó ơi chêt. Dhơ kơi ađek, xók nôôq môôn-đô dyương xirvir ađó, nek xong xók yuur dyương, ađó vôôiq mót leq kalóóng kanóón, hayơq tangêi rayiiu, ađó vôôiq mandrươh palơq Ba-na-ba tơk Đeet-bơ. Maan drươh, xók ơi truuih Taruuih Liêm dhiq kanóón ađek lơq têêng đóng bơk chanak huuiq, nhiđó val chô dhiq Liit-trơ, hayơq tơk I-kô-ni, lơq An-ti-ôôt, bhiêk têêng đóng mưng lóóm nôôq môôn-đô, payuur lóóm piđó yươq tadhơ lóóm kalóóng lóóm huuiq, kơi ađô: “Ơi talum bơk rau hadhaap janah nek rau kiiq tââm đóng nôôq he đóng mót kalóóng katiêk ưng Yaang Pleng.” Xók achêk, xong xók pajaau tarnêêng nôôq takóh bhươl đóng piđó dhiq dyóp Akóón Dhơn Chuôq, xók ơi gavơh nhan palơq tarnêêng điêng cha, bơơr nhiđó pajaau nôôq manưih achêk leq Chuôq, nek Yaang đu piđó ơi patơơt lóóm huuiq ađek. Lơq xong xók chaang gan Bi-si-đi, nhiđó vôôiq tơk leq Baam-phi-li. Xók pachóóm taruuih dhiq Beet-jê xong, nhiđó vôôiq dhuônh tơk At-ta-li. Tââq dham ađek, nhiđó vôôiq bhuông tơk leq An-ti-ôôt, nek dhiq nhiđó ơi bâân pajaau leq phươk liêm ưng Yaang Pleng đóng tarnêêng đu nhiđó ơi paxong. Xók achêk, xók ơi tơk nek dhiq lơq krong nhoom Akóón Dhơn Chuôq lóóiq, nhiđó truuih n'nal n'đơq rau Yaang Pleng ơi têêng palơq nhiđó lơq kơi Ađó ơi lóng palóng lóóm huuiq đóng nôôq dhanuôr katiêk lââng. Tatun ađek, nhiđó tơơt lóóiq palơq nôôq môôn-đô mưi ganah yươq gađóq.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.