Skip to content
BibleKenya

Katu Bible Literal Text

Tarnêêng Nôôq Sưưq-đô 13

Xók achêk, dhiq kalóóng Akóón Dhơn Chuôq dhiq An-ti-ôôt, ve nôôq manưih đââng taruuih lơq thêi pachóóm: Ba-na-ba, Si-mê-ôôn bâân đóók nek Ni-jê, Lu-si-uut manưih Si-reen; Ma-na-heem, adhi patơơt ưng bhua katưưiq Hê-rôôt, lơq Saau-lơ. Bhêêl achêk, xók dyơq piđó bhuôih haanh Chuôq lơq điêng cha, nek Chuôq Yaang Liêm praaq: “Phaai pantua Ba-na-ba lơq Saau-lơ lalei đóng leq Aku, đóng têêng tarnêêng đu Aku ơi dhaloong nhiđó.” Taai ađek, xong xók điêng cha, nhan gavơh lơq lơơi têi dhiq bơơr nhiđó achêk, piđó lơơi đóng vôôiq.

Kơi ađek, xong xók bâân kayua vôôiq taai Chuôq Yaang Liêm, bơơr nhiđó dhuônh tơk Sê-lơ-xi; lơq tââq ađek nhiđó vôôiq bhuông tơk Chiip-rơ. Xók ơi tơk dhiq Sa-la-miin, nhiđó truuih paraaq taruuih ưng Yaang Pleng kalóóng nôôq đong nhoom ưng manưih Jo Thaaiq. Xók achêk, nhiđó kung ve Jang kơi mưi manưih jóói poor. Tatun ađek, xong xók chaang gan bhơt kôông tơk luch Ba-phô, piđó lum mưi chanak achêk, manưih magun magru, manưih đââng taruuih galơơk manưih Jo Thaaiq, achak ađó nek Ba-jê-su, hơq manưih ađô tơơt palơq kuôn jư kanóón Sê-juut Phaau-luut, mưi manưih tabech galang. Xók ơi kayua dhaloong Ba-na-ba lơq Saau-lơ, kuôn chêk tabâân đóng xâng taruuih ưng Yaang Pleng. Bơơi “manưih magun” Ê-li-ma (ơi achak ađó bâân kluôh kơi ađek), tajơl piđó, tabâân kơi paxraang kuôn jư kanóón tââq lóóm huuiq. Dyơq Saau-lơ, kung đóók nek Phaau-lô, bâân bing bhlaai Chuôq Yaang Liêm, xók lêi limrang leq ađó ađek, lơq praaq: “Ni manưih bing bhlaai rau chachââr galơơk lơq dyóp rau đu aak, akóón ưng abhưi, brau ưng dyóp rau bhơt liêm, amei e kah dhêi paxưa kalơng dhalam tapat ưng Chuôq ha? Xók ađôk, nek lêi aq, têi ưng Chuôq jơl palơq amei lơq amei e bâân kabaang, kah chóóm lêi mat tangêi kalóóng mưi ganah.” Kơi ađek nek, n'drươh, đu bhơơm kanam vaaih dhiq ađó, lơq ađó tachiêl viêl chêk manưih kadhâng têi chơơng ađó. Xók ađô, xók ơi bâân lêi tarnêêng tame vaaih, kuôn jư kanóón huuiq, ơi bâân chrih lêi toom paraaq pachóóm ưng Chuôq.

Xók achêk, xong xók dhaluônh tââq bhuông tââq Ba-phô, nôôq manưih ting vôôiq palơq Phaau-lô vôôiq tơk Beet-jê mađó Baam-phi-li. Bơơi ơi róch xooq tââq piđó, Jang val chô leq Jê-ru-sa-leem. Dyơq piđó, xong xók xooq tââq Beet-jê, nek vôôiq tơk An-ti-ôôt mađó Bi-si-đi, lơq xók ơi vôôiq leq đong gươl kalóóng tangêi Sa-baat, piđó tơơt xâng. Tatun tarnêêng pei đok bha-aar gani lơq nôôq manưih đââng taruuih, nôôq manưih kadhâng lêi đong gươl kayua manưih tơk palơq piđó, praaq kơi ađô: “Nhan móón nôôq pe, nôôq manưih adhi anó, la taruuih payuur lóóm đu đóng leq dhanuôr ve dhiq nôôq pe, nek nhan phaai yuur praaq.” Kơi ađek hayơq, xong xók yuur dyương lơq hayuur têi têêng kanal, Phaau-lô praaq: “Nhan móón nôôq pe, nôôq manưih I-sơ-ra-êên lơq ngaai dhơơm bhuôih haanh Yaang Pleng, nhan tameng xâng. Yaang Pleng ưng dhanuôr I-sơ-ra-êên ađô ơi chââih avuôq nôôq he, têêng piđó grâ karơ kalóóng kaxe kamó tơơt at dhiq katiêk Ai Kơp, lơq palơq makóng têi hayuur payaal, Ađó kađââng piđó gluh tââq ađek. Kalóóng mơ kaxe kamó puôn jêt kamó Ađó đơơp jruôn piđó dhiq kruung vơng. Lơq xong xók leng kaxiêt tapól dhanuôr kalóóng xưưq Ka-na-aan, Ađó đóng xưưq ưng piđó leq nôôq he têêng drươp kavaan, kalóóng mơ puôn hariêng xââng jêt kamó. Tatun nôôq tarnêêng ađek, Ađó ơi đóng leq piđó nôôq takóh xêi xanêi đóng tơk đơơi Sa-mu-êên manưih đââng taruuih. Tââq xók ađek leq tatun, dhanuôr gavơh nhan mưi bhua, lơq Yaang Pleng ơi đóng leq piđó Saau-lơ, akóón padruuih ưng Kit, mưi manưih mađó kabhuh Bêên-ja-miin, kalóóng puôn jêt kamó. Lơq xók ơi bhlêh lơơi ađó ađek, Ađó hayuur Đa-viit dyók têêng bhua ưng piđó, hơq xók truuih đuui leq ađó, Chuôq kung praaq: ‘Aku ơi bâân lêi Đa-viit, akóón padruuih Je-sê, mưi manưih ting lóóm Aku, nek manưih e têêng dyóp kanóq kiêng ưng Aku.’ Tââq dhong nooi ưng bhua ađô, ting kơi paraaq hươq, Yaang Pleng ơi đââng tơk leq I-sơ-ra-êên mưi Yaang Paq Manưih, nek Chuôq Jê-su, xók Jang ơi truuih paraaq laloom ađek mưi pheep bap-teem leq rau klôôq lóóm đóng tabhơt dhanuôr I-sơ-ra-êên, laloom đu tabhral ưng Ađó. Xók achêk, xók Jang ơi paxong tarnêêng ađêi, ađó móón: ‘Adhi anó dhơơch aku nek ngaai? Eh rau nek aku ađô. Dhơ kơi ađek, nek lêi, Yaang xók tơk tatun aku, nek Yaang đu aku kah đaang đóng lêh dheep tââq dyung Ađó.’

Nhan móón nôôq pe, nhan móón adhi anó, nek akóón chachau mađó dhong nooi Ap-ra-haam lơq nôôq manưih bhi kakhin Yaang Pleng kalóóng m'pơng adhi anó, taruuih ưng leq đu paq jóói ađô ơi bâân tađóng tơk leq nôôq he. Ơi nôôq manưih mamông dhiq Jê-ru-sa-leem lơq nôôq takóh kadhâng akoq ưng piđó kah lêi n'nal Yaang achêk, hayơq piđó ơi têêng yaap nôôq paraaq ưng nôôq manưih đââng taruuih dyơq bâân đok dyóp tangêi Sa-baat, xók xêi matu Ađó. Dhơ kah bâân lêi mưi rau đu đóng xêi leng, bơơi piđó ơi nhan kayua Phi-laat têêng Ađó bâân leng. Xók achêk, xók piđó ơi têêng paxong dyóp rau bâân xaraq leq Ađó, nek xong xók padhaluônh tââq n'lóóng, piđó tabêch Ađó kalóóng mưi beq ping. Bơơi Yaang Pleng ơi têêng Ađó mamông lóóiq tââq kan chêt, hơq Ađó ơi bâân lêi kalóóng bơk tangêi taai nôôq manưih vôôiq đơk palơq Ađó tââq Ga-li-lê tơk Jê-ru-sa-leem, nôôq manưih achêk xók ađôk nek manưih truuih ưng Ađó toom dhanuôr. Nôôq yi xók truuih đuui Taruuih Liêm đóng adhi anó, nek paraaq hươq ơi tơk palơq avuôq ưng nôôq he, kơi Yaang Pleng ơi paxong dyóp liêm rau achêk đóng nôôq akóón chachau ưng nôôq he, xók têêng Chuôq Jê-su mamông lóóiq. Kung kơi rau ơi bâân xaraq kalóóng Haanh Pleng đu bơơr:

‘Akóón nek Akóón Aku, tangêi ađô Aku ơi n'niên Akóón.’

Kơi lââng, ơi taai Ađó ơi têêng Yaang achêk mamông lóóiq tââq kan chêt, e kah ve val chô palơq rau hư bil dyơq, kơi ađek hayơq Ađó praaq kơi ađô:

‘Aku e đóng leq Akóón nôôq ơơn phươk liêm ưng Đa-viit, chênh nek nôôq phươk liêm lalua.’

Kung taai kơi ađek, Ađó praaq kalóóng mưi Haanh Pleng lââng, kơi ađô:

‘Ađó e kah lơơi đóng Yaang Tabah Ađó lêi rau hư bil.’

Bơơi hơq, palơq Đa-viit kalóóng klaang đơơi ưng ađêi kala, xong xók têêng yaauq kanóq kiêng ưng Yaang Pleng, nek ađó ơi bêch, bâân tơp palơq avuôq ađêi, lơq ơi lêi rau hư bil. Bơơi Yaang đu Yaang Pleng ơi têêng mamông lóóiq nek yươq lêi rau hư bil. Taai kơi ađek, nhan móón nôôq pe, nhan móón adhi anó, rau ađô phaai nek rau n'nal giit palơq adhi anó, kơi ganơơm Yaang achêk, rau talơơi matu lơt bâân truuih đuui đóng adhi anó lơq tââq dyóp rau đu taai piđó, adhi anó ơi kah ve đuôh bâân đóók bhơt liêm ting kơi gani Môôi-se. Kalóóng Yaang achêk, dyóp nak huuiq nek bâân đóók bhơt liêm. Kơi ađek, phaai chagơn lêi, ve nh'jau rau ơi bâân praaq kalóóng nôôq bha-aar đââng taruuih ve chóóm vaaih tơk đóng adhi anó:

‘Nôôq manưih pacheh kađiq tôôh, nek lêi, hayơq kapơn lêi lơq bâân leng kaxiêt vaq!

Ơi Aku xók têêng mưi tarnêêng kalóóng đơơi nôôq pe,

mưi tarnêêng đu nôôq pe lalua kah huuiq, dhơ đóng ve ngaai truuih tanđôôr đóng nôôq pe.’”

Xók achêk, ơi xók bơơr nhiđó yuur vôôiq, dhanuôr nhan panhel đóng bâân pachóóm leq ađêi nôôq paraaq achêk leq tangêi Sa-baat tatun. Bhêêl achêk, xók vaar nhoom hoop ơi xong, bơk manưih Jo Thaaiq lơq nôôq manưih bhơt lóóm ting mót taruuih Jo Thaaiq ơi vôôiq ting Phaau-lô lơq Ba-na-ba, xók bơơr nhiđó praaq chiên palơq piđó, nek pató pachóóm piđó bhiêk mamông kalóóng phươk liêm ưng Yaang Pleng.

Kơi ađek hayơq, leq tangêi Sa-baat tatun, kiêng luch kanóón krong nhoom đóng xâng taruuih ưng Chuôq. Bơơi xók lêi ganơr manưih bơk, nôôq manưih Jo Thaaiq bing lóóm makhinh, lơq tarkaai nôôq rau bâân praaq taai Phaau-lô, palơq praaq tamôôp ađó. Ââi lóóiq kơi grâ, luch Phaau-lô lơq Ba-na-ba ơi praaq kơi ađô: “Rau kiiq tââm nek taruuih ưng Yaang Pleng phaai bâân pachóóm đóng nôôq pe laloom tââm. Ơi n'nal kơi nôôq pe kah đươi taruuih ađô lơq tư lêi ađêi kah đaang palơq parmông taluôn luôn, hayơq nek lêi, nôôq yi ơi bharviih leq nôôq dhanuôr katiêk lââng. Taai Chuôq ơi praaq kayua đóng nôôq yi kơi ađô:

‘Aku ơi patơơt akóón kơi brương đóng leq nôôq dhanuôr katiêk lââng,

đóng akóón mamông leq rau paq jóói yuur tơk leq luch pale katiêk.’”

Xók achêk, xók xâng kơi ađek, nôôq manưih dhanuôr katiêk lââng bhuui marhaal lơq bhi haanh taruuih ưng Chuôq, lơq tabhơt nôôq ngaai ơi bâân chaleq đóng parmông taluôn luôn nek maar huuiq. Kơi ađek hayơq, taruuih ưng Chuôq bâân tanđôôr plok luch xưưq. Bơơi manưih Jo Thaaiq paxuq nôôq pađiil ve lóóm huuiq bâân bhi chap palơq nôôq manưih têêng gamak kalóóng kanóón, hayơq mưi rau janah yuur vaaih tajơl Phaau-lô lơq Ba-na-ba, piđó kóóp bơơr nhiđó gluh tââq katiêk kanóón ưng piđó. Xók achêk, xong xók tapiêh bhiq dhiq dyung đóng jơl lóóiq nhiđó, bơơr nhiđó vôôiq tơk I-kô-ni. Dyơq nôôq môôn-đô bâân bing bhlaai bhuui marhaal lơq Chuôq Yaang Liêm.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.