Skip to content
BibleKenya

Katu Bible Literal Text

2 Jang 1

Takóh bhươl pagơơi leq amooq bâân chââih palơq nôôq akóón ưng amei, nek nôôq manưih đu aku nh'nhơr kalóóng paraaq dhalam — lơq eh rau chapiên mưi aku, bơơi tabhơt nôôq ngaai ơi lêi n'nal paraaq dhalam kung kơi achêk — taai paraaq dhalam biêh tơơt kalóóng nôôq he lơq e tơơt palơq nôôq he patơk nh'chró. Ơơn phươk Liêm, lóóm ayô ka-er, lơq yươq rauha tââq Yaang Pleng, nek Ama lơq tââq Jê-su Chuôq Paq Manưih, Akóón ưng Ama, e tơơt palơq nôôq he, kalóóng paraaq dhalam lơq lóóm tanhơr.

Aku lóng tagah bhuui marhaal ơi taai aku lêi mưi phơn akóón anaaq ưng amei jađaang vôôiq kalóóng paraaq dhalam, dhiêp kơi nôôq he ơi pei đơơp gani pachóóm tư tââq Ama. Nhan móón palơq amooq, xók ađôk aku mââl nhan amei, eh rau pakơi dyơq xaraq đóng amei mưi gani pachóóm tame, bơơi nek rau nôôq he ơi ve tââq tarnââp, kơi nôôq he kơng phaai tanhơr xóng ađêi. Lơq lóóm tarnhơr nek kơi ađô, ađek nek nôôq he kơng phaai jađaang vôôiq ting nôôq gani pachóóm ưng Ađó. Ađô nek gani pachóóm, dhiêp kơi adhi anó ơi xâng tââq tarnââp, ađek nek adhi anó kơng phaai jađaang vôôiq kalóóng lóóm tanhơr. Taai bơk đu galơơk chachââr ơi vaaih bhral kalóóng hóng katiêk; nek nôôq đu kah đơơp huuiq Jê-su Chuôq Paq Manưih bhral kalóóng manưih ti. Ađek nek đu galơơk chachââr lơq đu jaklâk lóóiq Chuôq Paq Manưih. Chênh adhi anó phaai hêch lêi đóng adhi anó yươq têêng tabil nôôq rau đu nôôq he ơi têêng nhưh nhen, klóóih dhiq ađek adhi anó bâân đơơp dyóp phơn chaner. Ngaai đu tagêi kiêng tââi changaai hơq kah bhiêk tơơt kalóóng parchóóm ưng Chuôq Paq Manưih nek kah ve Yaang Pleng. Ngaai bhiêk tơơt kalóóng parchóóm, manưih achêk ve miq Ama lơq Akóón. La ngaai tơk leq adhi anó hơq kah ting đââng parchóóm achêk, nek óóq pơh ađó achêk mót leq đong lơq óóq praaq palơq ađó: “Nhan chap yayar”. Ơi ngaai móón palơq ađó achêk: “Nhan chap yayar”, nek ting têêng leq nôôq tarnêêng aak ưng ađó.

Taai ve bơk rau aku kah kiêng xaraq leq adhi anó, palơq bha-aar lơq mưk. Bơơi aku rââm tơk palơq adhi anó lơq praaq chiên mat talêi mat, đóng lóóm bhuui ưng adhi anó bâân liêm dyóp. Nôôq akóón anaaq manưih adhi anó bâân chââih ưng amei pagơơi paraaq tamóh tham amei.

Katu Bible Literal Text. Copyright © FAR EAST BROADCASTING COMPANY. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.

Full source notice & licence · CC BY-SA 4.0 · SourceEdition imported 2026-11-09.

BibleKenya

Reader settings

Theme
Font
Alignment
Reading width

Saved in this browser and used offline too. Press ? for keyboard shortcuts.