Juray Soura Bible
ପର୍ତମ୍ମୁ 10
ନୋଅନ୍ ଆଡାଙ୍ଗାଡ଼ାଅଞ୍ଜି ଆ କେଜ୍ଜା
(୧ କେଜ୍ଜାଞ୍ଜି ୧:୫-୨୩)
ନୋଅନ୍ ଆ ଡାଙ୍ଗାଡ଼ାଅଞ୍ଜି ୟାଗି ସେମ, ଆମ, ଡ ଜେପତ । ବୁବ୍ଡାନ୍ ଡେଏନ୍ କି କେନ୍ ଆନିଞ୍ଜି କେନ୍ ଅଡ଼୍କୋନ୍ ଆପସିଜଞ୍ଜି କୋଡେଞ୍ଜି ।
ଗୋମର୍, ମାଗୋଗ୍, ମାଦୟ, ଜବନ, ତୁବଲ୍, ମେସକ୍, ଡ ତିରସନ୍, କେନ୍ ଆନିଞ୍ଜି ଜେପତନ୍ ଆଡାଙ୍ଗାଡ଼ାଅଞ୍ଜି । ଅସ୍କିନସ୍, ରିପତ୍ ଡ ତୋଗର୍ମ କେନ୍ ଆନିଞ୍ଜି ଗୋମରନ୍ ଆଡାଙ୍ଗାଡ଼ାଅଞ୍ଜି । ଇଲିସା, ତର୍ସିସ, କିତିମ୍, ଡ ଦୋଦାନିମନ୍, କେନ୍ ଆନିଞ୍ଜି ଜବନନ୍ ଆ ଡାଙ୍ଗାଡ଼ାଅଞ୍ଜି; କେନ୍ ଆନିଞ୍ଜି ସମେଁୟ୍ଣ୍ଡ୍ରାନ୍ ଆତୁୟାୟ୍ ଆରି ମଡ୍ଡି ସମେଁୟ୍ଣ୍ଡ୍ରାନ୍ ଡକୋନ୍ ଆ ଡେସାବାଜି ଡକୋଏଞ୍ଜି । କେନ୍ଆନିଞ୍ଜି ତର୍ଡମ୍ ଆକେଜ୍ଜାଞ୍ଜି ଆନ୍ନା ଆନ୍ନା ଡେସାନ୍ ଜିର୍ରେ ଇୟ୍ଲେ ଡକୋନେଜି, ତିଆସନ୍ ଅଡ଼୍କୋ ମନ୍ରାନ୍ ଆଲଙ୍ଲଙ୍ ତରଙାନ୍ନା ଡକୋଏନ୍ ।
କୁସନ୍, ମିସରନ୍, ପୁଟନ୍ ଡ କିଣାନନ୍ କେନ୍ ଆନିଞ୍ଜି ଆମରନ୍ ଆଡାଙ୍ଗାଡ଼ାଅଞ୍ଜି । ସିବାନ୍, ଅବିଲାନ୍, ସପ୍ତାନନ୍, ରୟମାନନ୍, ଡ ସପ୍ତକାନ୍ କେନ୍ ଆନିଞ୍ଜି କୁସନ୍ ଆଡାଙ୍ଗାଡ଼ାଅଞ୍ଜି । ଆରି ସିବାନ୍, ଡ ଦଦାନନ୍, ରୟମାନନ୍ ଆଡାଙ୍ଗାଡ଼ାଅଞ୍ଜି । କୁସନ୍ ଆଡାଙ୍ଗାଡ଼ାଅନ୍ ନିମ୍ରୋଦ, ଆନିନ୍ ପୁର୍ତିଲୋଙନ୍ ଆପର୍ତମ୍ମୁ ଆ ଅଲ୍ଜୁଜ୍ଜେମର୍1 ଡେଏନ୍ । ଇସ୍ୱରନ୍ ଆନିନ୍ ସରିନ୍ ଆଡ୍ରକୋଏନ୍ ଆସନ୍ ଆନିନ୍ ଅବୟ୍ ମନଙ୍ ବେନ୍ତାମର୍ ଡେଏନ୍, ତିଆସନ୍ ନମିଆନ୍ତାନ୍ ମନ୍ରାଞ୍ଜି ବର୍ତଞ୍ଜି, “ଇସ୍ୱରନ୍ ଆମ୍ବେନ୍ଆଡଙ୍ ନିମ୍ରୋଦନ୍ ଅନ୍ତମ୍ ସୋଡ଼ା ବେନ୍ତାମର୍ ଏମ୍ମେବେନ୍ତୋ !” ଆ ରାଜ୍ୟଲୋଙନ୍ ଆପର୍ତମ୍ମୁ ବାବିଲୋନନ୍ ଡ ଏରକନ୍, ଅକ୍କଦନ୍ ଡ କଲନିନ୍ ଆମାୟ୍ନେ ଡକୋଏନ୍, କେନ୍ ଅଡ଼୍କୋନ୍ ୟାଗିନ୍ ଆଗଡ଼ା ଆନିନ୍ଆତେ ଡକୋଏନ୍ । ତି ଆଡେସା ସିଲଡ୍ ନିମ୍ରୋଦନ୍ ଜିର୍ରେ ନିନିବିନ୍, ରଓବୋତ୍ ପୁରି ଡ କେଲନ୍, ଆରି ନିନିବିନ୍ ଡ କେଲଅନ୍ ଆମଡ୍ଡିଲୋଙ୍ ରେସନ୍ ଡେସାନ୍ ଗବ୍ଡେଲେନ୍ କେନ୍ ଆ ରେସନ୍ ଅବୟ୍ ସୋଡ଼ାଡେସାନ୍ ।
ଆରି ଲିଦିଅନ୍, ଅନାମିଅନ୍, ଲେଆବିଅନ୍, ନପ୍ତୁଇଅନ୍, ପତ୍ରୋସିଅନ୍, କସ୍ଲୁଅନ୍ ଡ କପ୍ତୋରିଅନ୍, କେନ୍ ଆନିଞ୍ଜି ଅଡ଼୍କୋନ୍ ପଲେସ୍ଟିଅନ୍ ଆକେଜ୍ଜା ମର୍ଜି ।
କିଣାନନ୍ ଆସୋଡ଼ା ଡାଙ୍ଗାଡ଼ାଅନ୍ ସିଦୋନନ୍ ଆ ସନଣ୍ଡୋଙନ୍ ଏତ୍ । ଜିବୁସିଅନ୍, ଇମୋରିଅନ୍ ଡ ଗିର୍ଗାସିଅନ୍, ଇତିଅନ୍, ଅର୍କିଅନ୍ ଡ ସନିଅନ୍, ଅର୍ବଦିଅନ୍, ସମାରିଅନ୍, ଅମାତିଅନ୍ । କେନ୍ ଆନିଞ୍ଜି କିଣାନିଅଞ୍ଜି ଆ କେଜ୍ଜା ଗୋଗୋୟ୍ଲେ ପାଙେନ୍, ସିଦୋନ୍ ଆର୍ଜଡ଼ୋମ୍ଗଡ୍ ସିଲଡ୍ ଗରାର୍ ଆତୁୟାୟ୍ ଗସାନ୍, ଡ ଡରୁଙ୍ୟୋଙ୍ଗଡ୍ ସଦୋମନ୍, ଗମୋରାନ୍, ଆଦ୍ମାନ୍, ଡ ସବୋୟିମନ୍ ଆତୁୟାୟ୍ ଲେସାନ୍ ଜାୟ୍ କିଣାନଞ୍ଜି ଆ ଡରକୋନେନ୍ ଆ ସଣ୍ଡି ଡକୋଏନ୍ । କେନ୍ ଆନିଞ୍ଜି ଆମନନ୍ ଆ କେଜ୍ଜାଜି ଡକୋଏନ୍ ବନ୍ଡ ଆନିଞ୍ଜି ରମ୍ମଙ୍ ରମ୍ମଙ୍ ଆକେଜ୍ଜା ଡ ଲଙ୍ଲଙନ୍ ଗିୟ୍ଲେ ରମ୍ମଙ୍ ରମ୍ମଙ୍ ଆଡ୍ରକୋନେଲୋଙ୍ ଡ ଡେସାରେଙନ୍ ଡକୋଲଞ୍ଜି ।
ଜେପତନ୍, ଆସୋଡ଼ା ବୋଞାଙ୍ ସେମନ୍, ଆଅଞ୍ଜି ନିୟ୍ ଡକୋଏନ୍, ଆନିନ୍ ଏବରନ୍ ଆଅଞ୍ଜି ଆଜୋଜୋ ଡେଏନ୍ । ଏଲମନ୍, ଅସୁରନ୍, ଅର୍ପକସଦନ୍, ଲୁଦନ୍, ଆରି ଅରାମନ୍ କେନ୍ ଅଡ଼୍କୋନ୍ ସେମନ୍ ଆ ଡାଙ୍ଗାଡ଼ାଅଞ୍ଜି । ଉସନ୍, ଉଲାନ୍, ଗେତରନ୍ ଡ ମସ୍ ଅରାମନ୍ ଆ ଅନ୍ଜି । ଆରି ଅର୍ପକସଦନ୍ ଆ ଡାଙ୍ଗାଡ଼ାଅନ୍ ସେଲଅନ୍ ଆରି ସେଲଅନ୍ ଆ ଡାଙ୍ଗାଡ଼ାଅନ୍ ଏବରନ୍ । ଏବରନ୍ ଆ ଡାଙ୍ଗାଡ଼ାଅଞ୍ଜି ବାଗୁ, ଅବୟ୍ନେ ଆଞୁମ୍ ପେଲଗ୍ ଆନ୍ନାନେନ୍2, ଇନିଆସନ୍ଗାମେଣ୍ଡେନ୍ ତି ଆବନେଡ଼ା ପୁର୍ତିନ୍ ଆନ୍ନାଲନ୍; ଆରି ଆବୋଞାଙନ୍ ଆଞୁମ୍ ଜକ୍ତନ୍ । ଆରି ଜକ୍ତନ୍ ଆ ଡାଙ୍ଗାଡ଼ାଅନ୍ ଆଲ୍ମୋଦଦ୍, ସେପଲନ୍, ଅତ୍ସର୍ମାବତନ୍ ଡ ଜେରଅନ୍, ଅଦୋରାମ୍, ଉସଲ୍, ଦିକ୍ଲାନ୍, ଓବଲନ୍, ଅବିମାୟେଲ୍, ସିବାନ୍, ଓପିରନ୍, ଅବିଲାନ୍, ଡ ଜୋବବ୍, କେନ୍ ଅଡ଼୍କୋନ୍ ଜକ୍ତନନ୍ ଆ ଡାଙ୍ଗାଡ଼ାଅଞ୍ଜି । କେନ୍ ଆଡ୍ରକୋନେଞ୍ଜି ଅଡ଼୍କୋନ୍ ଡରୁଙ୍ୟୋଙ୍ଗଡ୍ ମେସାନ୍ ଆବରୁ ସିଲଡ୍ ସପାର ଡେସାନ୍ ଜାୟ୍ ଆସଣ୍ଡିଞ୍ଜି ଡକୋଏନ୍ । କେନ୍ ଆନିଞ୍ଜି ଅଡ଼୍କୋନ୍ ସେମନ୍ ଆଅଞ୍ଜି କେନ୍ ଆନିଞ୍ଜି ରମ୍ମଙ୍ ରମ୍ମଙ୍ ଆ ଡେସା ଆ ଲଙ୍ଲଙ୍, ଆ କେଜ୍ଜାଞ୍ଜି ଗିୟ୍ଲେ ଡକୋଲଞ୍ଜି । କେନ୍ ଆ ମନ୍ରାଜି ଅଡ଼୍କୋନ୍ ନୋଅନ୍ ଆକେଜ୍ଜାଜି, ରମ୍ମଙ୍ ରମ୍ମଙ୍ ଆ ଆକେଜ୍ଜାଞ୍ଜି ଅନ୍ତମ୍ ଆନ୍ନାଲଞ୍ଜି । ଆରି ବୁବ୍ଡାନ୍ ଆଡ୍ରେନ୍ ଆତିକି ନୋଅନ୍ ଆଅଞ୍ଜି ସିଲଡ୍ ପୁର୍ତିଲୋଙନ୍ ଅଡ଼୍କୋ ଜାତିନ୍ ଡୁଙ୍ଲନାଜି ।
Source notes (2)
- Footnote ବୋର୍ସାମର୍ ଡକୋଏନ୍
- Footnote ପାଲ୍ଲାଙ୍ନେନ୍
Juray Soura Bible. Copyright © The Word for the World International. Licensed under CC BY-SA 4.0. Source: Open.Bible. Typeset from the source files; no intended changes to scripture wording. BibleKenya is not endorsed by the rights holder.
Full source notice & licence · CC BY-SA 4.0 · SourceEdition imported 2026-11-09.