गिनती 7

वेदी इन अभिषेक अदिक प्रधानगोळ्द भेंट

1बाक याग मूसा निवास इक निदरूसदुन अदिक सप्पा सामान समेत अदुर्द अभिषेक माळकु अदरी पवित्र माळदुन अदिक सप्पा सामान समेत वेदी इन भी अभिषेक माळकु अदरी पवित्र माळदुन, 2आग इस्राएल इन प्रधान जो तान तान पितरगोळ्द घराना अन मुख्य मंळसा, अदिक कुलगोळ्द भी प्रधान आगकु गिनती ताकोमोद क्याल्सा मा नियुक्त ईरोर, 3आंदुर यहोवा अन मुंद भेंट तंदुर, अदिक आंदुर भेंट आर छतवाळा गाळीगोळ अदिक हन्नेळ वस्तागोळ ईरव, मतलब येढ्ढ येढ्ढ प्रधान दी टु ऊंद ऊंद गाळी, अदिक ऊंद ऊंद प्रधान दी टु ऊंद ऊंद वस्ता; ईवरी आंदुर निवास इन मुंद यहोवा अन हात्ती तंदुर. 4आग यहोवा मूसा से अंदुन, 5“आ वस्तुगोळी नी आंदुर से ताकोम कोम कि मिलाप इन तम्बु उन स्यावा दा क्याल्सा बरूल, इदुरसाटी नी आंदरी लेवीगोळ्द ऊंद ऊंद कुल इन विशेष स्यावा इन अनुसार आंदरी वाट्स बुळ.” 6इदुरसाटी मूसा अव सप्पा गाळीगोळ अदिक वस्ता हुडुकु लेवीगोळी कोट बुट्टुन. 7गेर्शोनिगोळी आंदुर स्यावा अन अनुसार आव येढ्ढ गाळीगोळ अदिक नाक वस्तागोळ कोट्टुन; 8अदिक मरारीगोळी आंदुर स्यावा अन क्याल्सा अन अनुसार आव नाक गाळीगोळ अदिक येठ्ठ वस्ता कोट्टुन; ई सप्पा हारून याजक उन पार ईतामार उन अधिकार दा माळकु आत. 9लेकीन कहातिगोळी आव येनु कोटीदील, यतिकी आंदुर साटी पवित्र वस्तुगोळ्द ईद स्यावा अन क्याल्सा ईरोद कि आंदुर आऊक तान बाक्का मा नेगु कोमुल.

10बाक याग वेदी इन अभिषेक आत आग प्रधान अदुर समर्पण इन भेंट वेदी इन हात्ती ओयली हतदुर. 11इदुरसाटी कि यहोवा मूसा से अंदिदुन, “वेदी इन समर्पण इन साटी प्रधान लॉकुर तान तान भेंट तान तान नियत दिन मा येर्सुल.”

12इदुरसाटी जो मंळसा पयला दिशी तान भेंट ओतुन आव यहूदा कुलवाळेर अम्मीनादाब उन पार नहशोन ईरोन; 13आऊन भेंट ईद ईरोद, मतलब पवित्रस्थान इन शेकेल इन हीसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा हचकु मैदा देल तुमकु ईरव; 14बाक लुबान देल तुम्द हत्त शेकेल व्हान्ना अन ऊंद धूपदान; 15होमबली इन साटी ऊंद पाड्डा, ऊंद म्यांडा, अदिक ऊंद साल इन ऊंद माधा भेड़ इन पाड्डा; 16पापबलि इन साटी ऊंद व्हात 17अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. अम्मीनादाब उन पार नहशोन उन ईदा भेंट ईरोद.

18दुसरा दिशी इस्साकार उन प्रधान सूआर उन पार नतनेल भेंट तंदुन; 19अद ईद ईरोद, मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुळ्क्द मैदा देल तुमकु ईरव; 20बाक लुबान देल तुम्द हत्त शेकेल व्हान्ना अन ऊंद धूपदान; 21होमबली इन साटी ऊंद पाड्डा ऊंद म्यांडा, अदिक ऊंद साल इन ऊंद भेड़ इन पाड्डा; 22पापबलि इन साटी ऊंद व्हात; 23अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डागोळ. सूआर उन पार नतनेल उन ईदा भेंट ईरोद.

24तीसरा दिशी जबूलूनिगोळ्द प्रधान हेलोन उन पार एलीआब ईद भेंट तंदुन, 25मतलब पवित्रस्थान इन शेकेल इन हीसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद वाटी, ई येढ्ढु अन्नभेट इन साटी याण्णा देल मुळ्क्द मैदा देल तुमकु ईरव; 26बाक लुबान देल तुम्द हत्त शेकेल व्हान्ना अन ऊंद धूपदान; 27होमबली इन साटी ऊंद पाड्डा, ऊंद म्यांडा, अदिक ऊंद साल इन ऊंद माधा भेड़ अन पाड्डा; 28पापबलि इन साटी ऊंद व्हात; 29अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद माधा भेड़ अन पाड्डागोळ. हेलोन उन पार एलीआब उन ईदा भेंट ईरोद.

30चौथा दिशी रूबेनिगोळ्द प्रधान शदेऊर उन पार एलीसूर ईद भेंट तंदुन, 31मतलब पवित्रस्थान इन शेकेल इन हीसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुळ्क्द मैदा देल तुमकु ईरव; 32बाक लुबान देल तुम्द हत्त शेकेल व्हान्ना अन ऊंद धूपदान; 33होमबली इन साटी ऊंद पाड्डा, ऊंद म्यांडा, अदिक ऊंद साल इन ऊंद माधा भेड़ अन पाड्डा; 34पापबलि इन साटी ऊंद व्हात; 35अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद मादा भेड़ अन पाड्डागोळ. शदेऊर उन पार एलीसूर उन ईदा भेंट ईरोद.

36पाचवा दिशी शिमोनिगोळ्द प्रधान सूरीशद्दे अन पार शलूमीएल ईद भेंट तंदुन, 37मतलब पवित्रस्थान इन शेकेल इन हीसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुळ्क्द वळ्लीद हीट्ट देल तुमकु ईरव; 38बाक लुबान देल तुम्द हत्त शेकेल व्हान्ना अन ऊंद धूपदान; 39होमबली इन साटी ऊंद गोरा, ऊंद म्यांडा, अदिक ऊंद साल इन ऊंद मादा भेड़ अन पाड्डा; 40पापबलि इन साटी ऊंद व्हात 41अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डागोळ. सूरीशद्दे अन पार शलूमीएल उन ईदा भेंट ईरोद.

42छठवा दिशी गादीगोळ्द प्रधान दूएल उन पार एल्यासाप ईद भेंट तंदुन, 43मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुळ्क्द मैदा देल तुमकु ईरव; 44बाक लुबान देल तुम्द हत्त शेकेल व्हान्ना अन ऊंद धूपदान; 45होमबली इन साटी ऊंद गोरा, ऊंद म्यांडा, अदिक ऊंद साल इन ऊंद भेड़ अन पाड्डा; 46पापबलि इन साटी ऊंद व्हात; 47अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ अन पाड्डागोळ. दूएल उन पार एल्यासाप उन ईदा भेंट ईरोद.

48सातवा दिशी एप्रैमिगोळ्द प्रधान अम्मीहूद उन पार एलीशामा ईद भेंट तंदुन, 49मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुळ्क्द मैदा देल तुमकु ईरव; 50बाक लुबान देल तुम्द हत्त शेकेल व्हान्ना अन ऊंद धूपदान; 51होमबली इन साटी ऊंद गोरा, ऊंद म्यांडा, अदिक ऊंद साल इन ऊंद भेड़ इन पाड्डा; 52पापबलि इन साटी ऊंद व्हात; 53अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डागोळ. अम्मीहूद उन पार एलीशामा अन ईदा भेंट ईरोद.

54आठवा दिशी मनश्शेइगोळ्द प्रधान पदासूर उन पार गम्लीएल ईद भेंट तंदुन, 55मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुच्द मैदा देल तुमकु ईरव; 56बाक लुबान देल तुम्द हत्त शेकेल व्हान्ना अन ऊंद धूपदान; 57होमबली इन साटी ऊंद पाड्डा, अदिक ऊंद म्यांडा, अदिक ऊंद साल इन ऊंद भेड़ इन पाड्डा; 58पापबलि इन साटी ऊंद व्हात; 59अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. पदासूर उन पार गम्लीएल उन ईदा भेंट ईरोद.

60ऊम्बतवा दिशी बिन्यामीनिगोळ्द प्रधान गिदोनी इन पार अबीदान ईद भेंट तंदुन, 61मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुच्द मैदा देल तुमकु ईरव; 62बाक लुबान देल तुम्द हत्त शेकेल व्हान्ना अन ऊंद धूपदान; 63होमबली इन साटी ऊंद गोरा, अदिक ऊंद म्यांडा, अदिक ऊंद साल इन ऊंद भेड़ इन पाड्डा; 64पापबलि इन साटी ऊंद व्हात; 65अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. गिदोनी इन पार अबीदान उन ईदा भेंट ईरोद.

66दसवा दिशी दानीगोळ्द प्रधान अम्मीशद्दे अन पार अहीएजेर ईद भेंट तंदुन, 67मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुच्द मैदा देल तुमकु ईरव; 68बाक लुबान देल तुम्द हत्त शेकेल व्हान्ना अन ऊंद धूपदान; 69होमबली इन साटी ऊंद गोरा, अदिक ऊंद म्यांडा, अदिक ऊंद साल इन ऊंद भेड़ इन पाड्डा; 70पापबलि इन साटी ऊंद व्हात; 71अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. अम्मीशद्दे अन पार अहीएजेर उन ईदा भेंट ईरोद.

72ग्यारवा दिशी आशेरीगोळ्द प्रधान ओक्रान उन पार पगीएल ईद भेंट तंदुन, 73मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नभेट इन साटी याण्णा देल मुच्द मैदा देल तुमकु ईरव; 74बाक लुबान देल तुम्द हत्त शेकेल व्हान्ना अन ऊंद धूपदान; 75होमबली इन साटी ऊंद गोरा, अदिक ऊंद म्यांडा, अदिक ऊंद साल इन ऊंद भेड़ इन पाड्डा; 76पापबलि इन साटी ऊंद व्हात; 77अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. ओक्रान उन पार पगीएल उन ईदा भेंट ईरोद.

78बारवा दिशी नप्तालिगोळ्द प्रधान एनान उन पार अहीरा ईद भेंट हुळकु बंदुन, 79मतलब पवित्रस्थान इन शेकेल इन हिसाब देल ऊंद सव तीस शेकेल बेळ्ली इन ऊंद परात, अदिक सत्तर शेकेल बेळ्ली इन ऊंद कटोरा, ई येढ्ढु अन्नबली इन साटी याण्णा देल मुच्द मैदा देल तुमकु ईरव; 80बाक लुबान देल तुम्द हत्त शेकेल व्हान्ना अन ऊंद धूपदान; 81होमबली इन साटी ऊंद गोरा, अदिक ऊंद म्यांडा, अदिक ऊंद साल इन ऊंद भेड़ इन पाड्डा; 82पापबलि इन साटी ऊंद व्हात; 83अदिक मेलबलि इन साटी येढ्ढ वस्ता, अदिक अईद म्यांडा, अदिक अईद व्हातगोळ, अदिक ऊंद ऊंद साल इन अईद भेड़ इन पाड्डगोळ. एनान उन पार अहीरा अन ईदा भेंट ईरोद.

84वेदी इन अभिषेक इन होती इस्राएल इन प्रधानगोळ्द दी टु अदुर्द समर्पण इन भेंट ईदा आत, मतलब बेळ्ली इन हन्नेळ परात, बेळ्ली इन हन्नेळ कटोरागोळ, अदिक व्हान्ना नव हन्नेळ धूपदान. 85ऊंद ऊंद बेळ्ली इन परात ऊंद सव तीस‍ शेकेल इन, अदिक ऊंद ऊंद बेळ्ली इन वाटी सत्तर शेकेल इन ईरव; अदिक पवित्रस्थान इन शेकेल इन हिसाब देल ई सप्पा बेळ्ली इन बरतन येढ्ढ हजार नाक सव शेकेल इन ईरव. 86बाक लुबान देल तुम्द व्हान्ना नव हन्नेळ धूपदान जो पवित्रस्थान इन शेकेल इन हिसाब देल हत्त हत्त शेकेल इन ईरव, अव सप्पा धूपदान ऊंद सव ईप्पत शेकेल व्हान्ना नव ईरव. 87बाक होमबलि इन साटी सप्पा मिलुस्कु हन्नेळ गोरागोळ, हन्नेळ म्यांडागोळ, अदिक ऊंद ऊंद साल इन हन्नेळ भेड़ इन पाड्डगोळ, तान तान अन्नभेट समेत ईरव; बाक पापबलि इन सप्पा व्हातगोळ हन्नेळ ईरव; 88अदिक मेलबलि इन साटी सप्पा मिलुस्कु चौवीस वस्ता, अदिक साठ म्यांडा, अदिक साठ व्हातगोळ, अदिक ऊंद ऊंद साल इन साठ भेड़ इन पाड्डगोळ ईरव. वेदी इन अभिषेक आगदुर बाद्दा अदुर्द समर्पण इन भेंट ईदा आत. 89अदिक याग मूसा यहोवा से मातगोळ हेळली मिलाप इन तम्बु दा होदुन, आग आव प्रायश्चित इन झाकनी मा टु, जो गवाही इन चिट्टी इन सन्दुक इन म्याकुच ईरोद, येढ्ढु करूबगोळ्द बीच दा टु आऊन आवाज केळदुन जो आऊन से मातगोळ हेळतोगोन; अदिक यहोवा आऊन से मात हेळदुन.