गिनती 26

इस्राएलिगोळ्द दुसरा जनगणना

1बाक यहोवा महामारी इन बाद्दा मूसा अदिक याजक हारून उन पार एलीआजर से अंदुन, 2“इस्राएलिगोळ्द पुरा मंडली दा यास मुंदुर ईप्पत साल इनोर, या अदुर से यक्‍कुल ऊमर ईनोर आगदुर देल इस्राएलिगोळ्द न्याड्या युद्ध माळा लायक आर, आंदुर पितरगोळ्द घराना अन्द अनुसार आ सप्पा मुंदुर्द गिनती माळी.” 3अत: मूसा अदिक एलीआजर याजक यरीहो अन्द हात्ती यरदन गांगा अन्द किनारा मा मोआब इन अराबा दा आंदरी समझुसकु अंदुर, 4“ईप्पत वर्ष इनोर अदिक अऊर से यक्‍कुल साल इनोर लॉकुर्द गिनती माळी, ह्यांग कि यहोवा मूसा अदिक इस्राएलीगोळी मिस्र द्याश टु तेगुकु तरोर समय आग्या कोटीदुन.” 5रूबेन जो इस्राएल इन धोळ पार ईरोन; आऊन ई पारगोळ ईरोर; मतलब हनोक, यार देल हनोकिगोळ्द कुल नळुत; अदिक पल्लू, यार देल पल्लूइगोळ्द कुल नळुत; 6हेस्रोन, यार देल हेस्रोनिगोळ्द कुल नळुत; अदिक कर्मी, यार देल कर्मीगोळ्द कुल नळुत. 7रूबेनवाळेर कुल ईंदुर अच ईरोर; त्रालीस हजार येळ सव तीस गंळ्सुर ईरोर. 8अदिक पल्लू उन पार एलीआब ईरोन. 9अदिक एलीआब उन पार नमूएल, दातान, अदिक अबीराम ईरोर. ईव आवा दातान अदिक अबीराम हुन जो सभासद ईरोर; अदिक या समय कोरह अन्द मंडली यहोवा से झगळा माळीदुर, आ समय आ मंडली दा मिलुसकु आंदुर भी मूसा अदिक हारून से झगळा माळीदुर; 10अदिक याग आ ढाई सव मंळसागोळी बेक्‍की दा भस्म आगदुर देल अद मंडली मिटुसेत, अदा समय धरती बाय तेरूकु कोरह समेत आंदरी भी नुंग बुळ्त; अदिक आंदुर ऊंद चेतावनी ठहरूसदुर. 11लेकीन कोरह अन्द पारगोळ ईला सोतीदुर. 12शिमोन उन पार यार देल आंदुर कुल होट्टव आंदुर ईंदुर ईरोर; मतलब नमूएल, यार से नमूएलिगोळ्द कुल नळुत; अदिक यामीन, यार देल यामिनिगोळ्द कुल नळुत; अदिक याकीन, यार देल याकीनीगोळ्द कुल नळुत; 13अदिक जेरह, यार देल जेरहिगोळ्द कुल नळुत; अदिक शाऊल, यार देल शाऊलिगोळ्द कुल नळुत. 14शिमोन वाळेर कुल ईंदुरा ईरोर; ईंदुर दा टु बावीस हजार येढ्ढ सव गंळ्सुर आळ्दकु आदुर. 15गाद उन पारगोळ यार देल आंदुर कुल होट्टव अव ईव ईरव; मतलब सपोन, यार देल सपोनिगोळ्द कुल नळुत; अदिक हाग्गी, यार देल हाग्गिगोळ्द कुल नळुत; अदिक शूनी, यार देल शूनिगोळ्द कुल नळुत; अदिक ओजनी, यार देल ओजनिगोळ्द कुल नळुत; 16ओजनी अदिक एरी, यार देल एरिगोळ्द कुल नळुत; अदिक अरोद, यार देल अरोदिगोळ्द कुल नळुत; 17अदिक अरेली, यार देल अरेलिगोळ्द कुल नळुत. 18गाद इन वंश इन कुल ईंदुरा ईरोर; ईंदुर दा टु चालीस हजार अईद सव गंळ्सुर आळ्दकु आदुर. 19यहूदा नोर एर अदिक ओनान हेसुर ईनोर पारगोळ रा आदुर, लेकीन आंदुर कनान द्याश दा सोतोदुर. 20अदिक यहूदा अन्द याता पारगोळ देल आंदुर कुल होट्टव अव ईव ईरव; मतलब शेला, यार देल शेलिगोळ्द कुल नळुत; अदिक पेरेस, यार देल पेरेसिगोळ्द कुल नळुत; अदिक जेरह, यार देल जेरहिगोळ्द कुल नळुत. 21अदिक पेरेस उन पारगोळ ईंदुर ईरोर; मतलब हेस्रोन, यार देल हेस्रोनिगोळ्द कुल नळुत; अदिक हामूल, यार देल हामूलिगोळ्द कुल नळुत. 22यहूदीगोळ्द कुल ईंदुरा ईरोर; ईंदुर दा टु छ्यात्तर हजार अईद सव गंळ्सुर आळ्दकु आदुर. 23इस्साकार उन पारगोळ यार देल आंदुर कुल होट्टव आंदुर ईंदुर ईरोर; मतलब तोला, यार देल तोलिगोळ्द कुल नळुत; अदिक पुव्वा, यार देल पुव्विगोळ्द कुल नळुत; 24अदिक याशूब, यार देल याशूबिगोळ्द कुल नळुत; अदिक शिम्रोन, यार देल शिम्रोनिगोळ्द कुल नळुत. 25इस्साकारिगोळ्द कुल ईंदुरा ईरोर; ईंदुर दा टु चौंसठ हजार मुर सव गंळ्सुर आळ्दकु आदुर. 26जबूलून उन पारगोळ यार देल आंदुर कुल होट्टव आंदुर ईंदुर ईरोर; मतलब सेरेद, यार देल सेरेदिगोळ्द कुल नळुत; अदिक एलोन यार देल एलोनिगोळ्द कुल नळुत; अदिक यहलेल, यार देल यहलेलगोळ्द कुल नळुत. 27जबूलूनिगोळ्द कुल ईंदुरा ईरोर; ईंदुर दा टु साठ हजार अईद सव गंळ्सुर आळ्दकु आदुर. 28यूसुफ उन पारगोळ यार देल आंदुर कुल होट्टव आंदुर मनश्शे अदिक एप्रैम ईरोर. 29मनश्शे अन पारगोळ ईंदुर ईरोर; मतलब माकीर, यार देल माकिरिगोळ्द कुल नळुत; अदिक माकीर देल गिलाद पैदा आदुन; गिलाद देल गिलादिगोळ्द कुल नळुत. 30गिलाद उन पारगोळ ईंदुर ईरोर; मतलब ईएजेर, यार देल ईएजेरिगोळ्द कुल नळुत; अदिक हेलेक, 31यार देल हेलेकिगोळ्द कुल नळुत अदिक अस्रीएल, यार देल अस्रीएलिगोळ्द कुल नळुत; अदिक शेकेम, यार देल शेकेमिगोळ्द कुल नळुत; अदिक शमीदा, यार देल शमीदिगोळ्द कुल नळुत; 32शमीदा अदिक हेपेर, यार देल हपेरिगोळ्द कुल नळुत. 33अदिक हेपेर उन पार सलोफाद उन पारगोळ ईला, सिर्फ पोरगोळ आदुर; ई पोरगोळ हेसुर महला, नोआ, होग्ला, मिल्का, अदिक तिर्सा आव. 34मनश्शेवाळेर कुल रा ईवा ईरव; अदिक ईंदुर दा टु जो आळ्दकु आदुर आंदुर बावन हजार येळ सव गंळ्सुर ईरोर. 35एप्रैम उन पारगोळ यार देल आंदुर कुल होट्टव आंदुर ईंदुर ईरोर; मतलब शूतेलह, यार देल शूतेलहिगोळ्द कुल नळुत; अदिक बेकेर, यार देल बेकेरिगोळ्द कुल नळुत; अदिक तहन, यार देल तहनिगोळ्द कुल नळुत. 36अदिक शूतेलह अन्द ईव पार आदुन; मतलब एरान, यार देल एरानिगोळ्द कुल नळुत. 37एप्रैमिगोळव कुल ईवा ईरव; ईंदुर दा टु बत्‍तीस हजार अईद सव गंळ्सुर आळ्दकु आदुर. तान कुलगोळ अनुसार यूसुफ उन वंश इन लॉकुर ईंदुरा ईरोर. 38बिन्यामीन इन पारगोळ यार देल आंदुर कुल होट्टव आंदुर ईंदुर ईरोर; मतलब बेला यार देल बेलिगोळ्द कुल नळुत; अदिक अशबेल, यार देल अशबेलिगोळ्द कुल नळुत; अदिक अहीराम, यार देल अहीरामिगोळ्द कुल नळुत; 39अदिक शपूपाम, यार देल शपूपामिगोळ्द कुल नळुत; अदिक हूपाम, यार देल हूपामिगोळ्द कुल नळुत. 40अदिक बेला अन्द पार अर्द अदिक नामान ईरोर; अर्द टु अर्दिगोळ्द कुल नळुत, अदिक नामान टु नामानिगोळ्द कुल नळुत. 41तान कुलगोळ अनुसार बिन्यामीनी ईंदुरा ईरोर; अदिक ईंदुर दा टु जो आळ्दकु आदुर आंदुर पैतालीस हजार आर सव गंळ्सुर ईरोर. 42दान उन पार यार देल आंदुर्द कुल होळ्त ईद ईरोद; मतलब शूहाम, यार देल शूहामिगोळ्द कुल नळुत. अदिक दान इन कुल ईदा ईरोद. 43अदिक शूहामिगोळ दा टु जो आळ्दकु आदुर आंदुर कुल दा चौंसठ हजार नाक सव गंळ्सुर ईरोर. 44आशेर उन पारगोळ यार देल आंदुर कुल होट्टव आंदुर ईंदुर ईरोर; मतलब यिम्ना, यार देल यामिनिगोळ्द कुल नळुत; यिश्री, यार देल यिश्रिगोळ्द कुल नळुत; अदिक बरीआ, यार देल बरिईगोळ्द कुल नळुत; 45बाक बरीआ अन्द ई पारगोळ आदुर; मतलब हेबेर, यार देल हेबेरिगोळ्द कुल नळुत; अदिक मल्कीएल, यार देल मल्कीएलगोळ्द कुल नळुत. 46अदिक आशेर उन पोर इन हेसुर सेरह आद. 47आशेरीगोळव कुल ईवा ईरव; ईंदुर दा टु तिरेपन हजार नाक सव गंळ्सुर आळ्दकु आदुर. 48नप्ताली इन पारगोळ यार देल आंदुर कुल होट्टव आंदुर ईंदुर ईरोर; मतलब यहसेल, यार देल यहसेलिगोळ्द कुल नळुत; अदिक गूनी, यार देल गूनिगोळ्द कुल नळुत : 49येसेर, यार देल येसेरिगोळ्द कुल नळुत; अदिक शिल्लेम, यार देल शिल्लेमिगोळ्द कुल नळुत. 50तान कुलगोळ अनुसार नप्ताली इन कुल ईंदुरा ईरोर; अदिक ईंदुर दा टु आळ्दकु गंळ्सुर पैतालीस हजार नाक सव ईरोर. 51सप्पा इस्राएलिगोळ दा टु जो आळ्दकु आगीदुर आंदुर ईंदुरा ईरोर; मतलब आर लाख ऊंद हजार येळ सव तीस गंळ्सुर ईरोर. 52बाक यहोवा मूसा से अंदुन, 53“ईंदरी, ईंदुर गिनती इन अनुसार, अद जागा ईंदुर्द भाग आगोर साटी वाट्सकु आगुल. 54मतलब याता कुल दा यक्‍कुल ईरूल आंदरी यक्‍कुल भाग, अदिक यारदा गोर्त ईरूल आंदरी गोर्त भाग कोळेतीर; हर ऊंद कुल अक अदुर्द भाग अऊर आळ्द लॉकुर अनुसार कोटकु आगुल. 55तरी भी द्याश चिट्टी हाक्कु वाट्सकु आगुल; इस्राएलिगोळ्द पितरगोळ्द ऊंद ऊंद कुल अन्द हेसुर, ह्यांग ह्यांग होळुल हांग हांग आंदुर तान तान भाग ताकोमुल. 56चाहे हापाळ मुंदुर्द भाग ईरूल चाहे थ्वाळासा मुंदुर्द ईरूल, जो जो भाग वाट्सकु आगुल अद चिट्टी हाक्कु वाट्सकु आगुल.” 57बाक लेवीगोळ दा टु जो तान कुलगोळ्द अनुसार आळ्दकु आदुर आंदुर ईंदुर उर; मतलब गेर्शोनिगोळ दा टु होटकु गेर्शोनिगोळ कुल; कहात दा टु होटकु कहातीगोळ्द कुल; अदिक मरारी दा टु होटकु मरारीगोळ्द कुल. 58लेवीगोळ कुल ईव हुव; मतलब लिब्निगोळ्द, हेब्रोनिगोळ्द, महलिगोळ्द, मूशिगोळ्द, अदिक कोरहिगोळ्द कुल. अदिक कहात टु अम्राम पैदा आदुन. 59अदिक अम्राम उन हिंग्स उन हेसुर योकेबेद आद, आक लेवी इन वंश इन ईरोर जो लेवी इन वंश दा मिस्र द्याश दा पैदा आगीदुर; अदिक आक अम्राम टु हारून अदिक मूसा अदिक आऊन आकतींग मरियम इक भी हाळदुर. 60अदिक हारून से नादाब, अबीहू, एलीआजर, अदिक ईतामार पैदा आदुर. 61नादाब अदिक अबीहू आ समय सोतोगीदुर, याग आंदुर यहोवा अन्द मुंद बेक्‍की होताकीदुर. 62सप्पा लेवीगोळ दा टु जो आळ्दकु आदुर, मतलब यास गंळ्सुर ऊंद तिंगुळ ईनोर या अदुर से यक्‍कुल ऊमर ईनोर ईरोर, आंदुर तेवीस हजार ईरोर; आंदुर इस्राएलिगोळ न्याड्या ईदुरसाटी आळुकु आगीदील, यतिकी आंदरी द्याश इन यातोदु भाग कोटकु ईला आगीत. 63मूसा अदिक एलीआजर याजक जो मोआब इन अराबा दा यरीहो अन्द हात्ती इन यरदन गांगा अन्द किनारा मा इस्राएलीगोळी आळ्द कोंडुर, आंदुर आळ्दकु लॉकुर ईसा ईरोर. 64लेकीन या इस्राएलीगोळी मूसा अदिक हारून याजक सीनै अन आळी दा आळदीदुर, आंदुर दा टु ऊंद भी गंळ्स ई समय इन आळ्दकु लॉकुर दा ईला ईरोर. 65यतिकी यहोवा आंदुर बारा दा अंदिदुन, “आंदुर निश्चित आळी दा सोतोदार.” इदुरसाटी यपुन्ने अन्द पार कालेब अदिक नून उन पार यहोशू उक बिटकु, आंदुर दा टु ऊंद भी गंळ्स ऊळदीदील.