जकर्याह 3

बड़ो याजक से सम्बन्धित दर्सन

1फिर ओ न यहोसू बड़ो याजक ख यहोवा को दूत को सामने खड़ो हुओ मो ख दिखायो, अर सैतान ओकी दाहिनी तरफ ओको विरोध करन ख खड़ो थो।1 2तब यहोवा न सैतान से कहयो, “अरे सैतान यहोवा तो ख डाँट ख! यहोवा जो यरूसलेम नगर ख अपना लेवा है, उई तो ख दोसी ठहराए! का यू अदमी आगी से निकली हुई लुमठी जसो नी है?” 3ऊ बखत यहोसू तो दूत को सामे गंदो मैलो कपड़ा पहिनो हुओ खड़ो हतो। 4तब दूत न यहोसू से कहयो, जो सामने खड़ीयाँ हता, “ऐका यी गंदा मैला कपड़ा उतारो।” फिर ओ न ओसे कहयो, “देख, मी न तोरो बुरई दूर करियो है, अर मी तो ख सुन्दर कपड़ा पहिना देऊँँ है।” 5तब मी न कहयो, “ऐको सिर प एक सुध्द पगड़ी बाँधी जाय।” एकोलाने सेवक हुन न यहोसू की मुंड पर एक याजक को लायक सुध्द पगड़ी रखी, अर ओका कपड़ा पहिनाया; ऊ बखत यहोवा को दूत को जोने खड़ो रयो। 6तब यहोवा को दूत न यहोसू ख जता ख कहयो, 7“सेनाओ को यहोवा तोसे असो कहवा है: अदि तू मोरी रस्ता हुन प चले, अऊर जो कुछ मी न तो ख सोप दियो है, ओकी रक्छा करे, तो तू मोरो भवन को न्याय करन वालो अऊर मोरो आँगन हुन को रक्छक होयगो; अर मी तो ख इनको बीच म आँवन जावन दूँगो जो जोने खड़ा है। 8हे यहोसू, हे महायाजक, हे ओका साथी हुन जो तोरो सामने बैठा है सुन, काहेकि वी अदभुत चिन्ह अदमी। काहेकि देखो मी अपनो सेवक की ड़ाली ख परगट करूँगो। 9ऊ पत्थर ख देख, जे ख मी न यहोसू को सामने रखो है, उ एक ही पत्थर को ऊपर सात आँखी बनी है, सेनाओ को यहोवा की या वाणी आय, देख, मी उ पत्थर पर अक्छर खोद देता है, अर यू देस की बुरई ख एक ही दिन म दुर कर दूँगो। 10उही दिन तुम अपनो अपनो भाईबन्ध हुन ख अंगूर की बेला अऊर अंजीर को झाड़ को नीचू आवन को लाने बुलाएगो सेनाओ को यहोवा की यई वाणी आय।2”