जकर्याह 2

नापन वाली डोरी को दर्सन

1फिर मी न आँखी उठई ते का देख्यो, कि हात म नापन की डोरी लियो हुओ एक अदमी है।1 2तब मी न ओसे पुछियो, “तू किते जावा है?” ओ न मो से कहयो, “यरूसलेम नगर ख नापन जाऊँ है कि देखूँ ओकी चऊड़ाई कित्ती, अऊर लम्बाई कित्ती है।” 3तब मी न का देख्यो, कि जो दूत मो से बात हुन करत रहा, उ चलो गयो, अऊर दुसरो दूत ओ से मिलन को लाने आयो, 4दूत न ओसे कहयो, दऊड़, उ जवान से असो कह: “यरूसलेम नगर की आबादी इत्ती बढ़ जाएगो, ओ म इत्ता इंसान अऊर ढोर बसेंगो कि उ गाँव हुन को समान बिना दीवार हुन को नगर बन जाएगो!” 5यहोवा की यू वाणी आय, कि मी खुद ओको चारी तरफ आग की सी बाऊण्डरी ठहरूँगो, अऊर ओको बीच म चमकिलो हो ख दिखाई दूँगो।

बन्दी हुन ख घर बुलायो जानो

6यहोवा की या वाणी आय, “देखो, सुनो, उत्तर को देस म से भाग जाओ, काहेकि मी न तुम ख बददल की चारी हवा हुन को समान तितर-बितर करियो है।” 7हे सिय्योन तू जो बेबीलोन की पोरी को संग रहवा है अपनो आप ख बचा ल। 8काहेकि सेनाओ को यहोवा असो कहवा है, उ तेज को परगट होवन को बाद ओ न मो ख वी राज्य हुन को नजीक भेजो है जे तुम ख लूटत हती, काहेकि जो तुम ख छूवा है, उ मोरी आँख की पुतली ही ख छूवा है। 9देखो, मी अपनो हात उन प उठाऊंगो, तब वी उनी से लूट जाएँगो, जो उनका दास भया रहा। तब तुम समझेगो कि सेनाओ को यहोवा न मोखा भेजो है। 10हे सिय्योन, ऊँचो सुर से गा अऊर मगन रह, काहेकि देख, मी तोरो बीच म निवास करुँगो, यहोवा की यई वाणी आय। 11ऊ बखत ढ़ेर सारा राज्य हुन यहोवा से मिल जाएगो, अऊर मोरी प्रजा हो जाएँगो; अऊर मी तोरो बीच म रहूँगो, अर तू जानेगो कि सेनाओ को यहोवा न मो ख तोरो जोने भेजो दियो है। 12अऊर यहोवा यहूदा ख पवित्र सहर म अपनो भाग कर लेगो, अर यरूसलेम नगर ख फिर अपनो ठहराएगो। 13“हे सब इंसान हुन! यहोवा को सामे चुप रहो; काहेकि उ जग ख अपनो सुध्द जगह से निकला है।”