जकर्याह 1

प्रभु की तरफ लउटन को बुलावा

1राजा दारा को राज्य को दुसरो साल को आठवो महीना म जकर्याह भविस्यवक्‍ता को जोने जो बेरेक्याह को पोरिया अर इद्दो को नाती थो, यहोवा को यू वचन पहुँचियो।1 2जकर्याह न कहयो, “यहोवा तुम इंसान हुन को बाप दादा हुन से बेजा घुस्सा हुओ थो।” 3एकोलाने तू यी इंसान हुन से कह, सेनाओ को यहोवा असो कहवा है कि तुम मोरी तरफ फिरेगो, सेनाओ को यहोवा की यू वाणी आय, तब मी तुम्हारो तरफ वापस फिरूँगो सेनाओ को यहोवा को यूही वचन आय। 4अपनो बाप दादा को जसो मत बनो, उनसे ते पुरानो जमाना को भविस्यवक्‍ता यू चिल्ला चिल्ला ख कहवत रह, सेनाओ को यहोवा असो कहवा है, अपनो बुरो पाप को रस्ता से फिरो, अऊर अपना बुरा काम हुन से फिरो पर उन न नी तो सुनियो, अर नी मोरी तरफ ध्यान दियो, यहोवा की यू वाणी आय। 5तुम्हारा पुरखा किते रया? भविस्यवक्‍ता का हमेसा जिन्दा रवा है? 6पर मोरो वचन मोरी बात हुन जिन ख मी न अपनो दास भविस्यवक्‍ता हुन ख दियो थो, का वी तुम्हारा बाप दादा हुन पर पूरो नी हुई? तब उन न मन फिरायो, अर कहयो, “सेनाओ को यहोवा न हमारो चालचलन अऊर काम हुन को हिसाब से हम से जसो व्यवहार करन ख कयो हतो, वसो ही ओ न हम ख बदला दियो है।”

घोड़ा को बारे म भविस्यवक्ता को दर्सन

7राजा दारा को दुसरो साल को सबात2 नामक ग्यारहवें महा को चोबिसवो रोज को जकर्याह भविस्यवक्ता को जोने जो बेरेक्याह को पोरिया अर इद्दो को नाती हतो, यहोवा को वचन असो पहुँचियो। 8“मी न रात ख सपना म का देख्यो कि एक अदमी लाल घोड़ा प चढ़ो हुओ उन मेंहदी हुन को बीच म खड़ो है जो नीचू जगह म है, अर ओको पीछे लाल धब्बादार अर स्वेत घोड़ा भी खड़ो है।3 9तब मी न कयो, ‘मोरो प्रभु, यी कोन आय?’ तब जो देव दूत मो से बात करत रह, ओ न मो से कयो, ‘मी तो ख बताऊँ कि यू कोन आय।’ 10फिर जो अदमी मेंहदी हुन को बीच म खड़ो हतो, ओ न कयो, ‘यी वी आय जिन ख यहोवा न जमीन पर इते-उते घूमन को लाने भेजो है।’ 11तब उन न यहोवा को दूत से जो मेंहदी हुन को बीच म खड़ो हतो, कहयो, ‘हम न जमीन पर इते उते फिरिया, अऊर का देख्यो कि पूरी दुनिया म सान्ति अऊर चैन है।’ 12तब यहोवा को दूत न कयो, ‘हे प्रभु सेनाओ को यहोवा, तू जो यरूसलेम नगर अर यहूदा प्रदेस को सहर हुन पर सत्तर साल से घुस्सा है, एकोलाने तू उन पर कब लक दया नी करेगो?’ 13अऊर यहोवा न जवाब म उ दूत से जो मो से बात करत रह, अच्छी अच्छी अऊर सान्ति को सब्द सुनायो। 14तब जो दूत मो से बात करत रह, ओ न मो से कयो, ‘तू पुकार ख बोल कि सेनाओ को यहोवा असो कहवा है,’ मो ख यरूसलेम नगर अऊर सिय्योन को लाने बड़ी जलन हुई है। 15जो राज्य हुन सुख से रहवा है, उन से मी घुस्सा हूँ; काहेकि मी न तो थोड़ो-सो घुस्सा करियो रह, पर उन न दुख ख बढ़ा दियो। 16यू वजे से यहोवा असो कहवा है, अब मी दया कर ख यरूसलेम नगर ख लउट आयो हूँ; मोरो भवन ओ म बनेगो, अऊर यरूसलेम नगर म नापन की डोरी डाली जाहे, सेनाओ को यहोवा की यई वाणी आय। 17फिर यू भी पुकार ख बोल कि सेनाओ को यहोवा असो कहवा है: मोरो नगर फिर उत्तम चिज हुन से भर जाएगो, अऊर यहोवा फिर सिय्योन ख सान्ति देगो; अऊर यरूसलेम नगर ख फिर चुनूंगो।”

सींग हुन को दर्सन

18फिर मी न जो आँखी ऊपर उठाई, ते का देखो कि चार सींग है। 19तब जो देव दूत मो से बात हुन करत रह, ओ ख मी न पुछयो, “यू का है?” ओ न मो से कहयो, “यी वी ही सींग है, जिन न यहूदा अऊर इस्राएल अर यरूसलेम नगर ख इंसान हुन ख तितर-बितर करियो है।” 20फिर यहोवा न मो ख चार लोहार दिखायो। 21तब मी न पुछयो, “यी का करन ख आया है?” ओ न कहयो, “यी वी ही सींग है, जिन न यहूदा ख असो तितर-बितर कियो कि कोई सिर नी उठा सके; यी लोहार उन ख खतम करन को लाने आया हैं। जे रास्ट्र हुन न यहूदा ख तितर-बितर करन ख लाने अपनो सींग हुन ख बड़ायो थो, यी लोहार उनका सींग हुन ख तोड़ेगो।”