मीका 7

इस्राएल को नैतिक बेईमानी

1काहेकि मी ऊ जन को जसो हो गयो है जे उनाहरा को फल तोड़न प, या रयी हुयो अंगूर बीनन को बखत को अंत म आ जाहे, मोख ते पक्का अंजीर हुन को इच्छा हतो, पर खावन को लाने कोई गुच्छा नी रयो। 2अच्छो इंसान धरती पर से नास हो गयो है, अऊर इंसान हुन म एक भी सीधो जन नी रयो; ऊ सब को सब हत्या को लाने घात लगवा, अऊर जाल लगा ख अपनो अपनो भई को सिकार करा है। 3वी अपनो दोई हात हुन से मन लगा ख बुरई करा है; अधिकारी रूसमत माँगा, अऊर न्यायी रूसमत लेवन ख तैयार रहवा है, अऊर रहीस अपनो मन को बुरई बखान करा है; यू तरीका से ऊ सब मिल ख धोका धड़ी करा है। 4उन म से जे सबसे अच्छी है, ऊ कटीला झाड़ी को जसो दुखदेन वालो है, जे सबसे सीधो है, ऊ काँटेवाला बाड़ा हुन से भी बुरो है। तोरो पहरू हुन को कहयो हुयो दिन यनेकि तोरो दण्ड को दिन आ गयो है। अब वी तुरत उलझन म पड़ गयो। 5दोस्त प भरोसा मत करो, अच्छो दोस्त प भी विस्वास मत रख; वरन् अपनो घरवाली से भी संभल ख बोलनू। 6काहेकि पोरिया बाप की बेज्जती करा, अऊर पोरी माय को, अऊर बहू सासु को खिलाप उठा है; इंसान को दुस्मन ओको घर ही को इंसान होवा है।1 7पर मी यहोवा को तरफ ताकतो रहूंगो, मी अपनो उद्धारकर्ता परमेस्वर को रस्ता देखतो रहूंगो; मोरो परमेस्वर मोरी सुनेगो।

उद्धार परमेस्वर से ही है

8अरे मोरी दुस्मन, मो प खुसी मत कर; काहेकि ऊसीच ही मी गिरेगो उसीच उठेंगो; अऊर ऊसीच ही मी अंधेरो म पड़ूगो उसीच यहोवा मोरो लाने उजेलो है। 9मी यहोवा को खिलाप पाप कियो है, यू वजे से मी ऊ बखत तक ओको घुस्सा ख सहतो रहूंगो जब लक कि ऊ मोरो मुकदमा लड़ ख मोरो न्याय नी चुकाएगो। ऊ बखत ऊ मी उजियाला हुन म निकाल ले आएँगो, अऊर मी ओ को नेकी देखुगो। 10तब मोरो दुस्मन जे मो से यू कहवा है कि तोरो परमेस्वर यहोवा किते रयो, ऊ भी ओ ख देखेगी अऊर सरम से मुंडो ढाँकेगी। अऊर मी अपनो आँखी हुन से ओ ख देखुगो; तब ऊ सड़क हुन को चिखल को जसो पछाड़ी जाएगी। 11तोरो बाड़ा हुन को बाँधन को दिन ओको सिवाना बढ़ायी जाएगो। 12ऊ दिन अस्सूर से, अऊर मिस्र को सहर हुन से, अऊर मिस्र अऊर महानद को बीच को, अऊर समुंदर-समुंदर अऊर पहाड़ी-पहाड़ी को बीच को देस हुन से इंसान तोरो जोने आएँगो। 13तेभी यू धरती को दुसरो रहन वालो को काम को वजे से उजाड़ ही रयेगो।

इस्राएल प परमेस्वर को दया

14तू लाठी लाने होए अपनो जनता को चरायो कर, यनेकि अपनो खुद को हिस्सा को भेड़-बकरी हुन को, जे कर्म्मेल को जंगल म अलग बैठा है; ऊ पुरानो जमाना को जसो बासान अऊर गिलाद म चरा करे। 15जसो कि मिस्र देस से तोरो निकल आवन को दिन हुन म, वसो ही अब मी ओ ख बड़िया काम दिखाऊँगो। 16दुसरी देस को लोग देख ख अपनो सारा पराक्रम को बारे म लजाएंगी; ऊ अपनो मुंडो ख हात से लुकाएगो, अऊर उन को कान बेहरा हो जाएंगो। 17वी सरप को जसो मट्टी चाटेगी, अऊर जमीन प रेंगनेवाला जन्तु हुन की कई को अपनो बिल हुन म से काँपा हुयो निकलेगी; वी हमरो परमेस्वर यहोवा को जोने थरथरा हुई आहे, अऊर वी तोरो से डरेगी। 18तोरो जसो असो परमेस्वर किते है जे दुस्टता ख छमा करे अऊर अपनो खुद को हिस्सा को बचा हुयो हुन को गुना ख ढाँक दे? ऊ अपनो घुस्सा ख सदा बनाए नी रहतो, काहेकि ऊ करूणा से प्रेम रखा है। 19ऊ फिर हम प दया करेगो, अऊर हमरो दुस्टता को काम हुन ख पछाड डालेगो। तू उन को सब पाप हुन ख गहिरो समुंदर म डाल देगो। 20तू याकूब को बारे म ऊ सच्‍चाई, अऊर अब्राहम को बारे म ऊ प्रेम पूरी करेगो, जेकी कसम तू कई जमाना को दिन हुन से ले ख अब लक हमरो बाप दादा हुन से खाते आयो है।