मीका 6

इस्राएल को खिलाप प्रभु को मामला

1जे बात यहोवा कहा है, ओ ख सुनो: उठ ख, पहाड़ हुन को आगु बहस कर, अऊर टिला हुन भी तोरी सुनन पाहे। 2अरे पहाड़ हुन, अऊर अरे धरती को अटल नींव, यहोवा को वादविवाद सुनो, काहेकि यहोवा को अपनो लोग को संग मुकदमा है, अऊर ऊ इस्राएल से भहस करा है। 3अरे मोरी लोगो, मी न तोरो का बिगाड़यो है? का कर ख मी न तो ख उकता दियो है? 4मोरो खिलाप गवाई दे! मी ते तो ख मिस्र देस से निकाल ले आयो, अऊर गुलामी को घर म से तो ख छुड़ा लायो; अऊर तोरी अगुवाई करन ख मूसा, हारून अऊर मरियम ख भेज दियो। 1 5अरे मोरी लोग, ध्यान कर, कि मोआब को राजा बालाक न तोरो खिलाप कोन सी साजिस करी, अऊर बोर को पोरिया बिलाम न ओ ख का सम्मति दी, अऊर सित्तीम से गिलगाल लक को बात हुन को ध्यान कर, जे से तू यहोवा को न्याय को काम समझ सके।2

प्रभु ख का चाहवा है

6मी का ले ख यहोवा को सम्मुख आऊ, अऊर ऊपर रहनवालो परमेस्वर को आगु झुकू? का मी आगी बलि को लाने एक एक साल को बच्छा हुन ले ख ओको जोने आऊं? 7का यहोवा हजारो मेढ़ा हुन से, या जैतून तेल की लाखो नदी हुन से खुस होएगो? का मी अपनो गुना को पस्चाताप म अपनो इकलोतो ख या अपनो पाप को बदले म अपनो जन्मायो हुयो कोई ख देऊ है। 8अरे इंसान, ऊ तो ख बता चुको है कि अच्छो का है; अऊर यहोवा तोरो से यू छोड़ अऊर का चाहवा है, कि तू न्याय से काम करे, अऊर किरपा से प्रेम रखे, अऊर अपनो परमेस्वर को संग नम्रता से चले? 9यहोवा यू सहर को इंसान हुन ख हाका दे रयो है, अऊर पुरो ग्यान तोरो नाम को डर माननो है सासन-दंड को, अऊर जे ओ ख देन वालो है ओकी बात सुना! 10का अब लक दुस्ट को घर म बुरई से पायो हुयो धन अऊर वी झुठा उपाय अपनावा है एक असी चिज जेसे मो ख नफरत है? 11मी ऊ इंसान हुन ख कसो माफ कर सकू है जे झुठा तराजू बाँट झोला को इस्तेमाल करा है? 12उते को धनवान इंसान उपद्रव को काम देखो करा है अऊर इते को सब रहन वालो झूठ बोलत है उन को मुंड़ो से छल की बात हुन निकलह है। 13यू वजे से मी तो ख मारते मारते बेजा ही अदमुसरा करू है, अऊर तोरो पाप हुन को वजे से तो ख उजाड़ डालूं है। 14तू खाएगो, पर सन्तुस्ट नी होएगो, तोरो पेट भुखो ही रहेगो; अऊर तू अपनो धन ले कर चलेगो, पर नी बचा सकेगो, अऊर जे कुछ तू बचा भी ले, ओ ख मी तरवाल चला ख लुटवा दूंगो। 15तू बोएगो, पर तू काटेगो नी; तू जैतून को तेल निकालेगो, पर लगान नी पाएगो; अऊर अंगूर रोउदेगो, पर अंगूर को रस पी नी पाएगो। 16काहेकि वी राजा ओम्री को विधि हुन प, अऊर राजा अहाब को घराना हुन को सब काम हुन प चला है; अऊर तुम उन को साजिस हुन को हिसाब से चला हो; एकोलाने मी तो ख उजाड़ दूंगो, अऊर यू सहर को रहवनवाला हुन प ताली बजवाऊंगो, अऊर तू मोरी लोग को नाम धराई सहेगो।