मीका 5

1यरूसलेम को इंसान हुन, अपनी सेना जमा करो हम घेरा म आ गया है वी इस्राएल को मुखिया प हमला कर रया है।

परमेस्वर बैतलहम से एक मुखिया से वादा करह है

2यहोवा यू कहवा है, “बैतलहम एप्राता, तू यहूदा म छोटो है एक है पर तो म से इस्राएल को लाने एक मुखिया लाऊंगो जेकी खानदान कई जमाना से चली आवा है।”1 3यू वजे से ऊ उन ख ऊ बखत लक त्यागे रहेगो, जब लक गरब पैदा नी करे; तब इस्राएली हुन को जोने ओको बचायो हुओ भई लोउट ख उन से मिल जाएगो। 4अऊर ऊ खड़ो हो ख यहोवा को दियो हुयो सक्ति से, अऊर अपनो परमेस्वर यहोवा को नाम को प्रताप से, उन की चरायो करेगो। वी सुरक्छित रहेगो, काहेकि अब ऊ धरती को छोर लक महान ठैरेगो।

छुटकारा अऊर सजा

5अऊर ऊ सांति को मेन होएगो। जब अस्सूरी हमरो देस प चढ़ई करहे, अऊर हमरो राजभवन हुन पाय रखहे, तब मी उन को खिलाप सात चरवाहा हुन वरन् आठ प्रधान इंसान खड़ो करेगो 6अऊर वी अस्सूर को देस ख वरन् प्रवेस को जगा हुन लक निम्रोद को देस ख तरवाल चला ख मार लेगो; अऊर जब अस्सूरी इंसान हमरो देस म आहे, अऊर ओको सिवाना को अंदर पाय रखहे, तब ऊही अदमी हम ख उन से बचाएगो।2 7तब याकूब को बचा हुआ इंसान ढेर सारो राज्य हुन को बीच असो काम देगो, जसो यहोवा को ओर से पड़नवाली ओस, अऊर चारा प को बारिस, जे कोई को लाने नी ठैरा अऊर इंसान हुन को रस्ता नी देखा। 8याकूब को बचो हुयो इंसान राज्य हुन म अऊर देस देस को इंसान हुन को बीच असो होएगो जसो जंगल को पसु म सेर, या भेड़-बकरी हुन को झुंड हुन ख म जवान सेर होवा है काहेकि जब ऊ उन को बीच म से जाहे, लताड़तो अऊर फाड़तो जाएगो, अऊर कोई बचा नी सकेगो। 9तोरो हात तोरो दुस्मन हुन प पड़यो अऊर तोरो सब दुस्मन नास हो जाहे।

10यहोवा को यू वानी है, ऊ बखत मी तोरो घोड़ा हुन को तोरो बीच म से नास करूंगो; अऊर तोरो रथ हुन को बर्बाद करूंगो। 11मी तोरो देस को सहर हुन ख भी नास करूंगो, अऊर तोरो किला हुन ख गिरा दूंगो। 12मी तोरो तंतर-मंतर को नास करूंगो, अऊर तोरो म जादु टोना आगे ख नी रहेगो। 13मी तोरी खुदी हुई मूरती हुन, अऊर तोरो खंबा को देव, तोरो बीच म से नास करूंगो; अऊर तू आगे ख अपनो हात को बनायो हुयो चिज हुन ख दण्डवत्। नी करेगो 14मी तोरी असेरा नाम को मूरती हुन ख तोरी जमीन म से उखाड़ डालूंगो, अऊर तोरो सहर हुन को बर्बाद करूंगो। 15अऊर मी राज्य-राज्य से जे मोरो हुकुम नी माना, घुस्सा अऊर जलजलाहट को संग बदला लूंगो।