मीका 4

सांति को राज्य

(यसायाह 2:1-4)

1अन्त को दिन हुन म असो होएगो कि यहोवा को मंदिर को पहाड सब पहाड़ हुन प मजबुत करयो जाएगो, अऊर सब पहाड़ी हुन से जादा ऊँचो करयो जाएगो; अऊर कई राज्य को इंसान नद्दी को जसो ओको तरफ चलेगो, 2अऊर ढेर सारो देस-देस को इंसान जाएगो, अऊर आपसी म कहेगो, आओ, हम यहोवा को पहाड प चढ़ ख, याकूब को परमेस्वर को मंदिर म जाए; तब वी हम ख अपनो रस्ता सिखाएगो, अऊर मी यहोवा को रस्ता हुन प चलेगो। काहेकि यहोवा को नेम सिय्योन से, अऊर यहोवा को वचन यरूसलेम से निकलेगो। 3ऊ ढेर सारो से देस हुन को इंसान हुन को न्याय करेगो, अऊर दूर दूर लक को ताकतवार राज्य हुन को झगड़ा हुन ख मिटाएगो; एकोलाने ऊ अपनो तरवाल हुन पीट ख हल को फार, अऊर अपनो भाला हुन से दराती बनाएगो; तब एक राज्य दुसरो राज्य को खिलाप तरवाल फिर नी चलाएगी;1 4पर ऊ अपनो अपनो बेला अऊर अंजीर को झाड़ निच्चे बठा करेगो, अऊर कोई उन ख नी डराएगो; सेना हुन को यहोवा न यू वचन देयो है।2 5सब राज्य हुन को इंसान ते अपनो अपनो देवता को नाम ले कर चला है, पर हम इंसान अपनो परमेस्वर यहोवा को नाम ले ख सदा हमेसा चलते रहेगो।

गुलामी से इस्राएल की वापसी

6यहोवा की यू वानी आय, ऊ बखत मी लोग को लंगड़ा हुन ख, अऊर जबरन निकाले हुओ ख, अऊर जिन ख मी न दुख देयो है ऊ सब इकट्ठो करूंगो; 7अऊर लंगड़ा हुन ख मी बचा रखूगो, अऊर दूर करियो हुओ ख एक ताकतवार देस कर दूंगो; अऊर यहोवा उन प सिय्योन पहाड को ऊपर से सदा राज्य करतो रहेगो। 8अरे एदेर को गुम्मट, अरे सिय्योन की पहाड़ी, पहलो हक यानेकि यरूसलेम को राज्य तो ख मिलेगो। 9अब तू काहे चिल्लावा है? का तोरो म कोई राजा नी रया? का तोरी साजिस करनवाला नास हो गयो, जेसे गरब बई को जसो तो ख दरद उठा है? 10अरे सिय्योन को पोरी, गरब बई को जसो दरद उठा ख पैदा कर; काहेकि अब तू सहर से निकल ख बर्रा म बसेगी, वरन् बेबीलोन लक जाएगी; ऊ तू छुड़ायी जाएगी, यनेकि ऊ यहोवा तो ख तोरो दुस्मन हुन को वस म से छुड़ा लेगो। 11अब ढेर सी राज्य तोरो खिलाप इकट्ठो हो ख तोरो बारे म कहेगी, सिय्योन असुध्द को जाए, अऊर मी अपनो आँखी हुन से ओको नास होतो हुओ देखे। 12पर ऊ यहोवा को विचार हुन नी जानह, न ओकी साजिस समझा है, कि ऊ उन ख असो बिन लेगो जसो खलियान म ठेमा हुन बिनो जावा है। 13अरे सिय्योन, उठ अऊर दाँवन कर, मी तोरो सींग हुन ख लोहा हुन को, अऊर तोरो खुर हुन ख पीत्तल को बना दूंगो; अऊर तू ढेर सी देस हुन ख चूर चूर करेगी, अऊर उन की कमई यहोवा ख अऊर उन को धन-दोऊलत धरती को प्रभु को लाने चढ़ावा करेगी।