मीका 3

मीका को दुवारा इस्राएल को अगुवा हुन की निंदा

1मी न कहयो, अरे याकूब को प्रधान हुन, अरे इस्राएल को घराना को न्यायी हुन, सुनो! का न्याय को राज जाननो तुमरो काम नी? 2तुम ते भलई से जला, अऊर बुरई से प्रेम रखा है, मानो, तुम इंसान हुन प से उन को खाल उधड़ लेवा, अऊर उन को हड्डी हुन पर से उन को मास लोच लेवा हो; 3बल्कि तू मोरो इंसान हुन को मास खा भी लेवा, अऊर उन को खाल उधड़ा हो; तू उन को हड्डी हुन ख हंडी म पकावन को लाने तोड़ डाला अऊर उन को मास हंडा हुन म पकावन को लाने टुकड़ा टुकड़ा करा है। 4वी ऊ बखत यहोवा की बड़ाई देगो, पर ऊ उन की नी सुनेगो, लेकिन ऊ बखत ऊ उन को बुरो काम हुन को वजे से उन से मुंडो मोड़ लेगो। 5यहोवा को यू वचन है की जे भविस्यवक्ता मोरो लोग ख भटका देवा है, अऊर जब उन ख खावन ख मिला है तब सांति, सांति पुकारह है, अऊर अदि कोई उन को मुंडो म कुछ नी दे, ते ओको खिलाप युद्ध करन ख तैयार हो जावा है। 6यू वजे से तुमरो प असी रात आएगी, कि तुम ख दर्सन नी मिलेगो, कि तुमरो प सूरज डूब जाएगो अऊर दिन रहते भविस्यवक्ता उन प इंधारो छा जाएगो कि तुम परमेस्वर को संदेस नी ला सकेगो।1 7दर्सन देखन वाला सर्मीदा होएगो, अऊर भविस्य कहन वाला हुन को मुंडो कालो होएगो; अऊर ऊ सब को सब अपनो होट हुन ख एकोलाने ढाँकेगो कि परमेस्वर को तरफ से जुवाब नी मिल्यो। 8पर मी ते यहोवा को आत्मा से सक्ति, न्याय अऊर पराक्रम पा ख परिपूर्ण हूँ कि मी याकूब ख ओको गुना अऊर इस्राएल ख ओको पाप बता सकू। 9अरे याकूब को घराना हुन को मुखिया हुन, अरे इस्राएल को घराना हुन को न्यायी, अरे न्याय से जलन करन वालो अऊर सब सीधी बात हुन ख टेढ़ी-मेढ़ी करन वालो, यू बात सुनो। 10तुम हत्या अऊर अन्याय की नीव प परमेस्वर को सहर अऊर यरूसलेम को निर्मान कर रया है। 11ओको प्रधान घुस ले ले ख विचार करह, अऊर याजक दाम ले ले ख नेम देवा है, अऊर भविस्यवक्ता पैसा को लाने भावी कहवा है; तेभी वी यू कह ख यहोवा प भरोसा रखह है, यहोवा हमरो बीच म है, एकोलाने कोई आफत हम प नी आएगी। 12एकोलाने तुमरो वजे से सिय्योन जोत ख खेत बनायो जाएगो, अऊर यरूसलेम खण्डहर हुन को ढेर हो जाएगो, अऊर जे पहाड प मंदिर बनो है, ऊ जंगल को ऊँचो जगा जसो सा हो जाएगो। 2