मीका 2

इंसान की योजना अऊर परमेस्वर की योजना

1हाय उन प, जे बिछोना हुन प पड़यो होए बुरई हुन को विचार करा अऊर दुस्ट करम की मर्जी करा है, अऊर बलवन्त होवन को वजे से भुनसारो ख दिन निकलते ही वी ओ ख पूरो करा है। 2ऊ खेत हुन को लालच कर ख उन ख छुडा लेवा है, अऊर घर हुन को लालच कर ऊ उन ख भी ले लेवा है; अऊर ओ को घराना समेत अदमी प, अऊर ओको खुद को हिस्सा समेत कोई अदमी प अंधेर अऊर अत्याचार करा है। 3यू वजे से, यहोवा असो कहवा है मी यू खानदान प असी आफत डालन प हूँ, जेको नीचू से तुम अपनो गर्दन हटा नी सकेगो, नी अपनो मुंडी ऊँचो करयो हुयो चल सकेगो; काहेकि ऊ आफत को बखत होएगो। 4ऊ बखत यू बेजा दुख को गाना दृस्टांत को रीति प गायो जाएगो हमरो ते सत्यानास हो गयो; ऊ मोरो इंसान हुन को हिस्सा ख बिगाड़ा है; हाय, ऊ ओ ख मोसे कित्तो दूर कर देवा है! ऊ हमरो खेत झगड़ा करनवाला ख दे देवा है। 5यू वजे से तोरो असो कोई नी होएगो, जे यहोवा की मण्डली म चिट्ठी डाल ख नापन की डोरी डाले। 6उन को भविस्यवक्ता कहवा है, भविस्य वानी मत करा, इय बात हुन को बारा म भविस्य वानी मत करो, हमरो उप्पर अपमान नी लगेगो। असो इंसान हुन म से बेज्जती नी मिटेगो। 7अरे याकूब को घराना हुन, का यू कहयो जाए कि यहोवा की आत्मा म धीरज नी है? का यू काम ओको ही करयो हुयो है? का मोरो वचन हुन से ओको भलो नी होवा जे नेकी से चला है? 8पर कल की बात है कि मोरी लोग दुस्मन बन ख मोरो खिलाप उठी है; तू सान्त अऊर भोला-भाला इंसान हुन चलन वाला हुन को आँग पर से चद्दर छुडा लेवा है जे लड़ई को विचार नी कर ख बेधड़क चलो जावा है। 9मोरी लोग की बई हुन ख तू उन को सुख को घर हुन से निकाल देवा है; अऊर उन को नन्हा बच्चा हुन से तू मोरो दी हुई उत्तम चिज हुन हमेसा को लाने छुडा लेवा हो। 10उठो चलो जाव! काहेकि यू तुमरो अराम की जगह नी है; एको वजे से ऊ असुद्धता है जे कठिन दुख को संग तुमरो नास करेगी। 11अदि कोई झूठी आत्मा म चलतो हुओ झूठी अऊर बेकार बात हुन कहे अऊर कहे कि मी तुम ख हमेसा अंगूर को मंद अऊर मदिरा को लाने परचार सुनातो रहूंगो, ते ऊ यू इंसान हुन को भविस्यवक्ता ठैरेगो। 12अरे याकूब, मी जरूर तुम सभी ख इकट्ठो करूंगो; मी इस्राएल को बचा हुआ हुन ख जरूर इकट्ठो करूंगो; जसो बाडा म भेड़-बकरी हुन को जसो एक संग रखूगो। ऊ झुंड को जसो जे अच्छी चारा की जगा म हो, ऊ इंसान हुन को भीड़ को मारे कल्ला मचाएगो। 13उन को आगे बाड़ा हुन को तोड़न वालो गयो है, एकोलाने वी भी ओ ख तोड़ रया है, अऊर फाटक से हो ख निकलह जा रया है; उन को राजा उन को आगे आगे गयो यानेकि यहोवा उन को अगुवा है।