मीका 1

1यहोवा को वचन, जे यहूदा को राजा योताम, आहाज अऊर हिजिकिय्याह को दिन हुन म मोरेसेतवासी मीका ख पहुँचियो, जे ख ओ न सामरिया अऊर यरूसलेम को बारे म पायो।

सामरिया अऊर यरूसलेम को लाने सोक

2हे राज्य-राज्य को सब इंसान हुन, सुनो! अरे धरती तू ऊ सब समेत जे तोरो म है, ध्यान दे! प्रभु यहोवा तुमरो खिलाप, लेकिन परमेस्वर अपनो पवित्र मंदिर म से तुमरो प गवाई दे। 3काहेकि देख, यहोवा अपनो सुध्द जगा से बाहर निकल रयो है, अऊर ऊ उतर ख धरती को ऊँचो जगा हुन प चलेगो। 4पहाड़ ओको नीचू गल जाएगो, अऊर झिलान असी फटेगी, जसो मोमबत्ती आगी को आँच से, अऊर पानी जे चढई से नीचे बहा है। 5यू सब याकूब को गुना अऊर इस्राएल को घराना हुन को पाप को वजे से होवा है। याकूब को गुना का है? का सामरिया नी? अऊर यहूदा को ऊँची जगा का है? का यरूसलेम नी? 6यू वजे से मी सामरिया ख बर्रा म को ढेर बना दूंगो, अऊर अंगूर को बगीचा को जसो बनाऊँगो; अऊर मी ओको पत्थर हुन की खाई म लुढ़का दूंगो, अऊर ओको नींव उखाड़ दूंगो। 7ओकी सब खोदी भयी मूरती हुन टुकड़ा टुकड़ा करी जाएगी; अऊर जे कुछ ओ न छिनाला कर ख कमायो है ऊ आगी से भस्म करयो जाएगो, अऊर ओकी सब प्रतिमा हुन ख मी चकनाचूर करूंगो; काहेकि छिनाला हुन को ही कमई से ओ न उन को जोड़ करयो है, अऊर ऊ फिर छिनाला हुन की सी कमई हो जाएगो। 8यू वजे से मी छाती पीट ख हाय, हाय, करूंगो; मी लूटो हुओ सो अऊर उघड़ो अग चलो फिरयो करूंगो; मी गीदड़ हुन को जसो चिल्लाऊंगो, अऊर सुतुर्मुर्गा को जसो रोऊंगो। 9काहेकि सामरिया को खत्ता बे ईलाज है; अऊर आफत यहूदा प भी आ पड़यो, यहा लक की ऊ मोरा इंसान हुन प पड़ ख यरूसलेम को फाटक लक पहुँच गयी है।

दुस्मन को यरूसलेम को तरफ बढनो

10गत सहर म एकी चर्चा मत करो, अऊर मत रोवा बेतआप्रा को जगा1 म धुँड़ला म लोटपोट करो। 11अरे सापीर सहर को इंसान हुन को रहनवालो नंगो हो ख बिनलाज को चलो जा; अऊर जे सानान सहर को रहनवालो बहार नी निकल सका; बेतेसेल इंसान हुन को रोवन पीटन को वजे से ओको सरन जगा तुमरो से ले लियो जाएगो। 12जे सारोत सहर को इंसान हुन रहनवाली ते दुख से तड़पा है अऊर मदद को लाने रस्ता देख रयो है काहेकि यहोवा को दुवारा भेजी जो विपत्ति यरूसलेम फाटक लक पहुँच गयी है, 13लाकीस को रहनवाली इंसान घोड़ा हुन ख रथ हुन म जोत ल तुम न इस्राएल को पाप हुन ख अनुकरन करियो अऊर यू तरीका से यरूसलेम को दुवारा पाप करायो। 14यू वजे से तू गत को मोरेसेत सहर ख दान दे ख दूर कर देगो; अकजीब2 सहर को घर से इस्राएल को राजा धोका ही खाएगो। 15मारेसा को सहर प कब्जा करन वालो है अऊर इस्राएल जानो मानो इंसान हुन अदुल्‍लाम की गुफा म जाय ख लुक जाएगो। 16अपनो दुलारो पोरिया पारी को लाने अपनो बाल कटवा ख सिर मुँड़ा लेकिन अपनो पुरो सिर गिद्ध को जसो चाटी कर दा, काहेकि वी बन्दी होय ख तोरो जोने से चलो गयो है।