आमोस 9

इस्राएल को न्याय

1मी न प्रभु ख वेदी को ऊपर खड़ो देखियो, अऊर ओ ना कहयो: “खम्भा की कंगनियों पर मार जेसे डेवढ़ी हुन हलें,” अऊर उन ख सब अदमी हुन की मुंड़ी प गिरा ख टुकड़ा टुकड़ा कर; अऊर जे नास होन से बचें, उन ख मी तरवाल से मार डालूंगो; उन म से एक भी नी भाग सकेंगो, अऊर जे खुद ख बचाए, उ बच नी पाएगो।1 2“काहेकि चाहे वी खोद ख अधोलोक म उतर जाहे2, ते वहाँ से मी हात बढ़ा ख उन ख लाऊँगो, चाहे वी बददल प चढ़ जाए, ते वहाँ से मी उन ख उतार लाऊँगो3। 3चाहे वी कर्मेल पर्वत म लुक जाए, पर वहाँ भी मी उन ख ढूँढ़-ढूँढ़ ख पकड़ लूंगो, अऊर चाहे वी समुंदर की थाह म मोरी नजर से छुपे , वहाँ भी मी साँप ख उन ख डसन को आदेस देऊंगो। 4चाहे दुस्मन उनका हाँकल ख गुलामी म ले जाए, वहाँ भी मी हुकुम दे ख तरवाल से उन ख मार डालूँगो; अऊर मी उन पर भलाई करन को लाने नी, बुरई ही करन को लाने नजर करूँगो।” 5सेना हुन को परमेस्वर यहोवा को छु लेन से जमीन पिघला है, अऊर ओका सारा रहन वाला सोक करा है; अऊर वी सब की सब मिस्र देस कि नील नदी को समान हो जावा है, जे बढ़ा है, फिर लहर मारा, अऊर घट जावा है। 6जो बददल म अपनी बकारी हुन बनावा, अऊर अपनो आकास मण्डल की नीव जमीन पर डाला, अऊर समुंदर को पानी जमीन पा बहा देवा है, ओको ही नाम यहोवा परमेस्वर आय। 7“हे इस्राएली हुन,” यहोवा की यू वानी आय, “का तुम मोरो लाने कूसी हुन को जसो नी होय? का मी इस्राएल ख मिस्र देस से अऊर पलिस्ती हुन ख कप्‍तोर देस से नी निकाल लायो? अऊर अराम ख लोग हुन ख कीर देस से नी लायो? 8देखो, परमेस्वर यहोवा की नजर यू पाप मय राज्य पा लगी है, अऊर मी एकोलाने जमीन पर से नास करूँगो; तेभी मी पूरी रीति से याकूब को घराना को नास नी करूँगो,” यहोवा की यू वानी आय। 9“मोरो हुकुम से इस्राएल को घराना सब देस हुन म असो छानो जाएगो जसो अनाज छंनना म छानो जावा है, ‘पर ओको एक भी कंकर दाना जमीन पा नी गिरेगो।’ 10मोरी प्रजा म ख सब पापी जो बोला है, ‘वा आफत हम प नी पड़ेगो, अऊर न हम ख घेरेगो,’ वी सब तरवाल से मारा जाएँगो।

इस्राएल ख फिर से बसनो

11“ऊ बखत मी दाऊद की गिरी वाली झोपड़ी ख खड़ो करूँगो, अऊर ओका दिवाल हुन को छेद ख सुधारूँगो, अऊर ओका खण्डहर हुन ख फिर बसाऊँगो, अऊर जसो उ पुरानो जमाना म हतो, ओ ख वसो ही बना दूँगो; 12जे से वी बचिया वाला एदोमी हुन ख वरन सब देस हुन ख, जे मोरी कहलावा है, अपनो हक म ले,” यहोवा जे यू काम पुरो करा है, ओकी यही वानी आय।4 13यहोवा की यू भी वानी आय, “देखो, असा दिन आवा है, कि हल जोतन वाला कटनी करन वाला ख अऊर अंगूर रोऊदन वाला बीज बोवन वाला को पहिले ही आ जाएंगो; अर पहाड़ हुन से नयो अंगूर को रस टपकन लगेगो, अऊर सब पहाडी हुन से बह निकलेगो।5 14मी मोरी प्रजा इस्राएल ख बंधिया वाला ख लउटा ख ले आऊंगो, अऊर वी उजडीया वालो नगर ख फिर सुधार ख उन म बसेंगो, वी अंगूर को बगीचा लगा ख अंगूर को रस पीएँगो, अऊर बगीचा लगा ख उनको फल खाएँगो। 15मी उन ख, उनकी ही जमीन म बोऊँगो, अऊर वी अपनी जमीन म से जे मी न उन ख दी है, फिर कभी उखाडीया नी जाएँगो,” तुमरो परमेस्वर यहोवा को यूही वचन आय।