जकर्याह 4

दीवट को दर्सन

1फिर जो दूत मो से बात करत रह, ओ न आय ख मो ख असो जगायो जसो कोई अदमी नींद से जगायो जावा है। 2ओ न मो से पुछियो, “तो ख का दिखई पड़ह है?” मी न कहयो, “एक दीयानी है, जो पुरो सोना की आय, अऊर ओको कटोरा ओकी चोटी पर है, अऊर ओ पर ओको सात दीया है; जिन को ऊपर बत्ती को लाने सात नाली हुन है। 3दीवट को जोने जैतून ख दो झाड़ है, एक उ कटोरा को दाहिनी तरफ, अऊर दुसरी ओकी बाई तरफ” 4तब मी न ऊ दूत से जो मो से बात करत रह पुछियो, “हे मोरो प्रभु, यू का है?” 5जो दूत मो से बात करत रह, ओ न मो ख उत्तर दियो, “का तू नी जानह कि यी का आय?” मी न कहयो, “हे मोरो प्रभु, मी नी जानु।”

जरूब्बाबेल से परमेस्वर को वादा

6तब ओ न मो ख उत्तर दियो, “जरूब्बाबेल को लाने यहोवा को यू वचन है, न तो बल से, अऊर न सक्‍ति से, पर मोरी आत्मा को दुवारा होयगो, मी सेनाओ को यहोवा को यूही वचन आय। 7हे बड़ो पहाड़, तू का है? अर जरूब्बाबेल को सामे तू मैदान हो जाएगो; अऊर यहोवा भवन को ऊपर की चोटी को पत्थर यू पुकारते हुए आएँगो, ओ पर दया हो, दया !” 8फिर यहोवा को यू वचन मोरो जोने आयो, 9“जरूब्बाबेल न अपनो हात हुन से यू भवन की नींव डाली आय, अऊर अपनो हात हुन से ओ ख तैयार भी करेगो। तब तू जानेगो कि सेनाओ को यहोवा न मो ख तुम्हारो जोने भेजो है। 10काहेकि को न छोटी बात हुन को दिन ख तुच्छ जानयो आय? यहोवा अपनी यी सात आँखी हुन से पूरी धरती पर नजर कर ख साहुल ख जरूब्बाबेल को हात म देखेगो, अऊर मगन होयगो।” 11तब मी न ओसे पुछियो, “यी दो जैतून को झाड़ का आय जो दीवट की दाहिनी-बाई तरफ है?”1 12फिर मी न दूसरी बार ओसे पुछियो, “जैतून की दोई डाली हुन का है जो सोना की दोई नाली हुन को दुवारा अपनो म से सुनहरो तेल उण्डेला है?” 13ओ न मो से कहयो, “का तू नी जानह कि यी का आय?” मी न कहयो, “हे मोरो प्रभु, मी नी जानु।” 14तब ओ न कहयो, “ऐको मतलब ताजो तेल से भरिया हुआ वी दो अदमी आय जो पूरी दुनिया को परमेस्वर को जोने खड़ो रहवा है।”